Khauff Wali Raat , Ghost Story.
Bhoot pret ya phir
aatma ye sabhi aisi takat hain. Jise jab tak dekho nahi tab tak bishwash kar
pana bahut muskil hain. Kitne baar to aisa lagta hain ki koi aas paas hain. Par
najar nahi aata hain.
Kisi tarah ka
halchal koi aisa aabhas jis se pata chale ki aas paas koi hain. Kisi ke
maujudgi ka ehsaas. Kabhi kabhi to bhoot pret khul kar samne aate hain. Par
kabhi kabhi uska aabhash hota hain. Ek baar aisa hi aabhash mere sath bhi hua.
Bahut pahle ki baat hain us waqt main ek factory me kaam karta tha. Factory
bahut hi bada tha.
Main wahan par
electrical maintains ka kaam kiya karta tha. Jaha kahi bhi kuchh bhi kharabi
hota mujhe us jagah par ja kar use thik karna tha. Kahi bhi electrical problem
hota. Main waha par ja kar use thik karta. Mera duty day ya night shift me
hota.
Day shift me kaam
rahe to koi pareshani nahi hain. Par jab night shift hota to kaam badh jata.
Night me kaam karne ka mann bhi nahi karta. Akele utna bada factory ko
sambhalna bahut muskil hain. Night shift me kaam karna muskil hain. Kabhi kabhi
kaam karne ke liye aise jagah par bhi jana padta tha. Jaha par koi rahta hi
nahi tha. Akele raat ke samay aise jagah par kaam karna bahut muskil hain. Ek
baar ki baat hain.
Raat me kaam karne
ke dauran mujhe aisa laga ki mere aas paas koi hain. Wo bhi thodi der ke liye
nahi. Balki bahut der tak mujhe ehsaas hota raha ki yaha koi hain. Par najar
nahi aa raha tha. Najar bhi kaise aata aatma to adrishya hota hain. Insaan ko
to sirf uske maujudgi ka ehsaas matr hota hain. Ek baar main night shift me
kaam kar raha tha.
Raat ke do bhi baj
chuke the. Achanak se mujhe pata chala ki side b ka line supply me kuchh
kharabi ho gaya hain. Factory me light katna matlab uska sidha asar production
par padta tha. Koi nahi chahta hain ki ek pal ke liye bhi light kate. Main
electrical department me hoon. Isliye mujhe iski bahut fikr hain.
Ki kahi bhi light
nahi kate. Jab tak sab thik thak chal raha hain. Tab tak sab kuchh thik hain.
Jaha bhi thoda sa kharabi hua ki meri samat aa jati hain. Main maintains
department me hoon. To apne factory ko maintain karna mera kaam hain. Raat ke
do baje achanak se side b ka light chala gaya. Waha par power cable me kuchh
kharabi aa gaya. Raat ka samay tha aur bahut hi jor daar barish bhi ho rahi
thi. Main ek chhatri pakda aur us taraf chal diya.
Jis taraf se power
cable me kharabi aaya tha. Night shift me main akela hi tha. Barish bhi kam
hone ka naam nahi le raha tha. Main us jagah pahucha aur main supply kaat diya.
Main supply kaat kar power cable jodne laga. Par mujhe aisa laga ki aas paas
koi hain. Yaha is andhere me koi mere paas khada hain. Charo taraf andhera hi
andhera tha.
Factory ke us site
me koi bhi nahi tha. Rah rah kar bijli bhi chamak raha tha. Main apne daant se
torch ko daba kar supply cable thik kar raha tha. Par mujhe aisa lagta ki koi
mera chhatri khich raha hain. Jab us taraf torch jala kar dekhta to koi najar
nahi aata. Mujhe darr bhi lagta par kya karta duty to duty hota hain. Power
supply shuru karna bahut jaruri tha. Agar power supply shuru nahi hota to.
Factory ke kaam me badha aata.
Kaam ruk jata ye
soch kar main power cable jodne ka kaam jari rakha. Par mujhe baar baar aisa
lag hi raha tha. Ki koi mere aas paas hain. Jo mujhe kaam karne se rok raha
hain. Kabhi kabhi to aisa lagta ki koi mujhe dhakka maar raha hain. Main us
raat waha par akela tha aur darr bhi raha tha. Magar ek baat to tha. Mujhe baar
baar aisa lagta ki yaha aas paas koi hain. Magar dikh nahi raha hain.
Main bahut hi
jyaldi apna kaam kar ke waha se utha aur main supply ki taraf badha. Main
switch on kiya aur phir waha se chal diya. Barish bhi aisa tha ki rukne ka naam
nahi le raha tha. Main apne cabin me aaya aur apna kapda badla jo ki puri tarah
se bhig chuka tha. Thoda der tak baith kar sochta raha ki waha par koun tha.
Main bahut dino se us factory me kaam kar raha tha.
Aur mujhe pata
hain ki bahut saal pahle yaha kya hua tha. Ek aadmi is factory me kaise mara
tha. Baar baar uska hi chehra yaad aane laga. Mere dimag me uska hi chehra
najar aata. Wo manjar mujhe yaad aane laga ki kise ek aadmi jalti hui bhatti me
gir jane ke karan jhulash kar mar gaya. Bahut der tak main uske hi bare me
sochta raha nahi pata kab mera aankh lag gaya. Aur main so gaya.
Mujhe bahut hi
jyald gahri nind aa gai. Subah bhi hone wali thi aur subah ka nind turant aa
jata hain. Main gahri nind me soya hua tha. Tabhi achanak mujhe laga ki koi
mera gardan daab raha hain. Main bahut hi pareshan ho gaya. Main pasine se tar
ba tar ho chuka tha. Gutan aur ghabrahat se mera haal kharab hone laga. Turant
mera nind toota main jaan gaya ki koi to is cabin me jarur hain.
Jo mera gardan
daab raha hain. Main us waqt pasine se tar ba tar bhi ho chuka tha. Gardan me
dard bhi ho raha tha. Mujhe darr lagne laga turant main waha se utha aur jaha
par bahut se worker kaam kar rahe the. Waha par pahuch gaya. Aaj bhi mujhe wo
din yaad hain. Jis din main bahut darr aur ghabra tha.
