Shamshan Ghat Ka Bhoot , Bhootaha Kahani

Shamshan Ghat Ka Bhoot , Bhootaha Kahani.

Din ho ya raat jab koi shamshan ghat ke bare me sochta hain. To darr jarur jata hain. Shamshan ghat ek aisa jagah hain. Jaha par koi bhi insaan apna zindagi ka safar khatm kar deta hain. Matlab ki wo aakhiri manjil hain. Jahan insaan jal kar raakh ban jata hain aur wahi rakh mitti me mil jata hain.

Zindagi ka kya hain ye to sirf ek paheli hain. Jise aaj tak na to koi samajh paya hain. Aur na to koi samajh payega. Marne wala insaan marr jata hain. Par apne pichhe bahut si yaaden chhod jata hain. Kuchh din tak log use yaad karte hain. Phir uske baad naam tak bhool jate hain. Insaan apne sharir par kitna ghamand karta hain.

Ye to wahi janta hoga. Par ye mitti aakhir mitti hi ban jata hain. Koi nahi janta hain uske sath kal kya hoga. Hasta khelta zindagi kabhi bhi insaan ka sath chhod sakta hain. Ek pal me hi koi marr bhi sakta hain. Insaan sab kuchh janta hain. Phir bhi apne sharir se prem karta hain.

Ye sharir kabhi bhi dhokha de sakti hain. Insaan ka aatma hi hain jo kabhi marr nahi sakta hain. Par insaan apne swarth ke liye aatma ko kast pahuchata hain. Par iska ehsaas us waqt hota hain. Jab koi insaan marne wala hota hain. Jab insaan ko pata chal jata hain ki ab uske zindagi ka safar aakhuri mukam par hain.

Par us waqt pachhtane se kya fayada. Marne wala insaan yahi sochta hain ki thodi zindagi aur baki rahti. To kuchh puny kar leta. Marne wale insaan ka aatma us par hawi ho jata hain. Aur insaan apne bure kaam par sirf pachhtawa karta hua marr jata hain. Par aatma ko shanti yaha bhi nahi milti han. Asli khel to marne ke baad shuru hota hain.

Jab insaan apne kiye par pachhtata hain. Insaan ki aatma do tarah ke hote hain. Ek achchhe aatma ka roop le kar anant kal tak shukh bhogta hain. Aur dusra dust aatma jo anant kal tak sirf dukh hi dukh bhogta hain. Insaan ka sharir hi aatma ke nirman me kargar hain. Jab tak insaan jinda hain. Tab tak hi apne aatma ko takatwar bana sakta hain.

Jo insaan apne zinda rahte bhar me apne aatma ko takatwar nahi bana pate hain. Wo kast ke bhagi hote hain. Unhe kast hi kast milta hain. Apne sahi kaam aur ishwar ka marg hi aatma ko takatwar bana sakta hain. Jo marne ke baad bhi marr nahi sakta hain. Unki aatma kisi ke bhi madad ke liye hamesha tayyar rahti hain.

Wo sab se jyada takatwar aur budhimaan ban jata hain. Jiski ichchha hamesha duaron ki madad karne ki hoti hain. Wo insaan marr kar bhi uski aatma dusron ki madad hi karte rahti hain. Log uske bhala insaan ki aatma kahte hain. Log uski upasana bhi karte hain. Kisi jiwit insaan par hi nirbhar hai. Ki log use kis tarah se yaad kare aur marne ke baad wo kaha jana chahta hain.

Mera naam raju hain main jharkhand ka rahne wala hoon. Main aaj ek aap biti ghatna yaha likh raha hoon. Jo ki bilkul sachi kahani hain. Ye ghatna mere sath bita hain jise main achchhi tarah janta hoon. Us waqt main bahut chhota tha. Ham teen bhai hain. Do bhai mujh se bada hain aur main sab se chhota hoon. Mera do bhai bhi us waqt jyada bade nahi the. Ek baar ki baat hain.

Mere kisi rishtedar ke yaha shadi tha. Ham teeno bhai bhi waha gaye hue the. Mere mata pita bhi waha gaye the. Par main waha so gaya. Raat jyada ho chuka tha mujhe nind aa gai aur main shadi ghar me hi so gaya. Mere mata pita mujhe waha hi chhod diye.

