Darwaja Khat Khatana , Bhoot Ki Kahani.
Bahut baar aisa
hota hain ki jab koi ghar ke andar ho. Aur use aisa lage ki kisi ne bahar se
darwaja khat khataya hain. Par jab ghar ka darwaja khol kar bahar ki taraf
dekha jaye to koi bhi najar nahi aaye. Us halat me kya ho sakta hain.
Darwaja khat
khatana kisi ka kaam bhi ho sakta hain. Ya phir darwaja khat khatana kisi bhoot
pret ki maujudgi ka ehsaas bhi ho sakta hain. Bahut baar kisi ne suna hoga ki
koi kisi ke ghar ka darwaja khat khataya. Par jab darwaja khol kar dekha gaya
to samne koi bhi nahi tha. Koun ho sakta hain. Kuchh bhi samajh pana bahut
muskil wala kaam hain. Par kuchh adrishya takat hain. Jo aisa kaam karti hain.
Bhoot pret kisi se
kuchh chahte hain. Tab ja kar aisa shaitani harkat hota hain. Par aksar log
darr jarur jate hain. Jahir si baat hain. Kisi ne kisi ke ghar ka darwaja khat
khataya aur gayab bhi ho gaya. Ek aisa hi kahani main yaha likh raha hoon. Jo
mere sath bita. Maine bhi kisi ke darwaja khat khatana ki aawaj suni hain.
Par aksar log
kahte hain. Bhoot pret jo hote hain. Kisi ke bhi ghar ka darwaja teen baar khat
khatate hain. Agar kisi ne teen baar ke andar me darwaja khol diya to uske upar
koi badha aa jati hain. Yaha tak ki darwaja kholne wala aadmi kisi rog se
grasit bhi ho sakta hain. Yaha tak ki uski jaan bhi ja sakti hain. Is liye
hamesha teen se jyada baar kisi ke bolne ka intejar karna chahiye. Bhoot pret
matr teen baar hi darwaja khat khatate hain.
Yaha tak ki wo
kisi ka naam bhi teen baar hi puakrte hain. Isliye darwaja kholne se pahle
hamesha satark rahna chahiye. Raat ke andhere me jab charo taraf andhera chha
jata hain. Dur dur tak khamoshi hi khamoshi pasar jata hain. Jab koi ghar me
akela rahta hain. Us samay hi aisi aawaj aati hain. Darwaja khat khatana koi
aam baat nahi hain. Ye kisi adrishya takat ka bhi kaam ho sakta hain. Jaise ki
koi bhoot pret. Unhe bhi ghar ke sabhi logo ka naam pata rahta hain.
Kisi ka bhi naam
le kar kisi ko bhi jaga sakte hain. Log nind ke jhok me jagte hain aur darwaja
khol dete hain. Unhe aisa lagta hain ki koi uska apna hi hain. Jo darwaja khat
khata raha hain. Par darwaja kholne ke baad koi najar nahi aata hain. Charo
taraf sannata aur andhera aur kuchh bhi nahi. Par ye sirf kisi bahut bade
ghatna ki shuruaat hi hain. Aage koi bahut bada ghatna hone wala hota hain.
Kyu ki bhoot pret
iska fayada utha kar ghar ke andar aa jate hain. Kabhi kabhi to. Bhoot pret
kisi apne apno ki aawaj me bhi bolte hain. Ek baar aisa hi haal mere sath bhi
hua. Mera dukan market me hain. Waha par bahut kisi ka dukan hain. Kisi ka ghar
aur dukan dono ek jagah hain. To kisi ka dukan matr hain. Mera bhi dukan market
me hain.
Main apne dukan me
hi rahta hoon. Mere dukan me do darwaja hain. Ek aage ki taraf aur ek pichhe ki
taraf. Aage ka darwaja raste ke samne padta hain. Jab ki pichhe ka darwaja me
ek gali padta hain. Ham cycle ya two Wheeler udhar se hi late hain.
Ye market ke
pichhe ka hissa hain. Us taraf logo ke rahne ka ghar bana hua hain. Us taraf
bahut se jhuggi jhopdi bhi hain. Ek baar aisa hua ki jab adhi raat ho jati thi.
To koi kisi ke ghar ka darwaja khat khata deta.
Par jab darwaja
khol kar dekha jata to koi bhi najar nahi aata. Charo taraf sannata hi sannata
milta. Raat ke samay kisi ke bhi ghar ka darwaja. Bahut hi jor se khat khata
kar koi bhag jata. Wastav me ye kaam ek bhoot ka tha.
