Baba Ka Dhong , Dhongi Baba.
Rasta chalte bahut
se baba mil jayenge. Par ye pata laga pana bahut muskil hain ki koun sa baba
sahi hain aur koun sa baba dhongi hain. Dhongi baba to bahut se milenge. Par
sahi baba mil pana bahut muskil hain. Dhongi baba bhi achchhi tarah se jante
hain ki kise kaise thagna hain.
Ye to jyada kar ke
auraton ko apna nishana banate hain. Kisi mohalle me chale jayenge aur mohalle
ki auraton ko bewakuf bana denge. Jis se achchha khasha paisa bhi thag lenge.
Dhongi baba aise aise baat karnge ki kisi ko bhi apne baaton me uljha denge.
Kiske ghar me kya hua tha. Kiske sath koun sa ghatna ghata tha. Ye sab baat
bahut hi aasani se bata denge.
Logo ko yakin bhi
ho jayega ki baba sach bol rahe hain. Kiske jiwan me kya gujra kiske sath koun
sa hadsa ghata. Ye sab baat to sirf chehra dekh kar hi bata denge. Aise baba
kisi ke ghar us waqt jayenge. Jis waqt ghar ka purush ghar se bahar kisi kaam
se gaya hoga. Auraton ko bewakuf banana bahut aasan hota hain. Wo bahut hi
jyald kisi ke bhi jhase me aa jati hain.
Jab bishwash ban
jata hain to dhongi baba us se moti rakam aith kar chale jate hain. Ek kahani
aisi hi hain. Jise main apne ek dost se suna tha. Us kahani ko main yaha likh
raha hoon. Ek baar ki baat hain.
Kisi mohalle me ek
dhongi baba aaya. Dhongi baba mohalle ke ek ghar se dusre ghar me bhikh mangne
laga. Jiske jo samajh me aata wo us baba ko de deta. Aise hi mangte mangte ek
aurat ke ghar pahucha. Wo aurat ghar me akeli thi. Jab baba uske ghar pahucha
to usne bahar se hi aawaj lagaya. Ki baba tumhare ghar aaya hain.
Kuchh bhiksha ke
liye hain to de do. Aurat ghar ke andar se hi boli ki abhi ghar me koi nahi
hain. Aap agle darwaje chale jaiye. Jab baba ko pata chal gaya ki ghar ke andar
koi nahi hain. Sirf ek aurat hi hain. To usne phir se aawaj lagaya ki baba
bahut bhukha hain. Tumhare ghar me jo bhi bashi ya phir bacha hua khana hain.
Wahi de do baba
use kha kar yaha se chale jayenge. Dhongi baba ghar ke bahar khada ho kar aawaj
lagane laga. Par waha se nahi gaya. Bahut der ke baad us ghar ki malkin bahar
nikli. Usne tej aawaj me kaha ki aap se kitni baar kaha ki ghar me koi nahi
hain. Aap dusre darwaje chale jaiye. Par aap to bahut der se yahi khade hain.
Tab baba bole ki
beti main bahut bhukha hoon. Do dino se kuchh bhi nahi khaya. Agar tumhare ghar
me kuchh kahne ko hain to mujhe de do. Main use kha kar yaha se chala jaunga.
Jab wo aurat baba ka halat dekhi to use us par taras aa gai.
Usne baba se kaha
ki aap yahi rukiye main ghar se kuchh khane ko le kar aati hoon. Baba ko kya chahiye
tha. Sirf baat karne ka ek chhota sa jariya. Wo aurat ghar ke andar gai aur
roti le kar aai. Baba roti le liye. Aur bole ki bhagwan tumhara bhala karega.
Tum ne ek bhukhe hue baba ko khana diya hain. Iske badle me tumhara ghar anaj
se bhar jayega.
Wo aurat baba ka
baat sun kar bahut khush ho gai. Baba us aurat ki taraf dekhe aur phir ghar ke
taraf dekhe. Phir bole ki beti ye jagah bahut apsagun hain. Yaha par bahut kast
hain. Aisa lagta hain ki yaha par kisi aatma ka wash hain. Kisi dust aatma ne tumhare
ghar me kabja kar rakha hain.
