Rajkumar Aur Chudail Ki Shadi , Chudail Ki Kahani

Rajkumar Aur Chudail Ki Shadi , Chudail Ki Kahani.

Kisi rajya me ek raja raha karta tha. Raja bahut hi nek dil aur paropkari tha. Us raja ke do bete the. Ek ka naam hem aur dusre ka naam raaj tha. Hem bada tha aur raaj chhota tha. Dono bhaiyon me bahut hi prem tha.

We dono ek achchhe yodha hone ke sath sath achchhe nayak bhi the. Jaha bhi jate ek sath jate. Raaj dimag ka bahut tej tha. Uski chaturai pure rajya me phaili hui thi. Har koi kisi baat ka salah maswara lene ke liye raaj ke paas aata tha. Hem yudh me bahut nipun tha. Ek bahut hi sahsi aur nidar yodha tha. Jungle me kabhi kabhi akele shikar par nikal jata aur shikar kar ke lata. Aksar dono bhai ek sath shikar par nikalte the.

Dono bhai hi nahi baki ek dusre ke achchhe dost bhi the. Jaha bhi jate ek sath jate. Rajya aur praja un se bahut khush thi. Ek baar ki baat hain. Hem shikar par nikla. Uske sath bahut se sainik bhi the jo hem ke shikar karne me madad kar rahe the. Hem ek rajkumar tha aur behad nidar bhi tha. Jungle me sikar karne ke kram me use ek hiran dikha. Rajkumar socha ki aaj is hiran ka sikar kiya jaye.

Ye soch kar wo hiran ke pichhe apna ghoda daura diya. Hiran ko bhi bhanak lag gaya ki koi shikari uske pichhe pada hain. Hiran tej raftar se bich jungle ki taraf daurna shuru kar diya. Rajkumar bhi apna ghoda us hiran ke pichhe laga diya. Hiran daurte daurte jungle ke bich pahuch gai. Rajkumar hiran ka pichha karne me itna magan ho gaya. Ki use khayal hi nahi para ki wo apne sainikon ke sath aaya hain.

Hem rajkumar ka sainik bahut pichhe chhut gaye. Rajkumar akele hi hiran ke pichhe pad gaya. Rajkumar akela tha aur bich jungle me pahuch gaya. Par nahi pata kab hiran rajkumar ko chakma de kar aankhon se ojhal ho gai. Pata hi nahi chala. Rajkumar akela pad gaya. Jab rajkumar akela jungle ke bicho bich pahucha.

To use kahi se ladkiyon ke bolne ki aawaj suni. Aisa laga ki kuchh ladki aapas me baaten kar rahi hain. Aur hassi majak kar rahi hain. Un ladkiyon ki aawaj saaf pata chal raha tha. Jab rajkumar ne un ladkiyon ki aawaj suna. To wo bhi soch me pad gaya.

Rajkumar socha ki itne ghane jungle me. Wo bhi bich jungle me ye ladkiyon ki aawaj kaha se aa rahi hain. Jab ki aas paas koi dikh nahi raha hain. Ye aawaj kis ki hain. Rajkumar aawaj ki taraf badhne laga. Jaise hi kuchh dur badha. To dekhta hain ki kuchh ladkiyan. Ek ped me jhula daal kar jhula jhul rahi hain aur aapas me hasi majak kar rahi hain. Kabhi ek dusre se baat karti to kabhi aapas me hasi majak karti.

Rajkumar un ladkiyon ke paas pahucha aur bola ki aap koun hain. Aur yaha kya kar rahe ho. To ladkiyan boli ki ham saat bahan hain aur isi bich jungle me rahte hain. Phir ladkiyan boli ki aap koun hain aur itne ghane jungle me kya kar rahe ho. To rajkumar bola main ek rajkumar hoon aur shikar khelne ke liye jungle me aaya tha. Par ek hiran ka pichha karte karte bich jungle me pahuch gaya.

