Pahalwan Aur Bhoot Ka Bhirant , Shaitan Ki Kahani

Pahalwan Aur Bhoot Ka Bhirant , Shaitan Ki Kahani.

Kisi gaon me ek pahalwan raha karta tha. Pahlwan bahut hi nidar aur takatwar tha. Use kisi se kisi bhi tarah ka darr nahi tha. Jo bhi us se ladne aata wo use chtkiyon me pachhar deta. Jis karan pahalwan ka charcha dur dur tak phaila hua tha. Koi bhi pahalwan se kusti ladna nahi chahta tha.

Kyu ki ladne wala pahalwan janta tha ki main us se jeet nahi paunga. Lamba chaura sharir. Majbut aur takatwar bhujaye. Jis se kisi ko pakad leta to uska chhut pana namunkin tha. Gaon ke log aur dur gaon ke logo ke bich me uska rob tha. Log us se darte the. Pahalwan bhi dur dur tak kusti ladne jaya karta tha. Par ek raat pahalwan aur bhoot ki bhirant ho gai.

Pahalwan aur bhoot ka bhirant me pahalwan bahut hi buri tarah se ghayal ho gaya. Pahalwan ka adat tha ki jab bhi raat me sota to. Apne khatiye ke paas ek lota pani jarur rakhta. Jab subah subah murga aawaj deta to. Lota utha kar khet ki taraf chal deta. Par ek din ki baat hain. Pahalwan apne charpai par soya hua tha. Tabhi aadhi raat ke samay murga ka aawaj uske kaano me sunai diya.

Pahalwan ko laga ki ab subah hone wali hain. Jag kar khet jana chahiye. Pahle ke jamane me logo ke paas ghadi nahi tha. Log isliye subah kab hoga iska andaja murga ke aawaj se lagate the. Murga bola to log samajh jate the ki ab subah hone wala hain. Us raat bhi aisa hi hua. Kisi ka murga raat ke samay hi aawaj lagane laga. Murga ka aawaj sun kar pahalwan jag gaya.

Apna lota uthaya aur khet ki taraf chal diya. Khet ja kar maidan kiya aur wapas apne ghar aane laga. Garmi ka mausam tha. Khet sukhe hue the. Khet me sirf dhul hi dhul bhara hua tha. Us par chandani raat thi. Charo taraf ujala phaila hua tha. Pahalwan ko laga ki ab subah hone wala hain. Wo jab khet se wapas aa raha tha.

To use khet ke raste me ek aadmi mila jo pahalwan se bola. Ki ai pahalwan kaha ja rahe ho. Wasav me khet ke paas mila hua aadmi koi aadmi nahi balki ek bhoot tha. Par pahalwan ko laga ki koi aadmi hoga. Pahalwan akarte hue us se bola ki dekh nahi raha hain. Main kaha ja raha hoon. Main apne ghar wapas ja raha hoon. Tu jis kaam se yaha aaya hain.

Apna kaam kar aur wapas apne ghar chala ja. To khet me mila hua aadmi bola ki tumhe apni takat par bahut ghamand hain. Pahalwan bola ki main takatwar hoon. Isliye mujhe apni takat par ghamad hain. Uski baat sun kar bhoot bola ki agar tum me itna hi takat hain to mujh se kusti karoge. Pahalwan bola ki tum ek sadharan sa aadmi mujh se kusti kya karoge.

Kusti ladna tum jaise aadmi ka kaam nahi hain. Tumhare to sharir me jaan bhi nahi hain. Tum mujh se kya kusti ladoge. Agar apne sharir ka khair chahte ho to apne ghar wapas chale jao. Aur mujh se kusti ladne ka khyal apne dimag se nikal do. Pahalwan nahi jaan raha tha ki wo jis se baat kar raha hain. Wo ek bhoot hain. Ek bhoot us se kusti ladne ka chunauti de raha hain. Pahalwan ko bhi apne takat par bahut ghamad tha. Uski akad dekh kar bhoot bola ki mana tum bahut takatwar ho.

Par kusti me tum mujh se bahut pichhe ho. Main tumhe bahut hi aasani se hara sakta hoon. Pahalwan ko uski baat par gussa aa gaya. Kyu ki gaon to kya dur gaon tak aisa koi nahi tha. Jo pahalwan ko kusti ke liye lalkaar sake. Aur ek kamjor dikhne wala aadmi us se kusti ladne ke liye bol raha hain. Pahalwan us bhoot se kusti ladne ke liye tayyar ho gaya. Phir kya tha pahalwan apna langota bandha aur khet me hi taal thok diya. Bhoot bhi kusti ke liye tayyar ho gaya.

