Bhootaha School , Hindi Ghost Story.
Bhoot pret ye
sabhi ek tarah ka adrishya takat hain. Kabhi dikhte hain to kabhi nahi. Par
unki maujudgi ka ehsaas ho hi jata hain. Kabhi andhere me to kabhi akele me.
Maine to ek baar bhoot dekha bhi hain. Jiska jikr main yahan kar raha hoon.
Bahut se logo ne
bhoot dekha hoga. Bahut se log aise honge jiska samna bhoot pret se hua hoga.
Har aadmi ke zindagi me aisa hota hain. Ki koi aadrishya aatma ko dekh leta
hain. Maine jab bhoot dekha tha. Us waqt main Delhi me security guard ka kaam
kar raha tha. Aaj se bahut pahle ki baat hain. Maine ek ladki ki aatma.
Ek school me dekha
tha. Shayad wo ek bhootaha school tha. Bhoot ek school me tha. Main pahli baar
Delhi gaya hua tha. Main polytechnic se diploma kiya hoon. Kaam ki talash me
main Delhi gaya. Bahut kaam khoja par kahi mere mutabik kaam mil hi nahi raha
tha. Main din bahar kabhi ek company se dusre company ka chakkar kat ta. Par
kahi mujhe kaam nahi mila. Uske baad main job consultancy ka chakkar katne
laga. Kuchh dino tak job consultancy ka chakkar katne ke baad mujhe ek jagah
naukri mil hi gaya. Par jo job mujhe mila wo mere padhai se related nahi tha.
Mujhe ek jagah par security guard naukri mila. Chalon kuchh to mila.
Ye soch kar main
haan kar diya. Delhi me main apne ek dost ke ghar gaya hua tha. Usne hi mujhe
bulaya tha. Wo bola ki Delhi chale aao main tumhe yaha kaam lagwa dunga. Par
jab main pahucha to uske company me vacancy katm ho chuka tha. Jis wajah se
main hi job ke liye idhar udhar bhatakne laga. Bahut mehnat karne ke baad hi
mujhe security guard ka naukri mila tha. Job consultancy wala mujh se bole bhi
the. Ki tum abhi ye job kar lo jab tumhare layak job aayega to main tumhe wahan
laga dunga. Main bhi yahi soch kar security guard ka naukri ke liye tayyar ho
gaya.
Mera dost bhi bola
ki abhi tum yahi kaam kar lo. Waise bhi delhi bahut hi mahnga jagah hain. Ghar
se paisa manga kar wahan kharch karna mere bas ka baat nahi tha. Main security
guard ka naukri karne laga. Security guard ka jo agency tha. Us ne mujh se
kuchh paise liye aur badle me mujhe juta aur kapda diya. Lagbhag ek mahina tak
to sab kuchh sahi chala. Hamesha mera duty din ke samay hi rahta tha. Kabhi
kabhar hi mujhe night me duty milta tha. Par is baat ka koi thikana nahi tha.
Ki aaj jis jagah mujhe duty mila to kal bhi mujhe wahi par kaam karne jana
padega.
Subah subah
security guard ke office me chala jata. Jahan mujhe bata diya jata ki aaj tumhe
duty ke liye kahan jana hain. Ya phir security supervisor mujhe bata deta ki
kal subah kis jagah par ja kar duty karna hain. Hamesha sab se pahle security
supervisor ko inform karna padta tha. Ek mahina to bahut hi aaram se gujar
gaya. Par ek mahine ke baad mera duty ek school me pada. Main school me
security guard ka kaam karne laga.
Do din hi to main
din me kaam kiya tha. Uske baad mujhe raat ke samay duty me bulaya gaya. Raat
ke samay main security guard ka kaam karne ke liye school jane laga. School bhi
town se kuchh duri par tha. Bada sa school jiska mujhe raat ke samay dekh bhal
karna tha. Wo ek bhootaha school tha. Raat ke samay ham log do guard rahte the.
Ek main aur ek
mujh se Senior guard tha. School ke gate ke paas bane hue security post me ham
dono rahte the. Thand ka mausam tha. Delhi me thand
bahut jyada lagti hain. Us kadake ke thand me main raat bhat jagta tha. Ham
dono ek tina ke andar aag jala kar aag tapte aur bich bich me school ka chakkar
lagate. Mere paas ek siti tha. Jise main chakkar lagate samay marta tha.
Ek raat ki baat
hain. Thand bahut hi jyada tha. Main aur mera Senior security gate ke paas bane
hue security post me baith kar aag taap rahe the. Aadhi raat bhi bit chuki thi.
