Chalak Bhoot , Bhoot Ki Kahani.
Bhoot pret jinn
jinnat ki kahani. Aksar log sunte aur kahte hain. Jaha kahi bhi chudail ki
kahani ya phir kisi aatma ki kahani hoti hain. Log use bahut hi dhyan se sunte
hain. Kyu ki bhoot pret ki kahaniyon ko sunane me bahut maja aata hain. Log
thoda darte jarur hain. Par in kahaniyon ko sunana chahte hain.
Aaj main aisa hi
dil dahlane wali kahani yaha likh raha hoon. Aap ko pasand jarur aayegi. Ye
kahani mere dost ke pita ji ne mujhe sunaya tha. Ise likhne ka mukhya maksad
kisi chhalawa se bachna hain. Chhalawa kabhi najar ka dhokha hota hain. To
kabhi kabhi koi chalak bhoot apna roop badal kar kisi ke sath chhalawa karta
hain. Wo kabhi kabhi kisi ko jaan se maar dalta hain.
Par hame hamesha
chalak bhoot ke chhalawe se bach kar rahna chahiye. Ye kahani ek dil dahlane
wali kahani hain. To chalak bhoot ki kahani shuru kiya jaye. Mera naam anand
kishor hain. Main bihar ka rahne wala hoon. Ek din main apne dost ke pita ji ke
sath baitha hua tha. Unke pita ji baaton baaton me bhoot pret ki kahaniyon
mujhe sunane lage. Mujhe bhoot pret ki kahaniya sunana achchha lagta hain.
Isliye main bahut
hi khamoshi se unka kahani sunane laga. Unhone kaha ki koi koi bhoot pret itne
chalak hote hain. Jiska andaja nahi lagaya ja sakta hain. Chalak bhoot bahut hi
chalaki se kisi ka jaan le lete hain. Aur dusra koi samjhta hain ki ye koi
hadsa hoga. Par hadse ke samay koun koun tha. Ye koi nahi bata sakta hain.
Marne wala aadmi apne sath ek gahri raaz le kar marr jata hain.
Koi nahi janta
hain ki marne wala aadmi ke sath kya hua tha. Bahut pahle ki baat hain. Kisi
gaon me ek nadi tha. Jis nadi me ek bahut hi chalak bhoot raha karta tha. Wo
nadi ke kinare gujarne wale aadmi ko bahla fusla kar nadi tak le aata. Jab koi
aadmi uske bahkawe me aa jata to wo use nadi me utarne par biwash kar deta. Jab
koi nadi me utarta to nadi ke tej bahao me bah jata. Jiske karan uska maut ho
jata.
Ek din ki baat
hain. Nadi ke us paar ka ek aadmi apna saman bechne ke liye nadi ke is paar
aaya hua tha. Wo tokri me kuchh shabji le kar bechne aaya tha. Gaon dehat me
din badal badal kar bazar lagta hain. Kabhi is gaon me bazar lagege to kabhi
dusre gaon me. Saman bechne wala aadmi ek gaon se dusre gaon ja kar apna saman
becha karte hain. Isi tarah wo aadmi apna saman bechne ke liye gaya hua tha.
Use bahut der ho gai.
Apna shauda bechte
bechte raat ho gaya. Jab sara saman bik gaya to wo wapas apne ghar ja raha tha.
Uska ghar nadi ke us paar tha. Isliye nadi ke kinare kinare chalte hue. Apne
ghar ja raha tha. Bahut dur chalne ke baad. Nadi paar karne ke liye ek pul
padta tha. Wo aadmi pul tak pahuchne ke liye teji se chala ja raha tha. Raat
bhi ho chuki thi. Charon taraf sannata pasar chuka tha.
Log apne apne ghar
ja chuke the. Use bhi apna ghar jane ki jyaldibaji thi. Wo tej kadam se apne
ghar ki taraf badh raha tha. Abhi nadi wala rasta pakad kar aadhi duri hi tay
kiya tha. Ki raste me use ek aadmi mila. Wo aadmi us se puchha ki bhai saheb
kahan ja rahe ho. To usne kaha ki main apne gaon ja raha hoon. Mera gaon nadi
ke us paar hain. Aage pul se nadi paar karna hain. Is liye main teji se chal
raha hoon. To wo aadmi bola ki mujhe bhi nadi paar kar ke apne gaon jana hain.
Wastav me wo koi aadmi nahi balki ek chalak bhoot tha.
Jiska kaam hi tha
raahgir ko apne baaton me fasana aur nadi me dubo dena. Us aadmi ke pichhe ek
bhoot lag chuka tha. Jo chah raha tha ki use kisi tarah nadi me dubo diya jaye.
Chalak bhoot puchha ki aap ko aane me bahut raat ho gai. Itni raat ko akele
kahi nahi jana chahiye. To wo aadmi bola ki main shauda bechne ke liye gaya
tha. Saman bechte bechte raat ho gaya. Ab kisi tarah mujhe apne ghar pahucha
hain. Chalak bhoot bola ki main bhi aap ke sath chalta hoon. Mujhe bhi aap ke
paas wale gaon me jana hain.
