Bhutiya Rasta - Hindi Ghost Story.
Bhut pret ki
kahani apne aap me bahut darawani hoti hain. Bhut pret ka naam sunane ke baad
darr ka ehsaas hona. Ek aam baat hain. Bahut se log jante hain ki bhut pret
hote hai aur kis jagah par mil sakte hain. Mere gaon me bhi ek aisa hi jagah
tha jaha par bhut hone ki charcha thi.
Ek baat to saaf
hain. Bahut pahle jaha par bhut pret aasani se najar aa jate the. Ab us jagah
par bhut najar nahi aate hain. Aisa lagta hai ki samay ke sath sath sab kuchh
badalta chala ja raha hain. Pahle aur ab me bahut fark hain. Pahle bhut pret ki
charcha bahut hoti thi. Par ab uski charcha bahut kam hoti hain. Ab to bhut
pret sirf cinema ghar me hi najar aate hain. Aaj kal ka aadmi bahut nidar ho
gaya hain.
Bahut hi kam log bhut
pret se darte hain. Main jab bachcha tha to mere upar bhi bhut ka saya sawar ho
gaya tha. Mere gaon ke paas jo nahar hain. Us nahar ke upar jo aane jane ka pul
hain. Wo kisi jamane me bhutiya rasta hua karta tha. Log raat to kya din ke
samay bhi us bhutiya rasta se aane jane se darte the.
Koi kahta tha ki
waha par bhut rahta hain. To koi kahta tha ki waha par kisi jinn ka sthan hain.
Koi jinn apna adda waha par bana kar rakha hain. Bhut pret hote hai. Ye to
sabhi koi jante hain. Par ab us rasta me aane jane se darr nahi lagta hain. Kyu
ki kabhi us bhutiya rasta me koi light nahi jalta tha. Par ab to nahar ke aas
paas bahut se ghar bhi ban chuke hain. Ab to gaon me bijli bhi aa chuki hain.
Par pahle waha tak
bijli nahi pahuchi thi. Pura gaon andhere me tha. Log diya jalate the. Ghar me
roshani karne ke liye lalten ya phir diya tha. Jab main school me padhta tha to
mujhe usi raste me bhut pakda tha. Main raat ke samay apne doston ke sath
padhai kar ke wapas aa raha tha. Mera gaon us waqt bahut pichhra hua gaon
kahlata tha. Gaon ke log jyada padhe likhe nahi the. Is liye na to gaon me koi
school tha aur na hi gaon me tuition padhaya jata tha.
School se jab ghar
aao to tuition padhne ke liye dusre gaon jana padta tha. Aksar sham ke samay
ham sabhi dusre gaon jate the. Aur raat ke samay tuition padh kar wapas aate
the. Ghar walon ki marji thi ki mera beta padhai kar le. Kuchh to padh le nahi
to main tab bhi padhna nahi chahta tha aur ab bhi nahi. Master ji ka ghar mere
ghar se kuchh duri par tha. Jis karan hame paidal hi waha jana padta tha.
Sham ke samay
kuchh ladkon ka jhund nikalta aur raat ke samay hi apne ghar wapas aata. Jab
ham us bhutiya rasta se hote hue apne ghar aate. To kuchh dur se hi daudna
shuru kar dete aur daurte hue apne ghar aa jate. Us bhutiya rasta se hame bahut
darr bhi lagta. Ek baar ki baat hain.
Ham sabhi dost
master ji ke ghar se padh kar wapas apne ghar aa rahe the. Tabhi ham doston me
ye sart laga ki. Jo koi bhi akele us bhutiya rasta se ho kar gujrega use sab se
himmat wala samjha jayega. Mere dost me se kisi ki bhi himmat nahi hui ki wo us
bhutiya rasta se akele nikal sake. Mere gaon me charcha tha ki jo koi bhi akele
us nahar ke upar pul par chahrta hain.
To bhut use utha
kar nadi ke andar gira deta hain. Jiske karan nahar ka tej bahao use baha kar
dusre gaon me le jata hain. Is darr se koi bhi bhutiya rasta se akele gujrna
nahi chah raha tha. Par main tayyar ho gaya. Main bola ki main akele us raste
se paar karunga. Mere dost nahar ke kuchh dur ruk gaye aur mujh se bole ki thik
hain. Tum akele is nahar ko paar kar ke dikhao.
Main apna bag
pakda aur nahar ke taraf chala gaya. Jab nahar ke paas pahucha to us samay
charo taraf andhera tha. Us bhutiya rasta ke paas main pahuch chuka tha. Nahar
ka pani aawaj kar raha tha. Mujhe kuchh ghabrahat si mahsus hui. Aur main waha
se bhagna shuru kiya. Sidha daurte hue apne ghar pahuch gaya. Mere dost dur
khada ho kar mujhe dekh rahe the.
Mai raat ka khana
khaya aur so gaya. Par jab aadha raat hua. To main apne bistar se jaga aur
barbarane laga. Main kahne laga ki mujhe nahar se le kar yaha kyu laye. Mujhe
nahar me jana hain. Main us bhutiya rasta ka raja hoon. Log us bhutiya rasta me
jane se bhi darte hain. Mere barbarane ki aawaj sun kar mere mata pita jag
gaye. Unhone mujh se kaha ki aadhi raat ke samay tum ye kya anab sanab bak rahe
ho. Par us samay to mere andar bhutiya rasta wala bhut sawar ho chuka tha.
Main apne maa pita
se bola ki main bhutiya rasta wala bhut hoon. Mujhe jis ne bhi nahar me dubo
kar mara hain. Main use khoj raha hoon. Ek baar wo mil jaye mai use mare bina
nahi rahunga. Mere mata pita ko bhi samajhne me der nahi lagi. Ki mere andar
kisi bhut ka saya sawar ho chuka hain. Mere mata pita apne aas paas ke logo ko
bula laye. We sabhi mujhe rassi se bandh diye. Raat bhar main ghar ke andar hi
raha. Subah mujhe kisi ojha ke paas le gaye.
