Dhadkta Dil , Dayan Ki Darawni Kahani.
Bhoot pret chudail
jinn jinnat ki kahani sunane me hi achchha lagta hain. Log kahte hain ek dayan
ke bas me bahut se bhoot pret rahte hain. Wo bhoot pret ya phir pishach se apna
matlab nikalti hain. Kisi ko jaan se marna hota hain to dayan bhoot pret ka
sahara leti hain.
Dayan bahut hi
satir hoti hain. Kisi ko bhi chutkiyon me maar sakti hain. Par koun jane koun
dayan hain. Ye to janane wala hi bata sakta hain. Par aaj main ek dayan ki
kahani likh raha hoon. Jise maine apne ek dost se suna tha. Kahani sunane ke
baad shayad aap ko yakin aa jayega ki dayan hote hain. Ek baar main apne dost
ke sath baitha hua tha. Bhoot pret par charcha ho raha tha. Tabhi us ne mujhe
ek kahani batai. Jise main yaha likh raha hoon. Bahut pahle ki baat hain. Kisi
gaon me ek garib pariwar raha karta tha. Ghar me ek maa ek beta aur ek pita
tha. Bas teen hi log the.
Apna koi kaam
dhandha nahi tha. Jis wajah se us ghar ka beta apne ghar se bahut dur kisi
shahar me kamane ke liye gaya hua tha. Aksar wo mehnat majduri karne ke liye
jata tha. Us ghar ka ladka majduri karne ke liye mumbai gaya hua tha. Kabhi
kabhar hi ghar aata. Ek din ki baat hain. Us ladka ki maa ghar ke bahar gehu
pasar rahi thi. Gehu pasar kar use aata chakki me deti. Taki gehu se aata ban
sake. Garmi ka mausam tha. Dhoop bhi bahut tej thi.
Ghar se bahar
khatiya nikal kar uske upar gehu sukha rahi thi. Tabhi us aurat ke ghar ek
aurat aai. Aur boli ki tumhare ghar me kuchh hain. To mujhe khane ke liye de
do. Mujhe bhookh lagi hui hain. Wo aurat boli ki thoda ruko pahle gehu pasar
leti hoon. Uske baad dhungi. Bhikh mangane wali auart wahi par khadi ho gai.
Thoda der khadi rahi uske baad phir boli. Tumhare paas kuchh anaj hain to use
hi de do. Main dusre ghar ja kar khana mang lungi.
To wo aurat phir
boli ki thoda der ruko main ghar se le kar aati hoon. Us bhikharin ko phir
thoda der ho gaya. Ab us se bardast nahi hua. Bhikharin chilla kar boli ki agar
nahi dena hain. To saaf saaf bol do. Mujhe yaha kyu khada kar ke rakhi ho. Sirf
tumhare ghar me hi thodi na mangna hain. Mujhe aur ghar bhi jana hain. Dena
hain to do mera samay barbad mat karo. Us bhikharin ki tao dekh kar aurat ko
gussa aa gaya.
Wo aurat boli ki
kaam bhikharin ka aur tao maharani ka. Jao main tumhe kuchh dene wali nahi
hoon. Kisi dusre ke ghar ja kar mang lo. Wo bhikharin bhi gusse me aa gai aur
bhala bura kahne lagi. Aurat baar baar kahti ki tumhe mera jo bigarna hain.
Bigar kar dikhao. Thoda hi der ke baad un dono me jhagra shuru ho gaya. Gaon ki
kuchh auarten bhi waha jama ho gai. Sabhi ne un dono ka jhagra chhodaya aur
bhikharin ko bola ki yaha se chale jao. Bhikharin waha se chal di.
Par jate jate use
se boli ki tum bol rahi ho. Tumhe mera jo bigarna hain bigar kar dikhao. Main
bigar kar dikha dungi. Tumhara ek beta bahar rahta hain na. Dekhna main kya
karti hoon. Itna kah kar wo bhikharin waha se chale gai. Gaon ki anya mahilaye
mil kar kisi tarah jhagra ko shant kar di. Sabhi apne apne kaam me lag gaye.
Kuchh din bhi bit gaya. Ek din subah subah wo aurat ghar se bahar nikli. Use
ghar angan ka jharu baharu karna tha.
Wo jaise hi apne
ghar se bahar nikli ki apne ghar ke angan me dekhti hain. Ki dhadkta dil aangan
me hain. Jaise hi uski najar dhadkta dil par padi ki uske muh se chikh nikal
gaya. Khoon se lath path ek dhadkta dil aangan me gira hua hain. Aisa lag raha
tha. Ki abhi abhi sine se kisi ne dil nikala ho. Us aurat ki chikh sun kar uska
pati aur aas paas ke log waha jama ho gaye. Gaon ke log yahi charcha karne lage
ki ye dhadkta dil kisi aadmi ka hain. Kisi ne kisi ko maar kar uska dil abhi
abhi nikal kar yaha pheka hain.
Par itni jyaldi
koun kise maar sakta hain. Kisi ke samajh me nahi aa raha tha. Ki ye dhadkta
dil kiska hain. Gaon me koi ghatna bhi nahi ghata. Kisi ko mare jane ki koi
khabar nahi mili to dhadkta dil kaha se aaya. Tarah tarah ke log tarah tarah ki
baaten hone lagi. Jamin par khoon bikhra hua tha. Us khoon ke bich me zinda dil
pada hua tha. Kuchh der ke baad dhadkta dil ka dhadkan bhi band ho gaya.
Log samajh nahi
paaye ki ye kya ho raha hain. Bahut der tak log us jagah par khade rahe par
kisi ko kuchh bhi nahi sujha. Sabhi log apne apne ghar chale gaye. Kuchh din
bit gaya. Ab logo ke dimag se ye baat bhi utarane lagi. Ek din us aurat ke ghar
me dakiya aaya aur ek chitthi de gaya. Jab wo aurat chitthi padhi to. Jor jor
se rone lagi. Ghar me matam chha gaya. Kyu ki us chitthi me likha tha ki uska
beta ek accident me mara gaya. Pure ghar me matam chha gaya.
Ab wo aurat soch
nahi paa rahi thi ki ye kya ho gaya. Gaon ke logo ne bhi us chitthi ko padha.
Jis me ek accident hone ke karan uska beta ke marne ki baat likhi hui thi. Par
us me jo tarikh likha hua tha. Wo tarikh wahi tha. Jis din us aurat ke ghar ke
angan me dhadkta dil mila tha. Logo ne kaha ki wo dhadkta dil kisi aur ka nahi.
Balki us ke bete
ka hi tha. Ye kaam us bhikharin ka tha jo bhikh mangane ke liye us aurat ke
paas aai thi. Par dono me jhagra ho gaya. Wo koi bhikharin nahi balki ek dayan
thi jis ne uske bete ko maar diya.
