Kya Aatma Amar Hai , Horror Story

 Kya Aatma Amar Hai , Horror Story.

Aatma shabd dimag me aate hi insan ke dimag me. Kisi murda aadmi ki tasbir daurne lagti hain. Koi aadmi mar gaya hoga aur uski aatma sharir se bahar nikal gaya hain. Par kuchh bhi ho jaye. Aatma ka astitwa jab tak hain. Tab tak wo hain. Matlab insan marr sakta hain. Par aatma kabhi bhi nahi marr sakti hain.

Aatma hain aur aatma amar hain. Log sochte hain ki kya aatma amar hain? Par main kahunga ki aatma amar hain. Wo kabhi marr hi nahi sakti hain. Insan ka sharir mitti me mil sakta hain par aatma nahi. Kya aatma amar hain? Ye puchhna hi bekar hain. Kitna ajib hain. Marr kar sharir mitti me mil jata hain aur aatma upar ki taraf chala jata hain.

Aaj main aap ko ek aisa hi kahani bataunga. Jis se aap ko bhi bishwash ho jayega ki aatma amar hain. Mera naam ibrahim hain. Main Rajasthan ka rahne wala hoon. Mere do bachche hain. Ek ladka aur ek ladki. Do bachche hain par dukh ki baat hain ki meri patni ka dehant ho chuka hain.

Lagbhag ek saal pahle meri patni ka dehant ho gaya. Us waqt main Delhi me kaam kar raha tha. Aaj bhi main Delhi me kaam karta hoon. Kya karu roji roti ka sawal hain. Kitne dino tak apni patni ke yaad me ghar par rahta. Kahi na kahi kaam to karna hi tha. So main ab Delhi me kaam kar raha hoon. Par meri patni ke bichharne ka gam aaj bhi mere sine me hain.

Main apni patni ko bahut chahta tha aur chahta rahunga. Uski yaad aaj bhi mere sine me hain. Main apni patni ko kabhi bhool nahi sakta hoon. Wo bhi mujh se bahut pyar karti thi. Par nahi pata kab koun sa insan dhokha de de. Koun sa insan kab kise bich raste me chhod kar chala jaye. Ye koi nahi janta hain. Jab tak sharir me rooh hain tab tak koi zinda hain. Jahan aatma nikla sab kuchh barbad ho jata hain.

Na jane sath chhodne wala aadmi kahan chala jata hain. Jo kabhi wapas laut kar nahi aata hain. Main bhi apni patni ke paas chala jata par mere jimme usne do bachchon ko chhod rakha hain. Ab unka hi dekh rekh karna hain. Meri patni jise ek gambhir bimari ho gai thi. Hamare paas itna paise nahi the ki main uska achchha ilaz kara sakta.

Apne se jo ho saka maine kiya. Jitna ilaz kara sakta tha utna karaya. Par kismat ko kuchh aur hi manjur tha. Wo is duniya ko chhod kar chale gai do bachchon ka bhar mere jimme chhod di. Usne marne se pahle kaha tha ki mere upar itna paisa kharch karna bekar hain. Aap in paison ko bacha kar rakhiye. Abhi hamare bachche chhote chhote hain. Unka bhawishya sudharne me kaam aayega. Usne mujh se wachan liya tha ki main apne dono bachchon ka achchhi tarah se dekh bhal karunga.

Wo mujhe chhod kar chale gai aur do bachchon ki jimmedari mere kandhe par aa gai. Ek maa apne bachchon ka jitna dekh bhal kar sakti hain. Utna dekh bhal main kabhi nahi kar sakta hoon. Wo apne kaam me bahut nipun thi. Wo chhoti se chhoti baaton ka khayal rakhti thi. Par us jaisa main nahi hoon. Uski kami mujhe aaj bhi bahut khalti hain. Wo is duniya se ja chuki thi. Kuchh din tak to main ghar par ruka. Par uske baad shahar kamane ke liye chala aaya. Apne dono bachchon ko main apni bahan ke hawale kar diya.

Uske paas apne bachchon ko chhod kar main Delhi chala aaya. Yahan par main bahut dino tak kaam kiya. Jitna paisa kamata tha. Us me se jyadatar paisa apne ghar bhej deta tha. Taki mere bachchon ka sahi se parwarish ho paye. Unhe kisi chij ka kami na ho. Bachche apne bua ke paas the. Mujhe lag raha tha ki shayad meri bahan unka sahi se khayal rakh rahi hogi.

