Ped Wali Chudail , Chudail Ki Kahani.
Kabhi kabhi bhoot pret ya chudail aise jagah dikh jate
hain. Jaha par unke hone ka andaja koi laga hi nahi sakta hain. Koi soch bhi
nahi dakta hain ki is jagah par bhoot pret kabhi kisi ko dikh sakte hain. Par
aise jagah bhi wo apne maujudgi ka ehsaas dila hi dete hain. Raat me ya akele
me bahut der tak koi aise jagah par rukta hain.
Kabhi is baat ka bhanak tak nahi lagta hain ki is
jagah par koi hain. Par achanak se koi aisa halchal jo ye sabit kar de ki yaha
par kuchh hain. Kisi ki maujudgi ka saaf saaf pata chal jaye. To us jagah se
darr lagne lagta hain. Jo kabhi hua nahi aur achanak se ho jaye. Main manti
hoon ki bhoot pret hote hain aur unki maujudgi ka ehsaas bhi hota hain.
Main ek chudail dekhi thi. Jiske bare me aaj yaha likh
rahi hoon. Main jyada padhi likhi nahi hoon. Mera shadi ho chuka hain aur main
ek house wife hoon. Matlan ghar me rah kar khana banana aur ghar ka dekh bhal
karna. Maine ek baar chudail ko dekhi thi. Wo bhi bahut samne se.
Aaj bhi mujhe wo raat yaad hain. Jis raat ke bare me
jab bhi main sochti hoon. To darr jati hoon. Bahut pahle ki baat hain. Us samay
hamari shadi ka lagbhag ek saal hi bita tha. Mera koi bachcha bhi nahi tha.
Main apne pati ke sath ek quarter me rahti hoon. Jo ki company ke taraf se diya
gaya hain. Mere pati ek private company me kaam karte hain.
Us company me bahut se log kaam karte hain. Jinhe
rahne ke liye private quarter diya gaya hain. Aaj bhi main isi ghar me rahti
hoon. Par achanak se ek raat main apne ghar ke bahar ek chudail ko dekhi thi.
Wo ek aurat ka roop bana kar mere ghar ke bahar khadi thi.
Aksar mera pati sham ke samay duty se apne ghar wapas
aa jate hain. Par ek raat unke aane me der ho gai. Mere pati kabhi bhi der tak
duty nahi karte the. General shift me kaam karte hain. Jis karan subah aath
baje duty jate hain aur sham ke panch baje ghar wapas aa jate hain. Par ek din
aisa nahi hua. Duty to gaye par bahut der ke baad wapas aaye.
Sham ke panch baje wapas aane wale aadhi raat ke samay
wapas aaye. Main ghar me akele thi. Jab unke wapas aane ka samay hua. Tab se hi
main unka intejar karne lagi. Sham dhire dhire raat me badal gaya. Baar baar
main apne ghar se bahar ki taraf dekhte rahi. Par mere pati ka koi ata pata
nahi tha. Raat ka khana banai aur phir se unka intejar karne lagi.
Kabhi ghar ke bahar ke taraf dekhti to kabhi apne ghar
me tange ghadi ke taraf. Raat ka dus bhi baj gaye. Mujhe unki bahut chinta hone
lagi. Rah rah kar ajib ajib khayal aane lage. Aaj tak kabhi aisa nahi hua ki
unke aane me itna der ho jaye. Apne sahi samay par ghar wapas aa jate the. Par
nahi pata unhe aaj kya hua. Jo itna der ho gaya. Main yahi chinta me thi.
Raat bhi bit rahi thi. Ghadi ka sui dhire dhire gyarah
se barah baje tak chala gaya. Aadhi raat bhi chuka tha. Main bahut hi jyada
chinta me thi. Par jab raat ka barah baja to. Achanak se main kya dekhti hoon
ki. Thik mere ghar ke aage ek aam ka ped hain. Wo aam ka ped bahut hi purana
hain.
Us aam ke ped se ek aurat nikli jo ki bilkul safed
rang ka saadi pahne hui thi. Jab main us aurat ko dekhi to mujhe bishwash hi
nahi hua ki itni raat gaye yaha se koun aurat nikal sakti hain. Mai us aurat ko
dekh rahi thi. Wo mere jaan pahchan ki aurat nahi lag rahi thi. Bilkul safed
rang ka saadi.
