Khoon ka dhabba , Dayan Ki Kahani.
Aksar gaon dehat
me log dayan ka charcha karte hain. Log dayan ki kahani sunate hain. Ab mujhe
nahi pata dayan hota hain ya nahi. Dayan ki kahani ya bhoot pret ki kahani
darawani hoti hain. Koi bhi jab dayan ki kahani sunta hain to darr jata hain.
Wo soch me pad jata hain ki kya sach me dayan hoti hain.
Ya phir ye sirf
insan ke andar ka basa darr matr hain. Par jo bhi kuchh ho gaon dehat ke log
dayan par bishwash karte hain. We ek dusre se dayan ki kahani kahte hain. Gaon
dehat ke log kahte hain ki dayan bahut hi satir hoti hain. Wo apne dusman ko
marne ya phir use se apna badla lene ke liye dayan vidha sikhti hain. Dayan
budha sikhna bahut aasan hota hain. Par ek baar dayan ban jane ke baad. Dayan
vidha ko bhool pana na munkin ho jata hain.
Use apne jaan aur
is vidha me nipun hone ke liye kisi ki bali lena padta hain. Dayan apna vidha
se kisi ko bhi maar sakti hain. Agar is duniyan me kuchh mantron ke uchharan
matr se kisi ke mann ko shanti milti hain. To kuchh mantr aise bhi hone.
Jis mantr ke
uchcharan matr se kisi ki zindagi barbad ho sakti hain. Bade bade sadhu sant
sirf mantr ko shidh karne me na jane kitne saal laga dete hain. Mantr sirf usi
samay kaam kar sakta hain jab wo sidh ho jaye. Isi tarah dayan bhi apne mantron
ko sidh karne ke liye kisi ki bali leti hain.
Wo kahi par ekant
jagah par un mantron ko sidh karne ke liye anusthan karti hain. Dayan bahut hi
chalak hoti hain. Aaj main yahan par dayan ki kahani likh raha hoon. Shayad aap
ko pasand aaye. Main ye kahani apne ek dost se suna tha. Mujhe to ab tak yakin
nahi hain ki koi aurat dayan bhi ban sakti hain.
Par nahi pata.
Bahut pahle ki baat hain. Kisi gaon me ek chhota sa pariwar raha karta tha. Ek
maa uska beta aur ek khubsurat sa putoh. Us aurat ki putoh bahut hi samjhdar
thi. Hamesha apni saas ka sewa karti thi. Uski saas bhi use bahut manti thi.
Kahi bhi jati to apne putoh ko sath le kar jati. Ghar pariwar bahut achchha
chal raha tha. Ghar ke har koi bahut hi khushi khushi apna jiwan bita rahe the.
Ek din ki baat
hain saas aur putoh dono khet me kaam karne ke liye gaye hue the. Saas aur
putoh khet me dhan ka boai karne gaye the. Barish ka samay tha khet me dhan
lagana tha. Jis karan we dono khet me gaye the. Khet me dhan rop rahe the.
Wahan pahut pani tha. Jis karan khet ke pani me hel kar dhan rop rahe the.
Tabhi wahan par ek
aurat aai jo ki gaon ke mukhiyan ki biwi thi. Wo khet ke paas aa kar bolne lagi
ki tum apna khet baad me bona. Pahle mera khet me dhan ka paudha laga do. Uske
baad tum apne khet me dhan ropna. To saas boli ki nahi pahle ham apne khet me
dhan ropenge. Main tumhare khet me kyu jau. Kisi majdur ko laga kar apne khet
me dhan laga lo. Saas ki baat sun kar mukhiyan ki patni bahut gussa ho gai. Wo
bolne lagi ki nahi ab to tum dono ko mere khet me dhan ropna hi padega.
