Aag Ka Gola , Bhoot Ki Kahani.
Bhoot
chudail ya phir kisi aatma ka jikr hota hain. To rangte khade ho jate hain.
Bhoot pret hote hain aur ye hakikat hain. Maine ek baar bhoot dekha tha. Jiska
jikr main yaha kar raha hoon. Bhoot pret kabhi kabhi ek chhalawa ban kar samne
aa jate hain. Din ho ya raat bhoot pret kabhi bhi dikh sakte hain. Bahut baar
to bhoot pret kisi bheer bhar wale jagah par bhi dikh jate hain.
Wo kisi
bhi sakl me dikh sakte hain. Jaise ki aag ka gola. Maine bhoot ko aag ka gola
ke sakl me dekha tha. Wo bhi raat ke samay ekant me. Jab raat ka sannata chhata
hain. To bhoot ki kahani asli bhoot ka thikana batata hain. Ji haan mujhe to ab
tak yakin nahi ho paa raha hain. Ki maine jis bhoot ko dekha tha. Kya wo
hakikat me hain ya phir mere aankhon ka bhram matr hain. Bhoot ki kahani
jyadatar gaon dehat me suni aur sunai jati hain.
Gaon
dehat ke log bhoot ki kahani kahte hain. Is tarah ki kahani sunana matlab darr
ko apne andar jagah dena. Insan ke andar ka darr hi bhoot pret dikha deta hain.
Jyada nahi to un takaton ka halka sa jhalak hi dikha deta hain. Maine bhoot ko
aag ka gola ke roop me dekha tha. Wo bhi apne gaon me. Mujhe yakin hai ki har
insan kabhi na kabhi bhoot dekha jarur hoga. Agar nahi dekha hoga to use bhoot
pret ke maujudgi ka ehsaas jarur hua hoga.
Aisa
laga hoga ki aas paas koi hain. Koi hain jo ham par najar rakhe hue hain. Aaj
main ek bhoot ki kahani likh raha hoon. Jise maine dekha tha. Mujhe ab bhi
yakin nahi hain ki aisa ho sakta hain. Maine bhoot ko apne gaon me dekha tha.
Mera naam anam hain. Main ek chhote se gaon ka rahne wala hoon. Gaon me paida
hua aur gaon me hi raha. Gaon mujhe achchha lagata hain. Ek baar ki baat hain.
Main
apne dost se milne ke liye chauraha par gaya hua tha. Mere gaon ke chaurahe par
kuchh dukan hain. Jahan par sham ke samay main baith kar gappe mara karta hoon.
Gappe marne ke liye main gaon ke chaurahe par gaya tha. Mera ek dost bola ki
gaon ke samne jo bagicha hain. Us jagah par ek bhoot rahta hain. Jo kabhi raat
ke andhere me dikhta hain. Kabhi kabhi to wo raat ke samay aane jane wale logo
se baat karne ki koshish bhi karta hain. Par palak jhapkate nahi pata kaha
gayab ho jata hain.
Kisi ko
pata nahi hain ki wo koun hain. Maine us bhoot ki baat suni. Maine apne dost se
kaha ki ye kya bhoot ki kahani kah rahe ho. Bhoot pret kahi hote hain kya. To
waha par aur bhi aadmi the unhone bhi mujhe kaha. Ki agar yakin nahi ho raha
hain. To jyada raat nahi bas aath se nau baje ke bich hi bagicha chale jana.
Main bola ki main to kitni baat us raste se gujra hoon. Par kabhi kisi bhoot ko
nahi dekha.
To logo
ne kaha ki ho sakta hain. Tumhara dhyan bagiche ke taraf nahi gaya hoga. Tum us
taraf se ja rahe hoge aur apne dhun me hoge. Is liye tumhe nahi dikha. Par wo
bhoot tumhe jarur dekha hoga. Bagicha bhi bazar jane wale raste me tha. Main na
jane kitni baar raat ke samay us bagiche ke samne se paar kiya hunga. Mujhe bhi
yaad nahi hain. Par chaurahe par maujud log is baat ko jor de kar bol rahe the.
Ki gaon ke bagiche ke paas bhoot hain.
Maine
un sabhi ki baaton par bishwash nahi kiya aur apne ghar chala aaya. Par kuchh
dino ke baad hi raat ke samay mujhe bazar jana pada. Kuchh saman kharidna tha.
Jis karan sham hone ke baad main bazar chala gaya. Bazar jate samay main
bagicha ko dekha par wahan par koi bhi nahi tha. Jaisa hamesha lagta hain.
Waisa hi shant bagicha tha. Kahi koi nahi tha. Main bazar gaya aur saman kharid
kar apne ghar wapas aane laga. Raat bhi ho chuki thi.
Jyada
raat to nahi hua tha. Wahi aath baj raha hoga. Main saman kharid kar wapas aa
raha tha. Phir se mujhe usi bagiche wale raste se hote hue wapas aana tha. Main
bagiche ke paas pahucha aur apna cycle rok kar sochne laga. Main socha ki log
jhuth bol rahe hain. Yaha par bhoot hain agar bhoot hota to mujhe jarur dikhta.
Par yaha to koi bhi nahi hain. Mujhe bhi na jane kya ho gaya bhoot dekhne ke
chakkar me main apna cycle waha rok diya.
Kuchh
der tak idhar udhar dekha par koi najar nahi aaya. Phir main socha ki ab ghar
chalna chahiye. Par usi samay ek aadmi mere paas aaya aur mujh se bola ki. Yaha
kya kar rahe ho. Ghar jana hain ya nahi. Raat ke samay idhar udhar kyu bhatak
rahe ho. Main bola ki main kisi ka intejar kar raha hoon. Wo aata hain to sath
chala jaunga.
Uske
baad wo aadmi bagiche ke andar chala gaya. Mujhe us waqt tak bhi kuchh bishesh
nahi laga. Kyu ki jis aadmi ko maine dekha tha. Us aadmi ko main pahle bhi kahi
dekha tha. Kahi bazar me ya kisi jagah par. Wo aadmi bagiche ke andar chala
gaya. Mujhe laga ki itni raat gaye ye aadmi bagiche ke andar kyu gaya. Wo kuchh
dur tak ja chuka tha. Main apna cycle lagaya aur uske pichhe pichhe bagiche ke
andar chala gaya.
Us
aadmi ki najar mujh par nahi padi thi. Main uski najar bacha kar uske pichhe
pichhe chala ja raha tha. Wo aadmi bilkul mere najar me tha. Wo kidhar kidhar
ja raha hain. Main use dekh paa raha tha. Tabhi wo aadmi ek bada sa aag ka gola
ban gaya. Aag ka gola ban kar upar ki taraf badha. Main use dekhte hi darr gaya
aur ek ped ki aad me chhup gaya. Wo aadmi aag ka gola ban kar bhak se kuchh
upar gaya aur phir niche aaya. Phir gayab ho gaya. Uske baad phir se aag ka
gola ban kar bhak se upar gaya aur phir niche aaya.
Phir
gayab ho gaya. Aisa teen baar hua. Ab mujhe pura yakin aa gaya ki jis aadmi ko
maine dekha tha. Jis aadmi ne mujhe toka tha. Wo koi aur nahi balki ek bhoot tha.
Mujhe bahut darr lagne laga. Main uske ilake me tha. Main turant wahan se bhaga
aur apna cycle utha kar sidhe apne ghar chala aaya. Wo aag ka gola mere dimag
me ghumne laga. Log koi bhoot ki kahani jhuth me nahi bol rahe the.