Wahi khet me kusti shuru ho gaya. Pahalwan aur bhoot ka bhirant shuru ho gaya. Dono me kusti shuru ho gaya. Pahalwan soch raha tha ki main ise bahut hi aasani se patak dunga. Par aisa nahi ho raha tha. Bhoot bhi bahut takatwar tha. Pahalwan ke har daao ka jawab dene laga. Bhoot pahalwan ko patakne laga. Pahalwan ko laga ki ye aadmi mujh se jeet jayega. Isliye wo bhi pura takat ke sath bhoot se ladne laga. Pahalwan bhi kaha kam tha. Usne bhi than liya ki main haar manane wala nahi hoon.

Pahalwan aur bhoot ka bhirant aadhi raat ke samay shuru hua. Aur dekhte hi dekhte dono ke bich me bahut hi ghamasan kusti hone laga. Kabhi pahalwan bhoot ko patak deta to kabhi bhoot pahalwan ko patak deta. Dono haar manane wale nahi the. Aadhi raat ke samay kusti shuru hua aur ab subah bhi hone wali thi. Pahalwan ko bahut baar gambhir chot bhi laga.

Jis se uske sharir se khoon nikalne laga. Khoon se lath path hone ke baad bhi haar manane ke liye tayyar nahi tha. Pura khoon se lathpat hote hue bhi bhoot se kusti lad raha tha. Subah ka pahla kiran bhi phoot gaya. Gaon ka aadmi khet me aaya to usne dekha ki pahalwan khoon se lathpat hain. Kabhi jamin par gir raha hain.

To kabhi khud ko hawa me lagrate hue patka raha hain. Wo aadmi gaon me gaya aur gaon walon ko bola ki pahalwan pagal ho gaya hain. Pura khoon se lathpat ho kar khet me lot raha hain. Gaon ke bahut se aadmi pahalwan ko dekhne ke liye khet me aa gaye. Sabhi ne dekha ki pahalwan sach me pagal ho gaya hain. Kabhi khud ko jamin par patakta to kabhi hawa me lahrane lagta.

Gaon wale uski ye haal dekh kar bahut hi chintit ho gaye. Kyu ki gaon wale us se darte the. Kisi ki himmat nahi thi ki pahalwan se baat kar sake. Par ek aadmi se raha nahi gaya wo pahalwan ke paas gaya aur us se bola ki. Tum khet me kya kar rahe ho. To pahalwan gussa me bola ki dekh nahi rahe ho main kusti lad raha hoon. To wo aadmi bola ki kis se kusti lad rahe ho. Yaha to koi hain hi nahi. Tum to khud se kusti lad rahe ho.

Pahalwan bola ki dikhai nahi de raha hain. Main kis se kusti lad raha hoon. To wo bola ki tum khud dekh lo ki tum kis se kusti lad rahe ho. Yaha koi bhi nahi hain. Pahalwan thoda der ruka aur phir dekha to sach me uske samne koi bhi nahi tha. Pahalwan bola ki mai jis se kusti lad raha tha. Wo aadmi to abhi abhi yahi tha. To gaon wale bolne lage ki ham log bahut der se dekh rahe hain.

Tum khud se kusti lad rahe ho aur apne aap ko itna zakhmi kar liye ho. Ki pura khoon se lath path kar liye ho. Pahalwan ko to khud par bishwash hi nahi ho raha tha. Ki kusti ladne wala aadmi kaha gaya. Pahalwan ne sari baat gaon walo ko bataya. To gaon wale bole ki jarur aadhi raat ke samay tumhe bhoot mila hoga. Jis karan pahalwan aur bhoot ka bhirant ho gaya hoga.

Agar tum bhoot se haar jate to bhoot tumhe maar deta. Par pahalwan aur bhoot ka bhirant ko tum puri raat jari rakhe. Subah tak haar nahi mane aur us bhoot se ladte rahe. Jis karan ab tak tum zinda ho. Pahalwan ka ghamand bhi toot gaya. Kyu ki gaon walo ke karan hi uska jaan bach paya.