Betal Ki Kahani , Bhoot Pret Ki Kahani

Betal Ki Kahani , Bhoot Pret Ki Kahani.

Mera naam nandi patel hain. Main jashpur ka rahne walan hoon. Aaj main ek kahani yahan likh raha hoon. Jo ki bilkul aap biti hain. Ye kahani mere sath bita tha. Ek baar maine ek betal ko dekha tha. Jis betal ki kahani main yahan likh raha hoon .

Ek aise betal ki kahani jise main hakikat me dekha tha. Jo ki mujhe raste me mila tha. Betal ki kahani jo ki bhoot pret se sambandhit hota hain. Betal bhi bhoot ke tarah hi hota hain. Maine ek betal ko dekha jiska darawana chehra mujhe ab tak yaad hain. Main us betal ko kabhi bhool nahi sakta hoon. Betal ya bhoot pret kaise hote hain.

Mujhe pata hain. Ek baar ki baat hain main apne gaon me tha. Gaon jahan par main bachpan se rahta aaya hoon aur ab bhi main gaon me hi rahta hoon. Gaon ka mahoul bahut achchha hota hain. Hare bhare khet khalihan kise achchha nahi lagta hain. Maine betal ko apne gaon me ganne ke khet ke paas dekha tha.

Jo ki mera pichha hi pad gaya tha. Bahut muskil se us se apna jaan bacha paya. Hua ye tha ki main ek din gaon ke bazar me sabji kharidne ke liye gaya hua tha. Main cycle se bazar gaya tha. Sham bhi hone wali thi. Isliye main jyaldi jyaldi sabji kharida aur phir apne ghar ki taraf chal diya. Thand ka mausam tha. Thand ke mausam me bahut hi jyald andhera chha jata hain. Gaon dehat me to jaise hi bera duba ki charon taraf sannata chhane lagta hain.

Main us sham bahut hi jyaldibaji me tha. Mujhe andhera ghirne se pahle hi apne ghar pahuchna tha. Main sabji liya aur use cycle ke handle me tang kar apne ghar ki taraf rawana ho gaya. Mere ghar jane ke raste me ek ganna ka khet padta tha. Matlab ki ikh ka khet. Ganne ke khet me ganna bahut hi ghana aur bada bada tha. Do ganne ke khet ke bich se ek kachcha rasta nikla hua tha.

Jis raste koi paidal ya phir cycle chalane wale aana jana karte the. Mujhe bahut jyaldibaji thi. Main bhi usi raste apne ghar ja raha tha. Rasta bilkul sunsan tha. Us raste se koi aana jana nahi kar raha tha. Jaise hi main us ganne ke khet wale raste me pahucha. Ki maine dekha ki nata kad ka aadmi ganne ke khet ke kinare khada hain. Pahli baar jab main use dekha to mujhe kuchh ajib nahi laga.

Par us nate kad ke aadmi me ek khasiyat tha. Pahla to ye ki us roj se pahle maine kabhi bhi us aadmi ko nahi dekha tha. Wo aadmi mujhe bilkul anjan laga. Us aadmi ka baal bahut hi lambe lambe the. Itna lamba ki uske baal uske ghutno tak aa rahe the. Wo itna kala tha ki maine is se pahle itna kala aadmi kabhi dekha hi nahi tha. Jab maine use dekha to mujhe laga ki ho sakta hain kisi dusre gaon ka aadmi hoga.

Rasta bhatak kar hamare gaon ki taraf aa gaya hoga. Main use dekha aur andekha kar ke aage ki taraf badh gaya. Jaise hi main uske samne se gujar raha tha. Ki wo aadmi meri taraf ghurne laga. Ek to uska kaala chehra aur us par bhayanak tarike se wo mere taraf ghur raha tha.

Main turant apne ghar jana chah raha tha. Isliye maine use toka nahi. Maine apne raste cycle chalata hua chal diya. Par abhi kuchh aage badha hi tha ki usne pichhe se mujhe aawaj de diya. Usne mujhe aawaj dete hue bola ki ai ladke ruk to. Main uska aawaj suna par ansuna kar ke aage ki taraf badh gaya. Wo mujhe phir se aawaj diya aur bola ki sunai nahi de raha hain.

