Bhootaha Ghar , Bhoot Ki Kahani.
Bahut se aise ghar
hote hain. Jaha bhootaha hote hain. Bhoot pret jaha chahe waha mil jayenge. Par
wo bhi kabhi achanak se ya phir darr ke karan. Ek baar main bhi bhoot pret ke
chakkar me pad chuka hoon. Wo bhi apne gaon me hi.
Main ek gaon me
rahta hoon. Kheti kisani mera kaam hain. Main ek kisan hoon. Gaon me hi rah kar
kheti karta hoon. Bahut jyada padha likha to nahi hoon. Bas kaam chalau padh
likh leta hoon. Aaj main ek aap biti likh raha hoon. Ye ghatna mere gaon ka
hain. Jab main chhota tha to bahut hi sararti kism ka tha. Gaon me idhar udhar
bhatakna kisi ke bagiche se aam chori karna. Yahi hamara kaam tha.
School to bahut hi
kam jata tha. Shayad hi kabhi school chale gaye. Nahi to ghar se school jane ka
tayyari kar ke nikle aur aam ke bagiche me khelne lage. Padhna likhna mujhe
thoda bhi pasand nahi tha. Kabhi kabhi to ghar wale mujhe marte bhi the. Kahte
the ki school kyu nahi ja rahe ho. Par padhai likhai me mann lagega tab na.
Padhna likhna to mujhe
thoda bhi pasand nahi tha. Bachpan me mere bahut se dost the. Jinka meri hi
tarah padhai likha me koi mann nahi lagta tha. Gaon dehat me bhoot pret ka
charcha hote rahta hain. Waha ke log kahte hain ki jo bhi ghar bahut dino tak
band rahta hain. Us ghar me bhoot pret apna adda bana lete hain. Wo ghar
bhootaha ho jata hain.
Bhootaha ghar me
koi jana tak nahi chahta hain. Hamare gaon me bhi ek aisa ghar tha jo bahut hi
dino se band tha. Us ghar ka chhat khaprail tha. Khapra ka chhat hone ke karan
upar se puri tarah se dhas chuka tha. Par ghar ke darwaje me tala laga hua tha.
Sidhe darwaje se ho kar ghar ke andar jana bahut muskil tha.
Log kahte the ki
wo ghar bhootaha hain. Us band ghar ke andar bhoot pret ka baas ho chuka hain.
Waha bhoot pret rahte hain. Gaon ka koi bhi raat ke samay darr ke karan us band
ghar wale raste se aana jana tak nahi karte the. Log kahte the ki raat ke samay
us ghar se tarah tarah ki aawaj aati hain.
Kabhi kabhi kisi
ke chalne ki aawaj to kabhi kabhi bartan ke girne ka aawaj. Par ghar ke andar
koi nahi hota tha. Gaon walon ka kahna tha ki ghar puri tarah se bhootaha ho
chuka hain. Kabhi kabhi to din ke samay bhi us ghar ke andar se aawaj aati thi.
Ham sabhi jante
the ki ghar bhootaha hain. Kisi ki himmat nahi hoti thi ki koi us bhootaha ghar
me jaye. Par ek baar main ye galti kar diya. Main apne doston ke bahkawe me aa
kar ek baar akele us ghar ke andar chala gaya tha. Ye meri sab se badi galti
thi.
Us din maine bhoot
to nahi dekha par thoda der aur ruk jata to main mara jarur jata. Thodi si chuk
aur ho jati to main marr jata. Ham sabhi dost jante the ki ye ghar bhootaha
hain. Jab kabhi sham ke samay us ghar ke bagal se gujarte to kuchh dur se hi
daurna shuru kar dete. Daurte hue us band ghar ke samne se gujar jate.
Mujhe us ghar se
bahut darr lagta tha. Main to kabhi bhi us ghar ke paas jana hi nahi chah raha
tha. Par ek din main apna school naga kar ke bagiche me khel raha tha. Bagiche
me khelte khelte dopahar bhi ho gaya.
Ham sabhi dost
waha khelte hue bahut ub gaye. Mera ek dost bola ki gaon me jo band ghar hain.
Us ghar ke andar bahut sa rupiya paisa hain. Agar kisi bhi tarah un rupiya
paisa ko le kar bahar aa jayenge to. Zindagi bhar hame kamane ki jarurat nahi
padegi. Bade ho kar kahi bhi kaam dhandha karna nahi padega.
