Koi Kyu Darta Hai , Horror Story.
Mera naam niraj kumar hain. Main chhattishgarh ka
rahne wala hoon. Waise to main bhoot pret par bishwash kabhi karta hi nahi
hoon. Par ek baar main bahut hi jabardast darr jarur gaya tha.
Mere soch me kal bhi bhoot pret nahi the aur aaj bhi
nahi hain. Par ye to darr matr hain. Koi kitna bhi takatwar kyu na ho. Unke
andar aa hi jata hain. Bhoot pret bhi to darr matr hi hote hain. Jab koi akele
rahta hain aur charo taraf sannata pasra rahta hain.
Agar us samay kisi buri aatma ka yaad aa jaye. To
darna swbhawik ho jata hain. Agar koi akele ho aur koi aisa ghatna ghat jaye.
Jiske bare me wo soch bhi nahi sakta tha. To darr lagna ek aam baat ho jata
hain. Mujhe bhi darr laga tha.
Main bhi ek baar bahut hi jyada darr gaya tha. Darta
kyu nahi mere sath ghatna hi aisa ghata. Baat hua ye tha ki pahle main cinema
hall me bahut hi film dekha karta tha. Mujhe film dekhna pasand bhi tha. Us
waqt ke log bahut hi shaukh se film dekhne jaya karte the. Main ek dukan me
kaam kiya karta tha.
Waise to main ek tailor hoon. Matlab ki ek darji. Logo
ka kapda silna mera kaam hain. Pahle ye dhandha bahut chalta tha. Kabhi bhi
kisi darji ke yaha kaam bahut hi aasani se mil jata tha. Par jamana aadhunik ho
gaya. Log sila silaya kapda pahnane lage. Jis karan dargi ka kaam bahut kam ho
gaya. Bahut se darji dukan to band hi ho gaye aur jo abhi khula hain.
Uski naubat hi kharab hain. Darji ka kaam bahut hi kam
ho gaya hain. Pahle main ek darji ke yaha kaam karta tha. Jo order aaya use si
kar tang diya. Apna paisa bhi achchha khasa ban jata tha. Mere sath aur bhi
bahut se karigar kaam kiya karte the. Ham sabhi ek darji ke dukan me kapda
silte the. Mera har friday ka adat tha ki main film dekhne cinema hall jaya
karta tha.
Friday ko film badalta tha. Jis karan friday ke night
me main film dekhne jaya karta tha. Din bhar kaam karta aur friday ko raat me
aath se gyarah film dekhne chala jata. Ek baar dukan me koi nahi tha. Jo dukan
ka master tha wo bhi apne ghar chala gaya. Mujhe achchha mauka bhi mil gaya.
Waise bhi barsat ke mausam me market jyald hi band ho
jata tha. Us raat main apna dukan band kiya aur film dekhne chala gaya. Raat ka
aath se gyarah wala show dekha. Us samay purani haweli naya naya laga tha. Log
kahte the ki film bahut hi bhootaha hain. Main bhi bhoot wala film dekhne chala
gaya. Wo bhi purani haweli. Hakikat me film bahut hi darawana tha.
Mujhe bhi film dekhne ke baad darr lag raha tha. Waise
to main bhoot pret par bishwash nahi karta hoon. Par purani haweli jaisi
bhootaha film ka baat hi kuchh aur tha. Bahut hi darawana film tha wo. Main
raat ke gyarah baje film dekh kar cinema hall se bahar nikla.
Barsat ka mausam tha charo taraf khamoshi hi khamoshi
pasra hua tha. Baar baar bhootaha film ka bhoot mujhe yaad aa raha tha. Waise
bhi raat ke samay dukan me mujhe akele sona tha. Jis karan main kuchh jyada hi
darr gaya tha. Jab apne dukan pahucha aur dukan ka darwaja khol kar andar gaya.
Waise hi dukan ka light chala gaya. Main andhere me pad gaya.
Ab andhere me matches khojna bahut muskil tha. Kisi
tarah idhar udar haath kar ke matches mil gaya. Phir matches jalaya aur
mombatti jalaya. Apne dukan ko andar se band kiya aur phir sone ka tayyari
karne laga. Par phir se light aa gaya. Main mombatti bujha diya. Socha ki jab
light aa hi gaya hain to mombatti jalane se kya fayada. Main mombatti bujha
diya.
Par jaise hi phook maar kar mombatti bujhaya waise hi
light bhi chala gaya. Phir se charo taraf andhera chha gaya. Mujhe purani
haweli wala bhoot yaad aane laga. Main turant matches uthaya aur use jalaya.
Par jaise hi matches jala ki phir se light aa gaya. Bahar joro se barish bhi
shuru ho gai.
Par matches bujhte hi phir se light chala gaya. Main
bahut darr chuka tha. Ye mere sath kya ho raha hain. Kuchh samajh me nahi aa
raha tha. Aisa main teen char baar kar chuka tha. Jab main matches jalata to
light aa jata aur jaise hi matches bujhta to light bhi chala jata. Main bahut
hi jayada darr chuka tha.
Bahar jor se barish bhi ho raha tha. Bijli ke chamakne
ke karan room ke andar halka ujhala bhi ho jata. Main night me horror film
purani haweli dekh kar aaya tha. Jab bijli chamkne se thoda ujala hota to mujhe
aisa lagta ki purani haweli ka bhoot darwaja ke paas khada hain. Darr aur
ghabrahat se mera jaan nikalne laga. Ab karu bhi to kya karu. Ek hi mombatti
tha. Wo bhi khatm ho chuka tha.
Par jab matches jalata to light aa jata par jaise hi
matches bujhta to light bhi chala jata. Mere to samajh me kuchh aa hi nahi raha
tha. Ye kya ho raha hain main samajh hi nahi pa raha tha. Jab jab bijli chamkta
to purani haweli ka bhoot mujhe darwaja ke paas dikh jata. Main mara nahi par
darr se mera halat bahut kharab ho chuka tha. Baar baar yahi sochta ki mujhe
kya jarurat lagi thi.
Jo main night me horror film dekhne chala gaya. Main
darr se kanp raha tha. Kya karu kuchh samajh me nahi aa raha tha. Main apna
bistar bhi nahi kiya. Apne dukan ke counter me andar sama gaya aur wahi par
chhupne ka koshish karne laga. Andhera raat aur rah rah kar mujhe purani haweli
ke bhoot ka yaad bhi aa raha tha. Itna darr chuka tha ki main thar thar kanp
raha tha. Pura raat kanpta raha.
Par nahi pata kab mujhe nind aa gaya. Subah dukan ka
malik master ji aaye. Wo darwja pite tab ja kar mera nind toota. Main counter
se bahar nikla aur dekha to din ho chuka tha. Dukan ka tala khola aur ye baat
master ji ko bataya. Ki raat me mere sath kya hua tha. Master ji bole ki raat
ke samay bhootaha film dekh kar aaye the jis karan darr gaye.
Par jab ye baat mere sath kaam kar rahe anya sathiyon
ko pata chala. To we sabhi mera majak udane lage aur bolne lage ki kya yaar koi
aise bhi darta hain kya. Par main aur mera dil hi janta tha ki main kitna darr
chuka tha.
