Rani Pokhar , Horror Story

Rani Pokhar ,  Horror Story.

Rani pokhar - jaisa ki naam se hi pata chalta hain ki ek aisa pokhar jo ki rani ka ho. Bhoot , pret se sambandhit bahut si kahaniya suni aur sunai jati hain. Rani pokhar bhi ek aisa hi bhootaha kahani.

Jis jagah par aaj bhi rani maa ki aatma bhatakti hain. Rani maa jo sabhi ka dukh dard me kaam aati thi. Rani maa apne praja ka aaj bhi khyal rakhti hain.

Bahut pahle ki baat hain. Rani pokhar ek sadharan sa pokhar hua karta tha. Koi us pokhar ke divya shakti ke bare me parichit nahi tha. Ek baar ki baat hain. Ek aurat bahut hi udash mann se rani pokhar ke paas baithi hui thi. Us aurat ko apni beti ka shadi karni thi. Par wo itna garib thi ki uske paas paise ka bahut abhao tha.

Wo aurat talab ke kinare aa kar rone lagi. Wo aurat bahut udash thi aur roye ja rahi thi. Tabhi us aurat ke rone ki aawaz sun kar talab se ek aurat nikli. Wo aurat itni khubsuart thi ki mano kisi afsara se kam nahi ho. Uska vesh bhusha bilkul rani ki tarah tha. Talab se nikal kar rani maa us rote hue aurat ke paas aai. Pahle to wo aurat rani maa ko dekh kar darr gai. Par jab rani maa bahut hi pyar se boli ki tumhara kast kya hain aur tum ro kyu rahi ho. To us aurat ka thoda hausla badha usne puchha ki aap koun hain. To rani maa boli ki main kabhi is rajya ki rani hua karti thi.

Meri janta mujhe rani maa kaha karti thi. Main rani maa hoon aur is talab me hi raha karti hoon. To wo aurat apna dukhra rani maa ko sunai us ne kaha ki rani maa. Main ek dukhiyari aurat hoon. Main bahut hi garib hoon. Mere ghar me meri ek beti hain. Jiski shadi ka umr bitata chala ja raha hain. Par mere paas itna paisa nahi hain ki main apni beti ka shadi kar saku. Mujhe barabar chinta samaye ja raha hain ki main apni beti ka shadi kaise karu. Agar main apne man ko halka karne ke liye ghar me roti hoon. ghar me sabhi ko pata chal jayega.

Mere is dukh ke karan wo sabhi bhi dukhi ho jayenhe. Isliye main apne mann ko halka karne ke liye is ekant jagah pe aa kar ro rahi hoon. Rani maa jiske dil me bahut hi sewa ka bhawna tha. Wo us aurat se boli ki isme rone ki koi baat nahi hain. Tum kal subah talab ke paas aana aur tumhe isi jagah talab ke kinere kuchh saman milenge. Jo tumhare upyog ka ho use rakh lena aur jo tumhare upyog ka na ho use wapas kar dena. Itna kah kar rani maa us aurat ke paas se wapas talab ke taraf badhi. Aur talab ke andar chale gai.

Bahut hi dukhi mann se wo aurat rani maa ko talab ke andar jate hue dekhte rahi. Kuchh hi chhan ke andar rani maa talab ke andar gayab ho gai. Wo aurat darr bhi gai thi. Kuchh soch nahi pa rahi thi ki jo usne apne aankhon se dekha hain wo sach hain ya jhuth. Wo aurat bhi waha se uth kar apne ghar chale aai. Phir jaisa ki rani maa subah subah hi talab ke paas aane ke liye boli thi. Wo aurat subah subah hi talab ke paas pahuch gai.

Jab wo talab ke paas pahuchi to use khud par bharosha kar pana bahut muskil ho gaya. Kyu ki usne dekha ki talab ke kinare bahut se bartan rakhe hue the. Aur un bartan ke andar sona chandi rakha hua tha. Ab to us aurat ke khushi ka koi thikana nahi raha. Wo un bartan ko le kar apne ghar chale aai.

Ab apni beti ke liye ek ladka khojne lagi. Bahut hi jyald use ek achchha ladka bhi mil gaya. Apni beti ka shadi dhoom dham se kar di. Jo bartan barati ko khilane aur khana banane ke liye mila tha. Wo aurat un bartano ko achchhi tarah se dho kar talab ke kinare rakh di. Is baat ka charcha bahut hi jyaldi pure gaon me hawa ki tarah phail gaya. Sabhi koi jaan gaye ki rani maa ki aatma gaon ke talab me rahti hain. Jab apne praja ka dekh rekh karti hain. Ab gaon me kisi ko bhi apni beti ka shadi ya phir koi dusra kaam karna rahta. To wo talab ke paas ja kar mannat mangta aur subah subah ja kar talab ke paas dekhta. To use waha par bahut se bartan milte.