Agar nahi rope to
iska parinam bahut bura ho jayega. Saas boli ki dekhte hain. Tum mera kya bigar
leti ho. Un dono me bahsa bahsi shuru ho gaya. Apne saas ko jhagra karte dekh
kar putoh bhi jhagra me samil ho gai. Ab mukhiyan ki patni kamjor pad gai. Wo
un dono ko koste hue wahan se chal di. Boli ki agar mere khet me dhan nahi
ropaya to tumhare khet me bhi dhan nahi ropayega.
Wo us din bahut hi
gussa me thi. Gussa me hi apne ghar chale gai. Apna kaam khatm kar ke saas aur
putoh bhi apne ghar wapas aa gai. Raat ka khana bana aur khana kha kar sabhi
jyaldi so gaye. Jab subah subah saas jagi to apne ghar ka jharu baharu karna
tha. Ghar ka sara kaam jyald khatm kar ke wapas khet me jana tha. Par us subah
jab saas jagi to ghar angan ka jharu baharu karne lagi.
Jab apne angan me
jharu maar rahi thi. To achanak uski najar ghar ke diwar par padi. Jahan par
bahut se khoon ka dhabba laga hua tha. Khoon ka dhabba dekh kar wo ghara gai.
Daur kar apne bete ke kamre ki taraf gai aur apne bete ko jagai. Uska beta aur
putoh dono ghar ke bahar nikle.
Dono ne bhi dekha
ki uske ghar ke diawar par khoon ka dhabba laga hua tha. We soche ki koi janwar
raat ke samay yahan se shikar kar ke gujra hoga. Jiska khoon diwar par lag gaya
hoga. Par janwar apne shikar ko diwar se ghasit kar kaise le ja sakta hain. We
sabhi apne bakri aur murgi ko dekhe jo sahi salamat the. Ab kisi ke kuchh bhi
samajh me nahi aa raha tha ki khoon ka dhabba diwar me kaise laga.
Din bhi nikal
aaya. Gaon ke bahut se log uske ghar ke paas ikattha ho gaye. Sabhi apna apna
dimag lagane lage ki khoon ka dhabba diwar par kaise aaya. Par kuchh der ke
baad us aurat ke putoh ka tabiyat kharab ho gaya. Dekhte hi dekhte wo chakkar
kaat kar gir gai. Puhoh jamin par gir gai. Sabhi log use khatiya par baithaye
par uske baad use khoon ka ulti aana shuru ho gaya.
Uska halat itna
kharab ho gaya ki. Gaon ke log use hospital le jane ke liye tayyar ho gaye. Par
wo wahi par khoon ka ulti karte karte marr gai. Ab ghar me matam chha gaya.
Kisi ke kuchh bhi samajh me nahi aa raha tha. Ki abhi tak thik thak dikhne wali
aurat ka tabiyat achanak se itna jyada kaise kharab ho gaya. Wo khoon ka ulti
karte karte marr gai. Gaon wale sabhi mil kar uski putoh ka laash jala diye.
Ab ghar me matam
chha gaya. Kuchh din ke baad jab saas kahi ja rahi thi. To raste me mukhiyan ki
patni mili. Wo use rok kar boli. Dekha mujh se jhagra karne ka natija. Agar us
din tum aur tumhari putoh mujh se jhagra nahi karti. Aur mere khet me dhan rop
deti to. Aaj wo jinda rahti. Koi nahi janta hain ki main ek dayan hoon. Maine
hi tumhare putoh ko khaya hain. Uski jaan maine hi li hain. Tumhare ghar ke
diwar par jo khoon ka dhabba tha.
Wo kisi aur ka
khoon nahi balki tumhari putoh ka tha. Tum apne ghar jao aur matam manao. Ye
sun kar saas wapas apne raste chalne lagi. Mukhiyan ki patni use rokte hue
boli. Ki main ek dayan hoon. Ye baat kisi ko batana mat. Nahi to abhi tum apna
putoh khoi ho. Agar ye baat kisi ko pata chala to apna beta bhi kho dogi.
Bechari saas chup chap apne ghar wapas aa gai.