To wo aadmi bola
ki aap ka gaon mere gaon ke paas hain. Par aaj tak maine aap ko dekha nahi
hain. Jab ki aas paas ke har kisi ko main achchhi tarah se janta hoon. To wo
bhoot bola ki main pardeshi hoon. Yahan mehman ban kar aaya hoon. Isliye mujhe
jyada log nahi jante hain. Main jyada kisi se jaan pahchan banane me koi ruchi
bhi nahi rakhta haan. Wo aadmi bola ki thik hain ek sath chalte hain. Ek se
bhale do. Dono sath sath chalenge to rasta ka pata bhi nahi chalega aur darr
bhi nahi lagege.
Ab dono baate
karte hue aage ki taraf badhe chale ja rahe the. Chalak bhoot chah raha tha ki
kisi tarah ise bishwash dila du ki main koi bhoot nahi hoon. Kisi tarah ye meri
baaton me phas jaye. Ye wahi kare jo main is se karwana chahu. Chalak bhoot
bahut hi chaturai se use apni baaton me fasane laga. Dono aapas me baat karte
hue aage ki taraf badhe chale ja rahe the. Wo aadmi bhi befikr tha.
Wo soch raha tha
ki achchha hua ki koi sath mil gaya. Ab rasta ka pata nahi chalega. Dono ek
dusre se baaten karte hue aage ki taraf badhe chale ja rahe the. Tabhi chalak
bhoot bola. Abhi bahut dur jana pad sakta hain. Agar ham yahan se nadi paar kar
le to aasani se us paar ja sakte hain.
To wo aadmi bola
ki yahan to duban pani hain. Nadi me utre ki dub sakte hain. To chalak bhoot
bola nahi is jagah par duban pani nahi hain. Main to kitni baar isi raste se
hote hue nadi paar kiya hoon. Yaha to bas kamar tak hi pani hain. To wo bola ki
nadi ka dhara bhi tej hain. Kahi bah gaye to. Tab chaka bhoot bola ki thik hain
main tumhe nadi paar kar ke dikhata hoon. Tab tumhe yakin aa jayega ki yaha par
kamar bhar pani hain.
Aur is jagah se
nadi paar karna bhi bahut aasan hain. Itna kah kar chalak bhoot nadi me utar
gaya aur bahut hi aasani se nadi paar kar gaya. Chandani raat thi har chij saaf
najar aa raha tha. Usne dekha ki wo aadmi sirf kamar bhar pani se nadi paar kar
gaya. Use laga ki yahan par pani jyada nahi hain. Chalak bhoot nadi ke us paar
pahuch kar bola ki dost ab to yakin aa gaya. Yahan par sirf kamar bhar pani
hain. Tum agar apne ghar jyaldi jana chahte ho to nadi paar kar lo.
Ab us aadmi ka
hausla bhi badh gaya. Wo bhi nadi me utar gaya. Abhi kuchh dur gaya hi tha. Ki
nadi ka pani uske chhati tak aa gaya. Wo bola ki yahan to chhati tak pani hain.
To nadi ke us paar khada chalak bhoot bola ki thoda aage badho. Uske baad pani
kam ho jayega yaha par bas itna hi gaddha hain. Wo aadmi thoda aur hausla kar
ke aage badha. To nadi ka panai uske gardan tak pahuch gaya. Wo aadmi chilla
kar bola ki yahan par gardan tak pani hain.
To chalak bhoot
bola ki thoda aur aage badho iske baad pani kam hain. Yaha par bas itna hi
duban hain. Wo aadmi thoda aur aage badha. Ab pani uske muh tak chala aaya.
Pani ka bahao bhi use apne taraf khichne laga. Wo bola ki yahan pani bahut
gahra hain. Main aage badha to nadi me dub jaunga. To chalak bhoot bola ki ye
aakhiri gaddha hain. Yaha se thoda aage badhoge to pani kam ho jayega. Thoda
sahas karo aur aage badho.
Wo aadmi bhi soch
me pad gaya. Wo socha ki abhi aadha nadi me bhi nahi pahucha hoon. Abhi kuchh
dur hi pani me utra hoon ki duban paani me pahuch gaya. Agar thoda dur aur aage
badha to dub jaunga. Uska to sirf kamar bhar hi pani aaya. Main kaise gardan
bhar pani me aa gaya.
Wo aadmi jaan gaya
ki ye koi aadmi nahi balki koi bhoot hain. Jo chhalawa kar ke mujhe pani me
duba raha hain. Wo aadmi aao dekha na taw us jagah se wapas nikalne laga. Nadi
ke us paar khada chalak bhoot use aawaj de kar bolne laga ki. Agar tumhe jyaldi
ghar jana hain. To nadi paar kar jao. Ab wo aadmi wahan rukne wala tha. Wo
jyaldibaji me nadi se bahar nikla aur wahan se bhagna shuru kar diya.
