Pari Se Pyar , Ek Khubsurat Pari.
Aaj jo kahani main
likh raha hoon. Wo ek pari ki kahani hain. Pari, bhoot, pret, ye sabhi adrishya
takat hain. Par pari ke bare me kaha jata hain. Ki pari swarg me rahti hain.
Uske do pankh hote hain. Jis se wo hawa me udd sakti hain. Ek jagah se dusre
jagah jane ke liye apne pankhon ka sahara leti hain. Pari bahut hi khubsuart
hoti hain.
Pari swarg me
rahti hain. Par kabhi kabhi dharti par aa jati hain. Wo dharti ki khubsuarti
dekhne ke liye aati hain. Par logo ki najar se dur rahti hain. Pari bhi apna
bhesh badal sakti hain. Aur logo ke bich aa sakti hain. Par koi pahchan nahi
sakta hain. Ye kahani ek pari ki hain. Jo ki ek ladka se payar kar baithi thi.
Ek baar ki baat hain. Ek ladka jo ki bahut hi garib pariwar se tha. Us ladka ka
mukhya kaam jungle me bakri charana tha.
Ladka garib jarur
tha. Par bahut hi khubsurat tha. Uski kad kathi bhi bahut achchhi thi. Par
garib pariwar se hone ke karan. Bakri charaya karta tha. Uske paas bahut si
bakriya thi. Jise le kar wo jungle me chala jata aur un bakriyon ko waha
charata. Ek baar ki baat hain. Wo bakri charane ke liye jungle gaya hua tha.
Roj ki tarah subah hi apne ghar se nikla aur apne sath dopahat ka khana bhi
rakh liya.
Wo ladka bakri
chara raha tha. Jungle bhi bahut ghana tha. Jungle me tarah tarah ke janwar
the. Aksar jo bhi gaon ke log bakri charate the. Wo ghane jungle me nahi jate
the. Kyu ki logo ka manana tha ki. Jungle me bhoot pret rahte hain. Bich jungle
me ek talab hain. Jaha par bhooton ka adda hain. Jis jagah par koi bhoot ya
chudail rahti hain. Is ke darr se koi bhi jungle ke bahut andar tak nahi jata
tha.
Wo ladka bhi apni
bakriyon ko jungle ke aas paas chara kar wapas aa jata. Par kabhi ghane jungle
ke andar nahi jata. Par nahi pata ek din use kya ho gaya. Wo apni bakriyon ko
le kar jungle ke andar chala gaya. Bakri charate charate ghane jungle ke bicho
bich pahuch gaya. Wo us jagah pahuch gaya jaha par ek talab tha.
Abhi wo ladka
talab se kuchh dur pahucha hi tha. Ki uski najar ek ladki par padi. Ladki bahut
hi khubsurat thi. Wo talab ke paas hi baithi hui thi. Ab wo ladka use dekha aur
soch me pad gaya. Ki is sunsaan jagah par itni khubsuart ladki kya kar rahi
hain. Jab ki aas paas koi bhi nahi hain. Ladka ko laga ki ye jarur koi chudail
hogi. Jo is samay yaha par hain. Wo ek ped ke aad me chhup gaya aur us ladki ko
dekhne laga.
Baar baar uske
mann me ek sawal aa raha tha. Wo baar baar soch raha tha ki ye ladki agar koi
chudail hoti. To iska sakl bahut hi bhayanak hota. Chudail dekhne me bahut hi
darawani hoti hain. Par ye to bahut hi khubsurat hain. Itni khubsurat ladki
kabhi chudail ho hi nahi sakti hain. Dhire dhire wo ladka uski khubsurati pe
mugdh ho gaya. Ab wo socha ki chahe jo bhi kuchh ho jaye. Us se baat kar ke
rahega. Ab wo ladka ped ke aad se nikla. Jaha par wo chhup kar us ladki ko dekh
raha tha.
Ladka sidhe us
ladki ke paas gaya aur us se bola ki aap koun ho. Aur is birabaan jungle akele
kya kar rahi ho. Maine aaj se pahle aap ko kabhi gaon me aas paas dekha nahi
hain. To us ladka ka baat sun kar wo ladki boli. Ki main ek pari hoon. Main
aksar is talab ke paas aati hoon. Is jagah ka shant mahoul mujhe bahut hi
achchha lagat hain. Main bahut der tak yaha par rahti hoon. Uske baad main pari
lok me wapas chale jati hoon.
Uske baad pari us
ladka se puchhi ki tum koun ho aaj tak maine bhi kisi ko yaha par nahi dekhi
hoon. Par tum yaha kaise aaye. To ladka bola ki main ek bakri charane wala
hoon. Aaj main apni bakri ko charate charate jungle ke bicho bich pahuch gaya.
Un dono ka baat abhi shuru hone wala hi tha. Ki pari boli ki ab mere jane ka
samay ho gaya. Mujhe apne ghar wapas jana hoga. Itna kah kar pari hawa me udd
gai aur gayab ho gai.