Mera do bhai bhi shadi ghar me rah gaye. Meri maa aur pita wapas apne ghar aa gaye. Unhone mere bhai se bhi bola tha ki ghar chalo par we sabhi apne khel me itne waysth the. Isliye ghar wapas aane se saaf mana kar diye aur bole ki main yaha raju ka dhyan rakhunga. Mere maa pita bhi apne ghar wapas aa gaye.

Par aadhi raat ke baad sabhi bachche so gaye. Jise jaha jagah mila we wahi so gaye. Charon taraf khamoshi chha gai. Jo jage the wo apne kaam me lage hue the. Par din bhar ka thaka hara sab so chuke the. Main to pahle se hi soya hua tha. Par aadhi raat ke baad mera nind toot gaya.

Main apne bhai ke paas gaya aur bola ki bhaiya mujhe ghar jana hain. Par mera bhai mujhe samjhate hue bola ki kal subah chalenge. Par main rone laga aur ghar jane ka jidd karne laga. Mera ghar waha se thoda dur tha. Mera bhai bola ki itni raat gaye abhi jana sahi nahi hoga.

Par main to ghar jane ka jidd kar baitha tha aur roye ja raha tha. Mera bhai bola ki thik hain abhi ghar chalte hain. Hamne kisi ko kuchh bhi nahi bataya aur apne ghar ke taraf chal diya. Mujhe ab tak wo raat yaad hain. Charo tarah andhere tha us raat kutte bahut bhok rahe the.

Ghar jane ke rasta me ek talab padta tha. Jaha par laash jalaya jata tha. Wo ek shamshan ghat tha. Ham sabhi ko usi shamshan ghat wale raste se hote hue apne ghar jana tha. Din ke samay bhi kabhi ham shamshan ghat wale raste se nahi gujrte the. Par us raat udhar se jana majburi ban chuka tha. Hame bahut darr bhi lag raha tha.

Kisi tarah darte hue shamshan ghat se kuchh aage badhe. Tabhi hamne dekha ki aage se teen aadmi aa rahe hain. Teeno aadmi hamari hi taraf badh rahe the aur ham unki taraf. Us raat kutte bahut bhok rahe the. Aisa lag raha tha ki kuchh anhoni ghatna hone wali hain. Kuchh der ke baad wo teeno aadmi ham tak pahuch gaya. Darr se ham kaapne lage.

Tabhi un teeno aadmi me se ek aadmi hamare paas aaya aur mere ek bhai ke kandhe par apna haath rakh kar bola. Bachchon tum teeno itni raat gaye kaha ja rahe ho. Tab mera bhai ghabrate hue bola ki bhaiya ham apne ghar ja rahe hain. Yaha shadi me aaye the. Par achanak aadhi raat ko mera bhai rone laga aur ghar jane ki jidd karne laga.

To wo aadmi bola ki kabhi bhi raat ke samay ghar se bahar mat nikalna achchha hua jo mujhe mil gaye. Nahi to yaha aur bhi koi ghumte hai. Agar unki najar me aa gaye to zinda nahi bachoge. Thik hain sambhal kar jana. Tum sabhi ko kuchh nahi hoga. Itna kah kar wo aadmi mere bhai ke kandhe par se apna hath hataya aur apne raste chal diya.

Ham teeno bhi aage ki taraf badh gaye. Par jaise hi main pichhe mud kar dekha to waha koi bhi nahi tha. Charon taraf sannata hi sannata pasra hua tha. Nahi pata teeno aadmi kaha gayab ho gaye. Main apne bhai se bola bhaiya pichhe to koi bhi nahi hain. Teeno kaha gayab ho gaye. Mere bhai bhi pichhe mud kar dekhe aur darr gaye. Jo aadmi abhi abhi hame dikha achanak se kaha gayab ho gaya.

Ham teeno bahut darr gaye. Mera bhai ham se bola chal ab yaha se bhagte hain. Wo teeno koi aadmi nahi balki bhoot hain. Ham bhoot bhoot chillate hue waha se bhagna shuru kar diye. Kutte bahut bhok rahe the. Daurte hue apne ghar pahuche aur ghar ka darwaja khat khatay.

Meri maa darwaja kholi aur hame dekh kar tang rah gai. Hamne sara baat apne maa ko bataya. Wo bhi hamare upar bahut gussa ho gai. Aur boli ki kabhi bhi us raste se aana jana mat karna. Kismat achchha tha jo achchha bhoot raste me mila tha. Agar koi kharab bhoot mil jata to hame talab me dubo kar maar deta.