Ladkiyan boli ki aap ek rajkumar hain. Aur hamare ghar aaye hain. To aap hamare mehman hue. Ham sabhi apne mehman ka bahut aadar karte hain. Aap ko hamare ghar chalna hoga. Ham sabhi apne haathon se achchha achchha khana bana kar aap ko khilayenge. Rajkumar bola ki nahi aaj bahut der ho gai. Phir kabhi main aap ke ghar jaunga. Par wo ladkiyan zidd karne lagi ki aap bina khaye kaise ja sakte hain. Aap ek rajkumar hain aur hamare ghar aaye hain.

Aap ko bina khilaye to ham jane nahi denge. Rajkumar kumar bahut baar bola ki nahi ab mujhe yaha se jana chahiye. Par ladkiyan apne hi zidd me thi. Wastav me wo saat ladkiyan koi mamuli ladkiyan nahi thi. Balki ek chudailon ka jhund thi. Wo saaton aapas me bahan thi. Ab rajkumar un ladkiyon ke bolne par biwas ho gaya. Aur un sabhi ke ghar jane ke liye raji ho gaya. Saaton chudail rajkumar ko le kar chal di. Kuchh dur chalte chalte ek dimak chiti ka bil mila. Ladkiyan boli ki ye hi hamara ghar hain.

Ham saaton isi chiti ke bil me rahte hain. Rajkumar bola ki is ke andar jane ka to koi rasta nahi hain. Ham is dimak chiti ke bil me kaise jayenge. To chudail boli ki hame jadu aata hain. Ham kisi bhi chij ko itna chhota kar sakte hain. Ki aasani se is bil ke andar ja sakte hain. Chudail rajkumar par jadu ki jis se rajkumar itna chhota ho gaya. Ki aasani se chiti ke bil me sama gaya. Bahar se dekhne me wo ek chiti ka bil lag raha tha.

Par andar me kisi mahal se kam nahi tha. Rajkumar ab chudailon ke ghar pahuch chuka tha. Waha pahuch kar saaton chudail rajkumar ka sewa karne lagi. Achchhe achchhe phal. Badhiya khana le kar aai. Rajkumar Kumar un sabhi ko khaya aur wapas jane ke liye bola. To chudail boli ki ek baar jo hamare ghar ke andar aa jata hain. Wo kabhi bhi wapas nahi jata hain. Agar wapas jana ho to hamara ek sart manana padta hain.

Rajkumar bola ki koun sa sart. To chudail boli ki aap ko ham sabhi me se kisi ek se shadi karna padega. Aap ko jo pasand hain. Aap us se shadi kar sakte hain. Bina shadi kiye aap yaha se wapas nahi ja sakte hain. Aap ko kisi na kisi se shadi karni hi padegi. Ab rajkumar bhi soch me pad gaya ki ye kaisi bidambna hain. Agar mujhe yaha se jana hain to kisi na kisi se shadi karni hi padegi.

Saat bahan me se chha bahut hi khubsuart thi. Par jo sab se chhoti thi. Wo bahut hi badsurat thi. Uska chehra bhi achchha nahi tha. Bilkul kaale rang ka. Naak se neta bah raha tha. Bilkul badsurat lag rahi thi. Par jo sab se badi thi. Wo sabhi se jyada khubsurat thi. Rajkumar socha ki in saaton me sab se jyada khubsurat to badi wali hain.

Kyu na badi wali se hi shadi kar liya jaye. Ye soch kar wo bola ki thik hain. Main shadi karne ke liye tayyar hoon. Par aap saaton me se main badi wali se shadi karunga. Ab sabhi chudail bhi tayyar ho gai ki thik hain. Aap sab se badi wali se hi sadi kar ligiye. Par ab rajkumar un chha chudailon ke riste me jija laga. Aur aksar saaliya apne jija se majak karti hain. Is liye ab chhaon chudail rajkumar ke sath majak karna shuru kar di.