Ladka bhi apne
bakriyon ko le kar ghar wapas aa gaya. Ab us ladka ko hosh kaha. Ghar pahuch
kar bhi us pari ka khubsurat chehra uske dimag me ghumne laga. Kahi bhi uska
chehra yaad aata. Pari bhi bahut khubsurat thi jiska chehra us ladke ke dil o
dimag me bas chuka tha. Raat bhar us pari ka chehra hi use yaad aa raha tha. Ab
use nind kaha thi. Wo raat bhar karwat badal badal kar sirf pari ko yaad kar
raha tha.
Ab chahe jo bhi ho
jaye. Dubara us se milne ki ichchha baar baar use tang kar raha tha. Kisi tarah
wo phir se pari se milna chah raha tha. Jab subah hua to apni bakriyon ko le
kar phir se jungle ki taraf chal diya. Jis jagah wo pari se mila tha. Phir se
usi jagah pahuch gaya. Usne dekha ki pari usi talab ke paas baithi hui hain.
Ladka uske paas pahucha aur pari se bola ki aap aaj phir yaha aaye hain.
To wo pari boli ki
main to yaha roj aati hoon. Ladka us pari se baat karna shuru kar diya. Us se
pari lok ke bare me puchha aur uski khubsurti ka bahut tarif bhi kiya. Wo pari
bhi us se baat ki aur insaano ke bare me puchhi. Un dono me bahut der tak baat
hota raha. Pari boli ki ab mere jane ka samay ho gaya ab main apne ghar ja rahi
hoon. Itna kah kar pari hawa me udd gai. Ladka pari ko sirf jate hue dekhte rah
gaya. Par us ladka ke andar hausla aa chuka tha. Ab wo ladka us pari se baat
kar sakta tha. Uske baad wale din me wo ladka apne samay par talab ke paas
pahuch gaya.
Aur us pari se
baat karne laga. Aisa bahut dino tak chala ladka roj talab ke paas jata aur
pari se bahut baat karta. Uske baad pari wapas chale jati. Ab pari ko bhi us
ladka se baat karna achchha lagne laga. Ek din wo ladka socha ki aaj main pari
se apne ishq ka ijhaar kar dunga. Waise bhi wo pahli mulakat me hi apna dil
haar baitha tha. Ek din jab wo pari se milne gaya to. Us pari se bola ki main
aap se bahut pyar karne laga hoon. Mujhe har jagah sirf aap hi aap dikhai dete
hain. Main aap ke bina nahi rah sakta hoon. Agar aap mujhe nahi mili to main
apna jaan de dunga.
Us ladka ki baat
sun kar pari boli ki main bhi tum se bahut pyar karti hoon. Par darr is baat ka
hain ki insaan bahut hi matlabi hote hain. Jab tak matlab hota hain tab tak dil
lagate hain. Uske baad chhod kar chale jate hain. Ladka bola ki main auro ke
jaisa nahi hoon ek baar pyar kar liya to zindagi bhar sath nahi chhod sakta
hoon. To pari boli ki soch lo. Jab tak tum mere ho tab tak main tumhara sath
nibhaungi.
Jis din tum
insaani fitrat me aa jaoge us din main tumhe chhod kar hamesha hamesha ke liye
chale jaungi. Ladka bola ki main aap ka sath zindagi bhar nibhaunga. Chahe jo
bhi ho jaye. Uske baad un dono me pyar ho jata hain. Dono pyar na todne ki
kasam bhi kha lete hain. Ab wo ladka pari se pyar kar leta hain. Dono hamesha
us talab ke paas milte aur bahut sari baat karte. Us ladka ko bhi garv tha ki
wo pari se pyar karta hain. Din badal kar saal lag gaye. Par uska pari se pyar
kam nahi hua.
Dhire dhire wo
ladka ek garib se amir ban gaya. Gaon me sab se jyada paisa wala ban gaya. Par
wo hamesha pari se pyar karta raha. Roj pari se milne jata aur us se bahut baat
karta. Par ab uske mata pita us ladka ke shadi ka dabao banana shuru kar diye.
Gaon ke log bhi kahne lage. Ki ab tumhari shadi ke din dhalte chale ja rahe
hain. Is umr me shadi nahi karoge to kya budhapa me karoge. Roj log aur ghar
wale us se shadi ka charcha karte.
Par wo gol matol
jawab de deta. Par ab use bhi lagne laga. Pari ke pyar ke badulat zindagi chalne
wala nahi hain. Ab use bhi apna ghar basa lene chahiye. Ye soch kar wo ladka
pari ke paas gaya aur us se bola ki. Ab main aap se milne nahi aaunga. Mere
Ghar wale mere liye ladki dekhe hain. Aur main us se shadi karne ke liye majbur
hoon. Main apne mata pita ki baat ab talna nahi chahta hoon.
Pari boli ki aap
ne ek pari se pyar kiya hain. Aur pari apni baaton par atal rahti hain. Agar
tum shadi karna chah rahe ho to karo. Par mai tumhe hamesha chahte rahungi.
Main aaj ke baad dubara kabhi bhi nahi milungi. Itna kah kar pari hawa me udd
jati hain. Ladka bhi apne ghar wapas aa jata hain. Ladka apna shadi bahut hi
dhum dham se karta hain. Par samay ke sath sath wo ek amir ladka se garib ho
jata hain. Itna garib ho jata hain ki phir se bakri charane lagta hain.
