Dancing Fire , Chudel Ka Darr.
Bhoot pret hote hain ya nahi. Mujhe nahi malum. Par
bahut se log aise milenge. Jo kahte hain ki bhoot pret chudail hote hain. Tarah
tarah ka tark de kar use sidh karne ki koshish bhi karege. Par we sabhi tark be
buniyad hota hain. Jiska hakikat se koi wasta hi nahi hota hain.
Jitne log kahte hain ki bhoot pret hote hain. Us se
kai guna jyada log kahte hai ki bhoot pret nahi hote hain. Main bhi kahta hoon
ki bhoot pret hote hi nahi hain. Jise aaj tak maine dekha hi nahi us par
bishwash kyu karu. Bahut baar dekhne ki bhi koshish ki par hoga tab na najar
aayega.
Ye to kisse kahani matr hain. Log kisse kahani ko sach
maan lete hain. Bahut se log kahte hain ki koi marr jata hain to bhoot pret ya
chudail ban jata hain. Kisi ka samay se pahle mritu bhoot pret jaise takat ko
janm deta hain. Maan lete hain koi samay se pahle marr gaya.
Wo marr kar bhoot ban gaya. To wo hame dikhta kyu nahi
hain. Ye to sirf logo ko darane ka koshish matr hain. Kisse kahani sun kar darr
lagta hain par ek ajib sa maja bhi aata hain. Log thoda romanchak hone ke liye
bhoot pret ki kahani sunte hain.
Baki to sab jhuth hi hota hain. Bhoot pret ya phir
chudail ki kahani gaon dehat me jyada sunane ko milta hain. Gaon ke log bhoot
pret chudail ya phir dayan par bishwash karte hain. Kahi dur khet me aag ki
tarah jalta hua koi chij dekh kar use chudail samajh lete hain. Kahi raat ke
samay ja rahe hai aur thoda sa bhi dare ki use bhoot samajh lete hain.
Ek baar main bhi gaon me logo ke muh se suna ki khet
me chudail rahti hain. Socha ki ye kaise sambhao hain ki khet me chudail
rahegi. Par wo logo ke bich nahi aayegi. Chudail to insano se jyada takatwar
hoti hain. To phir wo khet me hi rahegi aur samne nahi aayegi. Jab ki gaon ke
log kahte hain ki chudail insaan ko marna chahti hain. Jab wo insaan ko marna
chahti hain to logo ke bich kyu nahi aati hain. Kyu wo kisi ke akele aane ka
intejar karti hain.
Na jane kitne saal bit gaye. Par aaj tak nahi suna
hoon ki kisi ko kisi chudail ne mara ho. Ye sirf logo ke andar ka darr matr
hain. Jis se koi darr jata hain to koi isi darr se paise kama leta hain. Bahut
chhota tha tab main gaon gaya tha. Wo thand ka samay tha. Gaon dehat ke log
thand ke mausam me raat ke samay aag jala kar tapte hain. Jab suraj dub jata
hain aur charo taraf andhera chha jata hain.
To log apne ghar ke bahar aag jala kar tapte hain. Jis
se thoda garmi bhi milta hain aur sath me raat ke samay sone me thand bhi kam
lagta hain. Gaon dehat ke logo ke paas thand se bachne ke liye paryapt kapde
nahi rahte hain. Isliye aag ka hi sahara lete hain. Gaon me bahut se log aag
tap rahe the.
Main bhi gaon gaya tha. Un sabhi ke sath main bhi aag
tapne laga. Hamare gaon ke thoda aage se hi khet shuru ho jata hain. Jab ham
sabhi aag taap rahe the. Tabhi maine dekha ki khet se aag ka gola uthta aur
kuchh upar ja kar bujh jata. Us chij ko main kuchh der tak dekha. Main soch me
pad gaya ki aakhir aag ka gola khet me jalta hain. Aur phir thoda upar ja kar
kyu bujh jata hain.
Main us aag ka gola dekh kar apne sath aag taap rahe
anya logo ko bataya. Jab un sabhi ne bhi dekha to mujhe darate hue bole. Ki
chup raho. Us chij ko dekh kar kabhi bhi tokna nahi. Main soch me pad gaya ki
kyu na toki. Kya wo bagh hain jo kha jayega. Main ek aadmi se bola ki wo kya
chij hain.
Jo khet me aag ki tarah uth raha hain aur phir bujh ja
raha hain. To wo aadmi bola ki ye sabhi chudail hain. Jo aag ke sath khel rahi
hain. Khet me chudail aa chuki hain. Agar use pata chala ki uska charcha koi
kar raha hain. To we sabhi chudail mil kar use maar degi.
Main us aadmi se puchha ki ye kaise sambhao hain ki
chudail use maar degi. To aadmi bola ki koi bhi akele agar raat ke samay khet
me jata hain. To chudail use aag se jala deti hain. Main soch me pad gaya ki ho
sakti hain ki waha par koi chudail hogi.
Jab ghar aaya to ye baat main apni maa se puchha. Meri
maa gaon dehat ki rahne wali thi. Wo bhi boli haan khet me jo aag dikh raha
hain. Wo aag nahi balki chudail hi hain. Mujhe kuchh ajib sa laga. Kuchh dino
ke baad main gaon se shahar aa gaya.
Ham sabhi shahar me rahte hain. Kabhi kabhar hi gaon
jate hain. Shahar me aa kar maine ye baat apne tuition master se puchha. Mere
tuition master ne mujhe bataya ki. Khet me jis aag ko tumne dekha tha. Wo
wastav me chudail nahi thi. Balki ise dancing fire kahte hain. Jab khet me pani
laga raha hain aur kichar jama rahta hain.
To waha par methine gas banta hain. Wo aapas me itna
ghana ho jata hai ki us me aag lag jata hain. Ye jyada kuchh bhi nahi.
Rasayanik kriya hain. Tab mujhe yakin aaya ki gaon dehat ke log sirf man
gharant kahani banate rahte hain.