Jo raat ke andhere
me kisi ke ghar ka darwaja khat khata kar bhag jata. Darwaja khat khatana ye
aam baat ho gai. Log bahut hi pareshan ho gaye. Koun hain jo raat ke andhere me
darwaja khat khatata hain. Logo ko samjhne me der nahi lagi ki ye kaam jarur
kisi bhoot ka hi hain.
Par shahar me
achanak se bhoot kaha se aa gaya. Ye koi nahi janta tha. Main un dino apne
dukan me hi rahta tha. Raat ke samay apne dukan me sota tha. Bahut baar to
maine bhi darwaja khat khatane ki aawaj suni. Jab raat ke samay main dukan ke
andar sota tha to.
Aadhi raat ke
samay koi mere dukan ke pichhe wala darwaja ko khat khatata tha. Par main waha
par akela nahi balki mere sath mere dukan ka staff bhi sota tha. Darwaja khat
khatane wala aadmi mera naam le kar bolta. Ki darwaja kholo mujhe tum se kuchh
kaam hain.
Main jag kar apne
sath soye hue any staff ko jagata aur bolta ki dekh na bhai koi pichhe ke
darwaja ke paas khada hain. Jab mera staff jagta to bolta ki. Chup raho ye koi
tumhare jaan pahchan ka aadmi nahi hain. Balki bhoot hain.
Main bhi janta tha
ki yaha par bhoot aa chuka hain. Jo har kisi ke ghar ka darwaja khat khatata
hain. Darwaja khat khatana ye aam baat ban chuka hain. Par ab tak bahut kisi ne
darwaja khol kar dekha tha. Par koi bhi nahi mila. Ek baat to saaf thi.
Darwaja kholne
walo ke ghar me koi na koi bimar jarur ho jata tha. Ya phir jo darwaja kholta
tha. Wo hi bimar ho jata tha. Bahut din to aisa hi chala. Kisi ko samajh me
nahi aa raha tha. Ki ye kis ki aatma hain. Jo sabhi ko itna pareshan kar rahi
hain.
Kuchh din ke baad
to jaise hi suraj dubta aur andhera chhata. To hi kisi ke ghar ka darwaja khat
khatana shuru ho jata. Log bahut pareshan the. Ek baar main apna cycle le kar
dukan aaya. Mujhe sona tha isliye raat ka khana kha kar. Main apna dukan chala
aaya. Jab dukan ke pichhe taraf gaya. To main gamla ke girne ka aawaj suna. Par
main apna cycle le kar andar tak aa chuka tha.
Tabhi maine dekha
ki ek kali si billi mujhe dekh kar mere dukan ke chhat par chahar gai. Mujhe
kuchh ajib nahi laga. Par uske baad mera staff darwaja khola aur mujh se bola
ki tum darwaja khat khata rahe the. Mera to hakka bakka jaam ho gaya. Kyu ki
abhi abhi main dukan aaya tha. Aur maine gamla ke girne ka aawaj bhi suna tha.
Sath me ek kali billi ko bhi dekha tha.
Jo mujhe dekhte hi
dukan ke chhat par char gai. Mera staff bola ki yaar koi tumhara hi naam le kar
darwaja kholwa raha tha. Main us din bahut darr gaya. Main apne dukan ke andar
aaya aur unhe bhi sab kuchh bata diya. We bole ki aaj tumhara aamna samna bhoot
se ho jata.
Achchha hua jo
bach gaye. Par kuchh dino ke baad ham sabhi ko pata chal hi gaya. Ki wo kisi ki
aatma thi. Jo raat ke andhere me logo ke ghar ka darwaja khat khatata tha. Wo
ek aadmi ka aatma tha. Jo ek saal pahle hi marr chuka tha. Wo aadmi bahut bada
barua tha. Din bhar daru pita. Jiske karan hi wo mara tha.
Par marne ke baad
use daru koun pilata. Uski to lat thi daru pine ki. Marne ke baad bhi wo daru
khoj raha tha. Jab ye baat sabhi ko pata chala. To ek meeting bulai gai. Jaha
par is baat ka faisla kiya gaya ki jo darwaja khat khatata hain. Use daru
chahiye. Jab tak use daru nahi milega tab tak darwaja khat khatana band nahi
hoga. Logo ne tay kiya ki uske ghar ka koi ja kar. Jaha par us aadmi ko jalaya
gaya tha. Waha par har saftah me daru charaye.
