Khaini Wala Bhoot , Bhoot Pret Ki Kahani.
Log sach hi kahte
hain. Jiski jo aadat hota hain. Wo marr kar bhi nahi khatm hota hain. Jiska
aadat kisi ko tang karne ka hota hain. Marr jane ke baad bhi wo dusro ko tang
karna band nahi karta hain. Chahe jo bhi ho log apni aadat se majbur hain.
Logo ke dimag me
baith chuka hain ki main ye kabhi nahi chhod paunga. Bade bade mahatma aur
gyani sach hi kahte the. Ki kisi se lagao hi dukh ka karan hain. Jab lagao
khatm ho jayega dukh khud ba khud khatm ho jayega. Jab tak insaan zinda hain
tab tak sirf apne kartabya par hi dhyan de.
Matlab ki kisi bhi
insaan ka kartabya apne maa pita ke prati kya hona chahiye. Ya phir kisi ka
kartabya kisi ke sath kya hona chahiye. Har kisi ko apni zindagi me sirf apna
kartabya hi nibhana chahiye. Insaan ka kya hain. Sirf ek mati ka putla.
Jis me aatma naam
ke jiwan ka sanchar hain. Jab aadmi marr jata hain. To sharir mati ban jata
hain aur aatma hawa me mil jata hain. Insaan apne sharir ke shukh ke liye
zindagi bhar koshish karta rahta hain. Insaan sirf bachpan se jab tak sharir
wihin nahi ho jata hain. Tab tak sirf aur sirf zinda rahna hi chahta hain.
Bachpan me maa
pita apne bachchon ko zinda rakhne ke liye bahut koshish karte hain. Jab
bachcha bada ho jata hain. To wo khud ko zinda rakhne ka koshish karta hain.
Insaan jab tak marr nahi jata hain. Tab tak khud ko zinda rakhna hi chahta
hain. Chahe kuchh bhi ho jaye. Ye aiso aaram kis liye sirf aur sirf zinda rahne
ke liye. Par maut wo hakikat hain.
Jo har haal me
aati hain. Chahe insaan kitna bhi koshish kyu na kar le. Use aana hain aur wo
aa kar rahegi. Par har chij ka ek samay nirdharit hain. Pura zindagi sirf
sharir ke sewa me khatm kar di. Par ant me kya mila.
Wo sharir mitti
ban gaya aur mitti me mil gaya. Par is sharir ko khush rakhne ke chakkar me
aatma dukhi ho gaya. Insaan sirf apne sharir ke bare me sochta hain. Par aatma
ke bare me kabhi nahi sochta hain. Hakikat to sirf aatma hi hain. Saath saal ke
ziwan ko chhod kar anant kaal tak aatma ke sath hi rahna hain.
Isliye agar insaan
chahta hain ki aatma ko dukh na mile. Iske liye sharir ka moh tyagna bahut
jaruri hain. Lagao jo kisi ka kisi ke prati ho jata hain. Ye dukh ka sab se
bada karan hain. Insaan ko sirf apna farz nibhana chahiye. Ye hi uttam rasta
hain aatma ko khush rakhne ka.
Aatma hi jiwan
hain aur wo kabhi bhi marne wala nahi hain. Kisi bhi chij ka lagao sirf aatma
ko dukh hi pahuchata hain. Chahe log kisi chij ka aadi kyu na ban jaye. Jaise
ki log daru khaini khate hain. Ye sab bhi aatma ke dukh ka karan hain. Jise jis
chij se lagao hain. Wo kast hi pahuchata hain. Aaj main ye kahani likh raha
hoon.
Jo ki sach me
aajmaya hua hain. Main pahle ek jagah kaam karta tha. Subah apne kaam par jata
aur raat ke samay kaam se wapas aata. Mera rahne ka ghar aur kaam karne ka
jagah dono lagbhag do kilometer ki duri par tha. Raat ke samay kabhi kabhi nau
ya dus baje apna kaam khatm kar ke wapas aata.
Ham sabhi ek jhund
me factory se nikalte aur sidhe apne room par aate. Par bahut se log aise the
jo factory se nikalte aur rasta me khaini banate hue room par wapas aate.
Lagbhag sabhi
khaini khane walon ki aadat hoti hain ki khaini bana kar thoda sa khaini jamin
par gira dete hain. Ya khaini thokte samay thoda sa garda jamin par gira dete
hain. Par kuchh ki aadat hoti hain. Ki khaini nikale banaye aur kha gaye. Jab
ham factory se apne room par jate the.
To bahut se log
khaini banate the. Ek baar ek aadmi factory se apne room par ja raha tha. Uske
pichhe pichhe ham sabhi bhi the. Par wo aadmi khaini nikala aur banaya. Magar
thoda sa bhi khaini jamin par nahi pheka.
Sidhe kha gaya.
Jaise hi wo khaini khaya ki use aisa laga ki kisi ne use pichhe se dhakka mara
ho. Wo dharam se jamin par gir gaya. Ham sabhi daurte hue uske paas pahuche aur
use uthaye. Wo aadmi hamari taraf gusse se dekhte hue bola. Ki tum sabhi ne
mujhe dhakka kyu mara.
Par hamne kaha ki
ham sabhi ne tumhe dhakka kaha mara. Tum to aise hi jamin par gir gaye. Par wo
aadmi bola ki nahi kisi ne mujhe dhakka mara hain. Tabhi main jamin par gira
hoon. Us aadmi se hamari bahut bak jhak hui. Uske baad wo bhi apne room par
chala gaya aur ham bhi.
Par uske baad wale
din bhi kisi ke sath aisa hi hua. Kisi ne khaini khaya par jamin par nahi
giraya. Use bhi kisi ne dhakkar mara. Wo bhi jamin par gir gaya. Par aas paas
koi bhi nahi tha. Lag bhag ek kilometer ki duri tak jo bhi khaini banata aur
use jamin par nahi girata. To koi bhoot use dhakka maar deta. Ye baat charo
taraf phail gai.
Ki koi bhoot hain
jo khaini khane walo ko dhakka marta hain. Wo use hi tang karta hain. Jo khaini
bana kar kha leta hain. Par use jamin par nahi girata hai. Uske baad to koi bhi
khaini banata to use jamin par jarur girata.
Ham sabhi ko pata
chal chuka tha. Ki bahut saal pahle ek aadmi usi raste me accident me mara gaya
tha. Jo bahut khaini khata tha. Use khaini ka nasha tha. Mar jane ke baad bhi
uski aatma khaini khane ke liye bechain rahti thi. Isliye jo bhi khaini bana
kar jamin par nahi girata to wo bhoot use dhakka maar kar gira deta.
Log darr bhi chuke
the. Par uske baad har koi thoda na thoda khaini jamin par jarur girata. Log
kahte hain khaini ya daru pine se pahle use thoda sa jamin par jarur girana
chahiye. Is se aise aadmi ke aatma ko shanti milti hai. Jo kabhi kisi tarah ka
nasha karta tha.