Jija ji kah kar rajkumar ke sharir me gudgudi karne lagi. Rajukar apni saalion ke chher chhar se pareshan ho gaya. Ab to wo ghar bhi wapas nahi ja sakta tha. Chudail us se itna majak karne lagi ki rajkumar pagal ki tarah ho gaya. Ab use kuchh bhi nahi sujh raha tha. Chudail rajkumar ko apne kaid me kar li. Aur bahut majak karne lagi. Kuchh din bit gaya. Rajmahal me sabhi koi pareshan ho gaye.

Ki aakhir kaar hem gaya to kaha gaya. Pure shahar aur jungle me sainik talash me jut gaye. Par kahi bhi rajkumar ka pata nahi chal raha tha. Sabhi ko shaq ho gaya ki rajkumar kahi kisi janwar ka shikar to nahi ho gaya. Raaj bhi apne bhai ke khoj me jut gaya. Jab raaj ko pata chala ki hem kisi hiran ka pichha karte hue. Ghane jungle ki taraf gaya hain. To wo bhi ghane jungle ki taraf chala gaya.

Apne bhai ko bich jungle me khojne laga. Jab raaj bich jungle me pahucha to usne bhi chudailon ki aawaj suni. Use bhi aisa laga ki yaha par kuchh ladkiyan hain. Jo aapas me khel rahi hain aur hasi majak kar rahi hain. Raaj un chudailon ke paas gaya. Chudail use dekhi to boli ki aap is ghane jungle me kya kar rahe hain.

To raaj bola ki main yaha shikar karne aaya hoon. Chudail raaj ko apne jaal me phasa kar apne ghar le gai. Par raaj ek chalak aur nirnay karne wala ladka tha. Un chudailon ko dekh kar jaan gaya ki. Mere bhai ke gayab hone ke pichhe jarur in sabhi ka hi koi haath hoga. Raaj chudailon ke ghar pahuch chuka tha. Chudail uska bahut hi aadar ki. Raaj ko achchha achchha khana khilai. Jab raaj bola ki main yaha se wapas ja raha hoon.

To chudail boli ki tum ham saaton me se kisi ek se shadi kiye bina nahi ja sakte ho. Tumhe ham saaton me se kisi ek se shadi karna hi padega. Ab raaj bhi soch me pad gaya ki main kaise in saaton me se kisi ek se shadi kar lu. Par chudail use dhamkane lagi aur boli ki yaha se wapas jane ka sirf ek hi upay hain.

Tumhe ham saaton me se kisi ek se shadi karna hi padega. Ab raaj bahut hi gahri soch me pad gaya. Ki ab kare to kya kare. Usne sabhi chudailon ko dekha. Badi wali sab se jyada khubsuart thi. Aur jo sab se chhoti thi. Wo sab se jyada badsurat thi. Raaj kuchh der tak socha aur bola ki main to sab se chhoti wali se shadi karunga. Chudail boli ki ye to sab se jyada badsurat hain.

Ek baar soch lo to raaj bola ki maine soch liya. Agar shadi karunga to sab se chhoti wali se hi shadi kaunga. Jab sabhi chudail ko ye pata chal gaya ki raaj chhoti wali se shadi karna chah raha hain. To sabhi chudail sharm se apna chehra chhupane lagi. Kyu ki ab sabhi chudailon ke riste me raaj bhsuar lagenge. Aur koi bhi apne bhsur se majak nahi karta hain.

Isliye sabhi chudail apna chehra chhupate hue waha se bhagi. Rajkumar mahal ke charon taraf ab apne bhai ko khojne laga.

Uska bhai mahal me bane hue kaidkhane me the. Raaj apne bhai hem ko le kar waha se bhaga. Aur sidhe rajmahal me chala aaya. Raaj ki chaturai aur tej dimag ne apne bhai ko chudailon ke kabje se aajaz kar diya. Phir se dono rajkumar ek ho gaye.