Kisi Ke Barbadi Ka Karan

Kisi Ke Barbadi Ka Karan.

Kisi ke ghar me koi hota hain. Jiske karan us ghar ki sukh suwidha bana rahta hain. Agar wo chala jaye to duniya me dukh hi dukh bach jata hain. Kisi ek ke karan ghar chah chahane lagta hain. Mano ghar ke andar khushiya hi khushiya ho.

Par wo kahi chala jaye ho ghar sunsan ban jata hain. Kisi ke karan kisi ke ghar me roji roti ki barakkat hoti hain. Par uski naa maujudgi me roji roti bhi khatm ho jata hain. Ek kahani aisa hi hai. Jise main yaha likh raha hoon. Kahani to kahani hoti hain.

Jiska asal zindagi se koi matlab nahi rahta hain. Par insaan use apne zindagi se jod kar sochte hain. Jab koi kahani padhte padhte itna kho jata hain ki jhuth bhi use sach lagne lagta hain. Ek baat to tay hain. Jo bhi is duniya me aata hain. Apna roji roti upar se hi likhwa kar aata hain.

Use zinda rahne ke liye jaruri ka saman khud ba khud kahi se bhi jogar ho jata hain. Zindagi dene wala jab upar wala hain. To zindagi chhinane wala bhi upar wala hi hain. Baki maut to sirf ek bahana hain. Jo kisi ko bhi apne aaghosh me le hi leti hain.

Chale insaan maut se kitna bhi bhagta kyu na rahe. Use aani hain aur aa kar rahegi. Kabhi kabhi ye achanak se aa jati hain. Jiska koi kalpana bhi nahi kiya hoga. Mere ghar se kuchh duri par ek aadmi ka ghar tha. Us ghar me teen log raha karte the.

Ek pati tha, ek patni aur ek ladki thi. Jawani ke aakhri mukam me us aadmi ke ghar ek ladki janm liya tha. Is liye ghar ke sabhi log us ladki ko bahut mante the. Bahut khyal bhi rakha jata tha. Jo bhi chij apne pita se jidd kar deti. Uske pita kharid kar la dete. Sabhi ki bahut chahiti bhi thi.

Dhire dhire wo ladki badi hone lagi. Abhi koi khash badi bhi nahi hui thi. Wahi lagbhag gyarah saal ki hogi. Uske ghar me bahut se kabutar the. Ghar ke samne hi ek chhota sa bagicha tha. Jis me tarah tarah ke sabji ke paudhe aur bhi bahut se paudhe lage hue the.

Wo ladki roj subah kabutar ko dana khilati aur use door aakash ki taraf udha bhi deti. Ghar ke angan me tange hue ghade me kabutar ka ghar tha. Kabhutar bahut hi jyada tha. Ladki ko kabutar pasand tha. Jis karan uske ghar wale kabutar pale the. Ghar ka mahaul bhi bahut achchha tha.

Mano ek chhota sa ghar aur ghar me dher sari khushiya hi khushiya. Aapas me sabhi mil jul kar rahte the. Ek din ki baat hain. Wo ladki apne ghar ke andar stove jala kar chai bana rahi thi. Uski maa bahar kisi aur aurat se baat kar rahi thi.

Apni maa se boli ki maa main chai bana kar la du. Uski maa boli ki thik hain chai bana do. Wo ladki ghar ke andar gai aur stove jala kar chai banane lagi. Use aisa laga ki stove tej nahi jal raha hain. Isliye us me hawa bharne lagi. Itna hawa bhar di ki stove phat gaya.

Itna tej aag jala ki ghar ke andar charo taraf tel ke chhitte se aag lag gaya. Us ladki ke upar bhi tel chhitak kar pad gaya. Jis se uska pura badan jal gaya. Aawaj sun kar uski maa daurte hue aai. Apni beti ko apne aakhon ke samne jalte hue dekhi.

Wo kuchh kar pati us se pahle hi uski ladki bahut jal chuki thi. Kuchh hi der me wo marr gai. Uske pita bhi aaye. Ab ghar me charo taraf matam hi matam chha gaya. Ek to us pariwar me bachcha nahi ho raha tha.

Aur jab hua bhi to use bhi upar wale ne chhin liya. Us ghar me tabahi apna kadam rakh chuki thi. Ladki ke marne ke kuchh hi dino ke baad us ghar me jitne bhi kabutar the sabhi udd kar nahi pata kaha chale gaye. Log kahte bhi hain ki kabutar sirf achchhe waqt me sath nibhate hain.

Jab insaan ka waqt kharab hone wala hota hain. To kabutar us ghar ko chhod kar chale jate hain. Aisa hi hua sare kabutar ghar ko chhod kar chale gaye. Jitne bhi bagiche me sabji ke paudhe the sabhi khatm ho gaye.

Yaha tak ki papita ka sabhi ped bhi apne aap gir gaye. Us ghar me aisa tabahi chhaya ki us ladki ke pita ko bahut hi jyada sadma sama gaya. Wo bhi kuchh dino ke baad duniya chhod diye. Ab bachi us ladki ki maa. Wo ghar me akele bach gai. Usko bhi itna chinta ho gaya ki pagal ki tarah wartao karne lagi. Uska gujar basar kisi ke ghar se kuchh mang kar karne lagi.

Ek ladki thi jab tak wo ghar me thi. Tab tak hi ghar ke andar khushiya hi khushiya thi. Uske baad sab kuchh tabah ho gaya.