Mera Senior mujhe bola ki jaa kar ek round laga do. Main thand ki raat me bahar
nikla aur us school ke charon taraf chakkar lagane laga. Main chakkar lagata
hua. School ke pichhe taraf chala gaya.
Jab main pichhe
pahucha to dekha ki ek ladki class eight ke pichhe wale hisse me khadi hain.
School ke samne lage hue street light se wo mujhe saaf dikh rahi thi. Main
kuchh der tak use dekha. Wo bhi mere taraf lagatar dekhe ja rahi thi. Kuchh der
tak main use dekha aur apna danada ko jamin par mara. Par wo apne jagah se
thoda bhi nahi hili aur lagatar mujhe dekh rahi thi. Main use dekh raha tha aur
soch raha tha. Ki ye koun ladki hain aur itni raat gaye yaha kya kar rahi hain.
Wo ladki bhi
lagatar mujhe dekhe ja rahi thi. Main thoda darr gaya. Mujhe laga ki ye jarur
koi bhoot ya phir kisi ladki ka aatma hain. Main chupke se wahan se chal diya
aur apne post me aa kar baith gaya. Mera Senior mujh se puchha ki school ka
chakkar laga diye. To main bola ki haan laga diya. Phir usne bola ki siti kyu
nahi mara. To main bola ki bhul gaya. Thoda der tak main uske sath baith kar
aag taapa. Phir maine us se puchha ki sir ek baat bataiye. To wo bola ki kya
baat hain. Main us se puchha ki abhi jo main round par nikla tha. To maine ek
ladki ko school ke pichhe dekha.
Jisko dekhne ke
baad main darr gaya. Wo ladki koun hain aur school ke pichhe kya kar rahi thi.
To meta senior security guard mujh se bola ki wo ladki koi mamuli ladki nahi
hain. Balki wo ek chudail hain. Jo bahut dino se is school me rah rahi hain.
Yahan ke sabhi koi jante hain ki ek ladki ki aatma is school me bhatakti hain.
Jab raat ho jata hain to wo aatma is school ka chakkar lagati hain.
Andhere me wo yahan
bhatakte hue mil jati hain. Main us se puchha ki aap ne kabhi use dekha hain.
To wo bola ki maine bahut baar use dekha hain. Maine puchha ki aap ko us se
darr nahi lagta hain. To wo bola ki pahle pahle mujhe darr lagta tha. Par ab
aadat ban gaya hain. Wo bola ki ye ek bootaha school hain. Main to bahut darr
chuka tha. Main soch me pad gaya ki mera bhi duty aaj bhootaha school me pad
gaya hain.
Bahut der tak main
uske sath baith kar aag tapa. Uske baad mera senior mujh se bola ki ja kar ek
round laga do. Main saaf mukar gaya aur bola ki main aaj round par nahi jaunga.
To usne kaha ki post ke bahar ja kar check kar lo aur phir post ke andar aa
Jana. Main uski baat sun kar post ke bahar nikla. Par jaise hi bahar nikla ki
maine dekha ki. Wo ladki sadak ke kinare khadi hain.
Jahan par hamara
post tha. Wo us se bas thodi hi duri par khadi thi. Use dekhte hi main turant
wapas post ke andar chala gaya. Ja kar apne senior guard ko bataya. Wo bola ki
chalo to dekhte hain. Aaj kaise us ladki ki aatma yahan tak pahuch gai. Wo apne
sath ek mota sa danda le kar post ke bahar nikla. Main bhi uske pichhe pichhe
bahar aa gaya. Wo chudail thik apne jagah par khadi thi. Mera senior jamin par
danda patakte hue us se bola ki yaha se jati ho ya nahi. Par wo apne jagah se hil
hi nahi rahi thi. Wo to lagatar hame dekhe ja rahi thi.
Do char baar danda
jamin par patak kar us chudail se bola ki yaha se jati ho ya nahi. Main soch me
pad gaya. Main socha ki samne maut khadi hain. Aur ye aadmi us chudail se bol
raha hain ki yahan se jati ho ya nahi. Thoda der ke baad mera senior mujh se
bola ki post ke andar chalte hain. Aaj ye bahut dhith ban chuki hain. Ye aaj
yahan se nahi jayegi. Ham dono ek sath post ke andar aa gaye.
Raat bhar main
sochta rah gaya ki ye kaisa aadmi hain jo bhoot pret se darta nahi hain. Mujhe
nahi rahna hain is bhootaha school me. Subah hua to main apne room par chala
gaya. Uske baad main kabhi bhi security guard ka naukri karne ke liye dubara
nahi aaya. Us bhootaha school ka darr aaj bhi mere sine me jinda hain.