Gaon walen bartan le kar apne ghar chale aate. Aur phir jab unka kaam ho jata to bartan ko dho kar sham ke samay talab ke paas rakh dete. Subah subah bartan wahan se gayab milta. Jis se gaon wale samajh jate ki rani maa bartan ko le kar talab ke andar chale gai hain. Sab kuchh achchha chal raha tha. Rani maa gaon walon ka madad bhi kar rahi thi. Gaon me kisi ko koi kast rahta to wo rani maa se fariyad karta aur uska kast dur ho jata. Par bahut dino ke baad ek ghatna ghata jis se rani maa naraz ho gai.

Ek baar aise hi gaon ka ek adami rani pokhar ke paas aa kar fariyad kiya. Ki rani maa meri beti ka shadi ho jaye. Main bahut garib hoon shadi ka kharch nahi juta paunga. Wo fariyad mang kar wapas apne ghar chala gaya. Jab subah subah aaya to dekha ki bahut se bartan aur sone chandi talab ke kinare rakha hua hain. Wo un sabhi ko le kar ghar chala aaya. Apni beti ka shadi bhi bahut dhum dham se kar diya. Par jab shadi khatm ho gaya to jutha bartan ko le ja kar talab ke kinare rakh diya. Jab wo un bina dhoye hue bartan ko talab ke paas rakha. To gaon walon ne use mana kiya. Ki abhi in bartano ko yahan mat rakho pahle ise achchhi tarah se dho do.

Par wo adami baat nahi maana aur jutha bartan ko hi talab ke kinare rakh kar chala aaya. Raat bhar wo sabhi bartan talab ke paas hi rakha hua rah gaya. Par rani maa un bartano ko le kar talab ke andar nahi gai. Subah jab gaon wale dekha ki bartan talab ke andar nahi gaya hain. To we sabhi phir se us aadmi se bole ki in sabhi bartan ko dho do. Par wo adami phir se baat nahi mana aur bartano ko nahi dhoya. Bahut dino tak bartan talab ke kinare hi rakha hua mila.

Ek din kuchh aadmiyon ne dekha ki dopahar ke samay. Ek aurat talab ke kinare un bartano ko dho rahi hain. Kisi ko samajh me nahi aaya ki ye aurat koun hain aur in bartano ko kyu dho rahi hain. Bartan dhoya hua ho chuka tha. Jab subah gaon walon ne dekha ki bartan apne jagah se gayab ho chuke hain. Matlab rani maa bartan ko le kar talab ke andar ja chuki thi. Gaon walon ko laga ki rani maa ko bartan dhoya hua mila. Jis wajah se rani maa bartan le kar talab ke andar chale gai hain.

Par is ghatna ke baad ek ghatna aur ghata. Ab koi bhi fariyadi rani pokhar ke paas aa kar fariyad karta to uski fariyad puri nahi hoti. Gaon walon ne ye baat ek dusre se bataya tab pata chala ki. Us waqt jo aurat bartan dho rahi thi wo koi aur nahi balki khud rani maa thi. Jo un juthe bartan ko dho kar saaf kar rahi thi. Gaon walon ne us adami ko bhi bahut data. Ki tum ne bina bartan dhoye use rani pokhar me rakh diya. Jise rani maa khud dho kar talab ke andar le gai. Gaon walon ko bahut afsoos hua. Kyu ki is ghatna ke baad rani maa logon ki sewa karna band kar di. Us samay ke baad se koi bhi jata to rani maa uski mannat pura nahi karti. Rani maa gaon walon par bahut naraz ho chuki thi.

Par gaon wale bahut dino tak us talab ke paas ja kar fariyad karte rahe. Gaon wale us talab ko ab rani pokhar ke naam se puarte hain. Ek aisa pokhar jo rani maa ka ho. Ab bhi gaon wale us pokhar ka adar karte hain. Unhe ab bhi ummid hain ki rani maa ka gussa jab shant ho jayega. To wo apne praja ki sewa ke liye talab se bahar niklegi aur gaon walon ka dukh dur karegi.