Us par mere ghar ke samne jal rahe street light se wo
mujhe saaf dikh rahi thi. Lambi si aurat aam ke ped se nikli aur aage sadak ke
taraf chale gai. Wo aurat payal pahne hue thi. Uski payal ki aawaj saaf sunai
de rahi thi. Aage sadak ke taraf gai aur uske sath payal ki aawaj bhi kam hote
hote. Andhere me kaha gum ho gai.
Main apne ghar ka ghadi dekhi us waqt raat ke ek baj
rahe the. Mujhe kuchh samajh me nahi aa raha tha. Ki ek aurat raat ke itne baje
mere ghar ke bahar jo aam ka ped tha. Us me se kaise nikli. Main roj apne aas
paas ki auraton ke sath baat karti hoon. Lagbhag us jagah ke sabhi auraton ko
pahchanti hoon.
Par achanak se aadhi raat ke samay ye aurat kaha se aa
gai. Wo aurat ja chuki thi par main uske bare me soch rahi thi. Tabhi mere
kaano me phir se payal ki aawaj takrane lagi. Aisa laga ki wo aurat phir se
wapas aa rahi hain.
Main to apne ghar ke khirki ke paas baith kar apne
pati ke aane ka intejar kar rahi thi. Par payal ka aawaj phir se tej ho gaya.
Dhire dhire wo aurat mere ghar ke aage aa gai. Ab tak na to usne mera chehra
dekha tha aur na hi maine uska chehra dekha tha. Ghar ke andar ka light bhi
bujha hua tha.
Wahi bahar se jo light ghar ke andar aa raha tha. Us
se hi thoda ujala phila hua tha. Wo aurat lamba kad ki thi. Bilkul safed rang
ka saadi pahne hui thi. Aurat mere ghar ke aage jo chabutra tha waha baith gai.
Jab wo waha baithi tab ja kar mai uska chehra dekh
paai. Uska chehra dekhte hi main darr gai. Wo hakikat me koi aurat nahi balki
ek chudail thi. Uska chehra bahut hi darawana tha. Bilkul kaala rang ka chehra.
Aankhon ke bich ka ghirni gayab tha.
Aankh to bilkul safed the. Mano uski aankhe jal rahi
ho. Main apne khirki se bahar use dekh rahi thi. Mujhe to aisa laga ki mano wo
bhi mujhe dekh rahi ho. Darr se mera pura badan thar thar kanpne laga. Mujhe to
yakin hi nahi ho raha tha ki jis jagah main roj sham ke samay baigh kar. Anya
colony ke auraton se baat karti hoon.
Us jagah koi chudail bhi ho sakti hain. Utne dino se
mai rah rahi thi. Par kabhi bhi kisi chudail ko nahi dekhi. Par achanak us raat
mujhe wo dikh gai. Mujhe to aisa laga ki wo mere taraf dekh rahi hain. Ek took
lagatar wo meri taraf dekhe ja rahi thi.
Main turant apne khirki ke ek kone me chhup gai aur
chhup kar use dekhne lagi. Mujhe darr tha ki kahi wo chudail mere ghar ke andar
na aa jaye. Main ghar me akeli thi aur bahut darr rahi thi. Raat bhi bahut ho
chuki thi. Maine dekha ki chudail apne jagah se uthi aur dhire dhire aam ke ped
ke paas aai.
Uske baad aam ke ped se chipak gai. Phir nahi pata
kaha gayab ho gai. Khirki ke bahar ujala hone laga. Mujhe laga ki koi bike se
aa raha hain. Tabhi bike mere ghar ke aage ruka. Mere pati raat ke do baje duty
se wapas aaye. Unhe dekh kar mere jaan me jaan aai.
Main to bahut darr chuki thi. Turant apne ghar ka
darwaja kholi. Jab mere pati ghar ke andar aaye to main un se lipat kar rone
lagi. Kabhi itna der nahi hota tha. Par aaj itna der kaise ho gaya. Main apne
pati se puchhi.
To mere pati ne kaha ki aaj company me kaam ka load
jyada ho gaya tha. Is liye der ho gaya. Mujhe unki chinta bhi thi aur chudail
ka darr bhi. Mere pati ne kaha ki aaj ke baad kabhi bhi itna der nahi hoga.
Unhone mujhe bishwash dilaya.
Us samay se le kar aaj tak main usi ghar me rahti
hoon. Ab to mere bachchhe bhi bade ho gaye hain. Par aaj tak us raat ke baad
kabhi bhi chudail ko nahi dekhi. Kabhi kabhi to khud par bishwash kar pana bhi
muskil ho jata hain.
