Bhoot Ka Haddi - Bhoot Ki Kahani.
Anuj us waqt class eight me padta tha. Wo ek chhota
bachcha tha. Par jaisa ki sabhi bachche shararti kism ke hote hain. Waise hi
anuj bhi bahut shararti tha. Jab bhi khelne jata kuchh der tak khelta aur phir
apne dost se jhagda kar ke wapas aa jata. Anuj kuchh jyada hi shararti kism ka
tha. Kabhi bhi kisi chij ko khash nahi samjhta.
Jo mann me aata wahi karta. Waise padhne likhne me koi
tej nahi tha. Padhai se jyada dhyan to use khel kud ya badmasi me hi lagta.
Padai ke naam se to use chid thi. Shayad hi kabhi kiatab khol kar dekh leta. Wo
jis school me padhta tha. Us school ke pichhe hi ek chhota sa maidan tha. Jaha
par bahut se bachchhe khelte the.
School me jab bhi khel ka chhutti milta to bachche us
maidan me khelte. School gaon se kuchh duri par tha. Wo ek sunsaan jagah tha.
Bachche paidal ya cycle se school jaya karte the. Anuj bhi waha padhta tha. Ek
baar ki baat hain. Roj ki tarah anuj school padhne ke liye gaya. Jab school
pahucha to dekha ki bahut se bachchhe aur school ke teacher school ke samne jo
maidan hain. Waha par ekattha the.
Wo bhi waha par pahuch gaya. Wo dekhne chala gaya ki
aakhir kaar yaha par itne log ikththe kyu hain. Jab wo us jagah pahucha to
dekha ki maidan me ek kapaal rakha hua hain. Aisa lag raha tha ki ye kapaal
kisi aadmi ka hoga. Use sindur se tika gaya tha. Sindur se ek ghera banaya gaya
tha.
Us gher ke andar nar kapaal rakha hua tha. Kapaal ke
charo taraf sindur laga hua chawal bikhra hua tha. Kuchh agarbatti ke tukre bhi
waha par the. Aisa lag raha tha ki raat ke samay kisi ne yaha par jadu tona
kiya hoga. School ke samne wala maidan me is chij ko dekh kar sabhi hairan the.
Anuj bhi waha pahuch chuka tha. Usne bhi dekha.
School ke sir aur madam sabhi bachche ko waha se apne
apne class chale jane ke liye bole. Sabhi bachche apne apne class aa gaye. Par
har kisi ke juban par isi baat ka charcha tha ki waha par jadu tona kis ne
kiya. Bhoot ka haddi kaha se aaya. Sabhi ladke ki tarah anuj bhi charcha kar
raha tha. Par usi din class me game ki ghanti baji. Anuj apne doston ke sath
phir se maidan ki taraf chala gaya.
Kyu ki game khelne wala ghanti laga tha. Sabhi achche
khelne ke liye maidan chale gaye. Wo ladka bhi gaya. Phir se us class ke sabhi
bachche us jagah ja kar bhir laga diye. Dekhne lage ki bhoot ka haddi yaha
kaise aaya. Anuj bhi waha khada tha. Tabhi nahi pata use kaya chahra. Wo us nar
kapaal ko ek laat marte hue bola. Ki kya yaar tum sabhi bhi ho na kitna darte
ho.
Is duniya me bhoot pret hote thodi hi na hain. Jab
bhoot bhoot pret hote hi nahi hain. To in sabhi chijon se darne ki kya baat
hain. Ek laat mara ki nar kankal ludhakte hue kuchh dur tak chala gaya. Anuj
bola ki ye kaam jarur kisi ka hoga jo ham sabhi ko darana chah raha hoga. Anuj
sabhi ko is par dhyan na dene ke liye bola aur phir sabhi apne apne khel me lag
gaye. School ka chhutti hua.
Sabhi bachche apne ghar wapas aa gaye. Anuj bhi apne
ghar wapas aa gaya. Jab wo raat me soya hua tha. To use darawane darawane sapne
aane lage. Koi tantrik uske sapne me aaya aur bola ki tum bhoot ka haddi ko
laat se maar kar mere tantr vidya me badha dale ho. Main tumhara jaan le lunga.
Tab hi mujhe chain milega. Tumne mera tantr vidhya bhang kar diya hain. Jab tak
main tumhara jaan nahi le lunga tab tak mujhe chain nahi milega. Anuj us
bhayank tantrik ka chehra apne sapne me dekha. Jise dekh kar bahut darr gaya.
Use itna darr lagne laga ki pura sharir thar thar
kapne laga. Subah tak use tej bukhar bhi ho gaya. Jab uske mata pita use bukhar
ki halat me dekhe to doctor ke paas le ja kar uska ilaz karaya. Par bukhar
utarne ka naam hi nahi le raha tha. Wo to badhta hi chala ja raha tha. Anuj ka
bukhar itna badh gaya ki ab use hosh hi nahi tha. Ghar me uske mata pita sabhi
bahut preshan ho gaye.
Achanak se anuj ko kya ho gaya koi samajh nahi pa raha
tha. School ka ek ladka uske maa pita se bola ki usne bhoot ka haddi ko laat se
mara tha. Ho sakta hain isi karan iska tabiyat kharab ho gaya hoga. Ab kuchh
samajh pana bahut muskil tha. Anuj ka to jaan par ban aaya tha. Uske maa pita
use le kar kisi ojha ke paas chale gaye. Ojha use dekhte hi bola ki iske upar
kisi bhoot ka saya hain.
Wo bhoot ise jaan se marna chah raha hain. Ab to ghar
walon ka halat hi kharab tha. Ab kare to kya kare kuchh samajh me nahi aa raha
tha. Ojha ji ne bahut jhar phook kiya. Jhar phook karte karte mahino bit gaye.
Par uske halat me jyaldi sudhar nahi ho raha tha. Roj uski maa pita use le kar
ojha ke paas jate. Jaha uska jhar phook hota.
Lagbhag do mahino ke baad se uske halat me sudhar aana
shuru hua. Dhire dhire kar ke wo thik hua. Jab thik hua to usne sabhi baat apne
maa pita ko bataya. Usne kaha ki ek bhoot tha. Jo mujhe le kar yaha se chala
gaya tha. Wo mujhe ek ped se bandh kar rakha tha. Aur ek tantrik baar baar
mujhe bolta ki ab main tumhe yaha se jane nahi dunga. Wo mantr padhta aur mujh
par phhokta.
Par nahi pata kab aur kaise main waha se chhuta aur
sidhe apne sharir me aa gaya. Uski galti sirf itni thi ki usne bhoot ka haddi
ko pair se maar diya tha.