Par aisa nahi hua. Ek raat main soya hua tha. Ki mere sapne me meri patni aai aur mujh se boli ki aap yahan hain aur hamare bachche ghar me kast jhel rahe hain. Unhe bhi apne sath rakh ligiye. Unhe wahan khane ka bahut dikkat ho raha hain.unka waha koi dekh bhal nahi kar raha hain. Maine jab sapne me apni patni ko dekha to soch me pad gaya ki ho sakta hain mere bachche ghar me thik se nahi hain. Jab subah hua to maine apne ghar phone lagaya aur baat kiya.

Ki wahan sab kaise hain. Bachche thik se hain ya nahi. To jawab mila ki sab sahi se hain. Bachche bhi thik se hain. Main bhi befikr ho gaya ki chalo sab koi thik se hain. Ho sakta hain mujhe wahan ho gaya hoga. Main apni patni ko bahut yaad karta hoon jis wajah se wo mere sapne me aai thi. Usi din main duty ja raha tha. Tabhi meri najar ek aurat par padi. Wo lagatar mujhe dekh rahi thi.

Jab meri najar us par gai. To mujhe khud par bishwash kar pana muskil ho gaya. Jo aurat sadak ke us paar khadi ho kar mujhe lagatar dekh rahi thi. Uska shaql aur surat bilkul meri patni jaisi hi thi. Main soch me pad gaya ki meri patni yahan kaise aa gai. Phir socha ki nahi ye meri patni nahi ho sakti hain. Kyu ki meri patni ke mare to bahut din bit chuka tha.

Wo to bahut din pahle hi mujhe chhod kar ja chuki hain. Phir bhi sharir ke andar ajib sa ghabrahat hone laga. Uske baad main kaam par chala gaya. Par ab kaam karne me thoda bhi mann nahi lag raha tha. Mujhe baar baar bechaini jaisa lagne laga. Main sham ke samay apne ghar wapas chala aaya. Raat ka khana banaya aur kha kar so gaya.

Jab mujhe gahri nind aai to phir se meri patni mere sapne me aa gai. Aur bolne lagi ki ghar ja kar bachchon ko le aaiye we dono wahan par sahi se nahi hain. Subah hua to mujhe ajib sa lagne laga. Main soch me pad gaya ki baar baar meri patni mujhe ghar jane ke liye kyu bol rahi hain. Ab mera mann kaam par lag hi nahi raha tha. Mujhe baar baar apni patni ki kahi hui baat yaad aa rahi thi.

Main ab ghar jane ka soch liya. Main apne company se chhuti liya aur ghar ke liye rawana ho gaya. Ghar pahuch kar sabhi se mila. Jab apne bachchon ko dekha to mujhe aisa laga ki sach me sahi se nahi hain. Koi baat jarur hain. Us din main gaon me kahi gaya hua tha. Jab wapas aa kar dekha ki mere dono bachche ghar ke ek kone me hain. Main unke paas gaya aur un se puchha ki kya baat hain. Jo aap itne udas hain.

To mere dono bachche bole ki maa aai thi. Wo ham se boli ki ab rona mat dekho tumhare papa aaye hue hain. Wo tum dono ko le kar jayenge aur aap dono ka bahut khyal rakhenge. Mujhe aisa laga ki jaise us ne hi mujhe ghar me bulaya ho. Maine un se puchha ki aap ki buaa aap ka dekh bhal karti hain ya nahi. To bachche bole wo hame kabhi khana deti hain aur kabhi bhukhe hi chhod deti hain.

Jab maa jinda thi to wo hamara kitna khayal rakhti thi. Wo sahi samay par hame khana bhi deti aur bahut pyar bhi karti. Par ab wo bahut kam hamare paas aati hain. Mujhe apne bachchon ki halat dekh kar rona aa gaya. Jab ki main sahi samay par ghar paisa bhej deta hoon. Phir bhi mere bachchon ka sahi se dekh bhal nahi hota hain. Maa maa hoti hain. Uska jagah koi nahi le sakta hain.

Main apne bachchon ko le kar Delhi chala aaya. Wahi par unka admission kara diya hoon. Aur mujh se jitna ho sakta hain. Main unki dekha bhaal karta hoon. Agar koi mujh se puchhe ki kya aatma amar hain? To mera jawab hoga. Haan aatma amar hain. Jo kabhi marr kar bhi nahi marti hain.