Main bhi socha ki
us band ghar ke andar jarur koi dhan gada hua hain. Jo hamari garibi aur bada
ho kar paisa kamane ka dukh ko khatm kar dega. Mujhe kamane ke liye kahi jane
ki jarurat nahi hogi. Ye soch kar ham sabhi dost ek plan banaye. Ki kaise us
band ghar ke andar ghusa jaye. Ham sabhi aam ke bagiche se nikle aur sidhe us
toote hue bhootaha ghar ke paas aaye.
Dopahar ka samay
tha aas paas koi bhi nahi tha. Aksar dopahar ke samay me gaon ke log khana kha
kar apne gharon me aaram karte hain. Gaon me sannata pasra rahta hain. Hame
achchha mauka bhi mil chuka tha.
Koi hame us ghar
ke andar jane se rokne wala nahi tha. Ham sabhi dost us bhootaha ghar ke paas
aaye. Ghar ke andar jane ka sirf ek hi tarika tha. Wo tha ghar ke chhat par
chahra jaye. Ham char dost the. Do dost ko ghar ke bahar pahredari ke liye
chhod diye.
Aur do dost jo ham
bache ghar ke andar jane ka faisla kiye. Ek lamba sa lakdi ka jogar kiya gaya.
Lamba sa lakdi le kar hamne ek sidhi banai. Pahle main ghar ke andar utra. Phir
apne dost ko ishara kiya ki ab tum aa jao. Dopahar ka samay tha. Ghar ka jo
chhat toota hua tha.
Us se suraj ka
roushani chhan kar ghar ke andar aa raha tha. Main ek sidhi bana kar ghar ke
andar aa chauka tha. Mera dost ghar ke chhat par hi tha. Main us se bola ki jyaldi
niche ghar ke andar utar jao. Par wo to mujh se bhi jyada darpok tha. Wo mujhe
bola ki tum ghar ke andar ja kar khajana khojo main tumhara yahi par intejar
kar raha hoon.
Main ghar ke andar
chala gaya. Bahut saalo se ghar band tha. Jis karan ghar ke andar dhool jama
hua tha. Ped ke patte charon taraf phaila hua tha. Jagah jagah makdi apni jaal
bana chuki thi. Thoda bhi sambhal kar chalne se tej aawaj ho raha tha. Sukhe
hue patton ka aawaj aur bhi darawana tha. Main kisi tarah aage ki taraf badh
raha tha.
Abhi kuchh dur hi
badha tha ki achanak se ghar ke kisi kamre se bartan girne ki aawaj aane lagi.
Aawaj itni tej thi ki ghar ke bahar tak chale gai. Main ghar ke andar akela
tha. Mere dost bahar mera intejar kar rahe the.
Par jab bartan
girne ki aawaj aai to we sabhi bhi bhoot bhoot halla karte hue waha se bhag
gaye. We sabhi bhoot bhoot halla karte hue sidhe gaon ki taraf bhage. Mere
teeno dost waha se bhag chuke the. Main akela bacha tha. Main bhi bahut darr
gaya aur waha se bhagne me hi apni bhalai samjha.
Par main ghar ke
andar kuchh dur tak ja chuka tha. Tabhi aisa laga ki koi ghar ke kamre se nikal
raha hain. Uske pairon ki aawaj saaf sunai de rahi thi. Wo wahi jagah tha jis
taraf se main ghar ke andar aaya tha. Ab kya kiya jaye kuchh sujhna hi band ho
gaya. Main kidhar se bhagu kuchh samajh me nahi aa raha tha.
Main ghar ke ek
kone ki taraf bhaga. Par aisa laga ki aawaj bilkul mere taraf hi aa raha hain.
Saaf aawaj main darr aur ghabrahat se chillane laga. Par tab tak gaon ke bahut
se log us ghar ke paas pahuch chuke the.
Gaon ke do aadmi
us bhootaha ghar ke andar aaye aur mujhe ghar ke bahar nikalne. Main darr aur
ghabrahat se kaanp raha tha. Mere ghar ke sabhi koi waha pahuch chuke the.
Mujhe pakad kar ghar le gaye. Sabhi ne mujh se aur mere dost se puchha ki us
ghar ke andar jane ki jarurat kya thi.
Mere dost ne kaha
ki ham sabhi khajane ki talash ne gaye the. Par waha khajana nahi balki bhoot
mila. Gaon ke bahut se log mujhe chhadi se pite bhi. Sabhi ko bahut pitai pada.
Jab gaon ke log waha se chale gaye. To meri maa aur mere pita bhi mujhe bahut
mare. Uske baad to ham sabhi us ghar ke aas paas tak jana chhod diye.