Aurat boli dust
aatma par yaha to sab kuchh sahi chal raha hain. Koi kast mujhe najar nahi aata
hain. To baba bole ki beti tum bahut sidhi sadhi ho aur aatma bahut chalak
hain. Is ghar me jo aatma hain. Wo ek ladki ki aatma hain. Us aatma ka khwahish
hain ki wo tumhare pati ko maar kar apne sath rakh le. Tab aurat boli ki hame
kabhi bhi is chij ka aabhas tak nahi hua. Kisi ki aatma aaj tak nahi dekhi.
Dhongi baba to
bahut satir the usne kaha ki aatma apne maksad ko pura karna chah rahi hain. Ek
baar to wo tumhare pati par jaan lewa hamla bhi kar chuki hain. Yaad hain ek
baar tumhare pati ka accident hua tha. Jis me uski jaan jate jate bach gai.
Sirf ek hath toota. Par ye ghatna ki shuruaat hain. Kabhi bhi koi bahut badi anhoni
ghatna ghat sakti hain.
Baba ne aisa aisa
baat bataya jo sach me uske sath ghata tha. Baba ki baat sun kar ab us aurat ko
bhi bishwash ho gaya ki uske pati ki jaan khatre hain. Ab wo aurat boli ki baba
koun sa upay kiya jaye ki mere pati ka jaan bach jaye. Baba bole ki tumhare
ghar me kuchh chije hain jiska sudhikaran karna padega.
Main apne tantr
mantr se uska sudhikaran kar ke sab kuchh thik kar sakta hain. Wo aurat boli ki
koun sa saman hain jiske karan ghar me aatma ka wash ho chuka hain. Baba use
saman ka pura bewara dene lage. Jisme ghar ka pura sona chandi tha. Ab baba
aaram se kursi pe baith gaye aur wo aurat ghar ke andar se sona chandi le kar
aa gai.
Baba us sona
chandi ko dekhte hi bole ki ise main raat ke samay suddhi karan karunga aur subah
la kar de dunga. Baba kursi par bath kar us aurat ko samjha rahe the. Tabhi
uska pati aa gaya. Us aurat ka pati baba ko dekhte hi bola ki ye koun hain. To
aurat boli ki ye bahut hi pahuche hue baba hain. Hame aatma se mukt karne aaye
hain. Uska pati bola ki koun sa aatma. To aurat use sara baat batai.
Apni patni ka baat
sun kar wo bahut hi aag babula ho gaya. Jab us aadmi ko gussate hue dekha to
baba bole ki ab main yaha se jata hoon. Jise hi kuchh dur gaye ki uska pati
baba ko rokwaye aur bola ki is potli me kya hain.
To baba bola ki is
me mera saman hain. Tabhi wo aadmi potli chhin kar dekha to us me sona chandi
tha. Apni patni par gussa karte hue bola ki ye tum ne kya ki. Apna sara sona
chandi is dhongi baba ko de di. Baba bola ki ye sab to mere hain. Mai ise le
kar aaya hoon. Un dono me bahut bak jhak hone laga.
Itne me mohalle ke
bahut se log waha jama ho gaye. Baba apne jidd me adra raha ki ye sab to mera
hain. Par wo aadmi aur uski biwi boli ke usne diya. Bahut bak jhak ke baad jab
baba phas rahe the to waha se chale jane me hi apni bhalai samje.
Mohalle walon ko
bhi pata chal gaya ki baba dhongi hain. Is baba ke paas itna sona chandi kaha
se aa sakta hain. Mohalle ki anya aurate janti thi ki ye sona chandi baba ka
nahi balki us aurat ka hain.
Baba ko pitai bhi
par gaya aur mohalle ke bahar bhi kar diya gaya. Agar us aurat ka pati sahi
samay par ghar wapas nahi aata. To baba us aurat ko bewakuf bana kar zindagi
bhar ka arja hua gahna le kar champat ho jate.