Maine tumhe rukne ke liye bol raha hoon. Main pichhe ki taraf muda aur use dekha. Par apni rafatar se cycle chalata hua wahan se gujar gaya. Sham ka samay tha. Abhi andhera bhi nahi hua tha. Samne ka chij saaf najar aa raha tha. Main tej gati se cycle chala raha tha. Ganne ka khet bhi bahut lamba tha. Wo khet bahut dur tak pasra hua tha.

Main kuchh hi der me ganne ke ek chhod se dusri chhod tak pahuch gaya. Par jaise hi main ganne ke dusre chhod tak pahuchne hi wala tha ki maine dur se dekha ki wo aadmi kachche raste ke bicho bich khada hain. Main samajh nahi paya ki ye aadmi itni jyaldi yaha tak kaise pahuch gaya. Jab ki main apna cycle puri raftar me chala raha tha. Wo aadmi daud kar bhi mujhe nahi pakad sakta tha. Par mujh se pahle wo is jagah tak kaise pahuch gaya.

Mujhe thoda shaq hua. Main jaan gaya ki ye koi mamuli aadmi nahi balki bhoot ya betal hain. Jo itni jyaldi yahan tak pahuch gaya. Par ab to main buri tarah fas chuka tha. Ab main ganne ke khet me tha. Bhag bhi nahi sakta tha. Main apni cycle ka rafar bhi kam kar chuka tha. Soch raha tha ki iske paas jau ya na jau. Par main cycle chalata hua use paas tak pahuch gaya.

Jaise hi main uske paas pahucha to usne mera cycle ka handle jor se pakad liya aur mujh se bola ki main tumhe rukne ke liye bola. To tum ruke kyu nahi. Main us betal ko dekha kar bahut darr chuka tha. Wo mera cycle ka handle puri jor se pakda hua tha. Ab main karu to kya karu.

Wo mere kamij ka kalar pakad liya aur mujhe dhamkane laga. Uska chehra bahut bhayanak lag raha tha. Kaala sharir, naata kad aur us par uski daat bahar ki taraf nikli hui. Wo bilkul ek betal hi tha. Usne mera kalar pakad rakha tha. Darr se to mera halat bahut kharab ho chuka tha. Usne ek haath se mera baal pakda aur mujhe ghumane laga. Ek jor daar mukka meri pith par de mara.

Mukka padte hi main jamin par gir gaya. Phir usne mujhe uthaya aur bola ki aaj main tumhari jaan le kar hi rahunga. Dard se mujhe kuchh sujh nahi raha tha. Tabhi wo mera gardan pakad liya. Main wahi par chhatpatane laga. Uske baad maine us se khud ko bachane ke liye bahut koshish karne laga.

Par uski pakad bahut majbut thi. Usne mera baal pakda aur ghuma kar dhakka mara. Main kuchh dur ja kar gir gaya. Ab main uski pakad me nahi tha. Main bina samay gawale turant uth kar khada hua aur wahan se bhagna shuru kiya. Main jitni raftar se daur sakta tha. Utni raftar se daura. Daurte daurte sidhe apne ghar pahucha aur aa kar darwaja ke paas gir gaya. Mere ghar wale mujhe dekhe aur kahne lage ki ise kya hua hain.

Jo daure hue aaya aur ghar ki chukhat ke paas aa kar gir gaya. Main wahan behosh ho chuka tha. Turant aas paas ke log mere ghar ke paas ikattha ho gaye. Mere chehre par pani mara gaya. Tab ja kar mujhe hosh aaya. Maine raste wali baat sabhi ko bata di. Kaise mujhe raste me ek betal mila tha.

Jo mera jaan lena chah raha tha. Gaon walen bole ki chal kar dekhte hain. Wahan par koun sa betal aa gaya hain. Main to nahi gaya par gaon wale ganne ke khet ke paas gaye. Wahan par unhe mera cycle gira hua mila. Par betal ka kahi bhi ataa pata nahi tha. We sabhi mera cycle le kar aa gaye. Gaon me bhi darr ka mahoul baith gaya ki ganne ke khet ke paas koi betal hain.

Mera gaon ke log ab bhi us betal ki kahani sunate hain. Main to betal ke naam se hi darr chuka hoon isliye betal ki kahani nahi sunta hoon.