Tantrik Aur Chudail Ki Shadi , Chudel Ki Kahani.
Bahut pahle ki
baat hain. Kisi gaon me ek talab tha. Talab gaon se thoda hi duri par ek
sunsaan jagah par tha. Jaha par bahut hi kam log aana jana karte the. Gaon ka
talab bahut hi darawana tha. Log talab ke naam se hi darte the. Kyuki talab me
ek chudail rahti thi. Gaon ke log talab ke paas jane se bhi darte the.
Garmi ke mausam me
jab tej dhoop rahta tha. Jab dopahar ka samay hota tha. Charon taraf sannata
chha jane ke baad. Gaon ke log bolte the ki us talab me se ek aurat nikalti
hain. Jo ki ek chudail hain. Wo itna khubsurat hain ki jo koi bhi garmi me
mausam me ghar se bahar nikalta. Aur talab ke taraf chala jata.
To chudail use
isara karti aur talab ke paas aane ko kahti. Jo koi bhi uske khubsurti par
mugdh ho kar talab ke paas jata. Aur us chudail ke bahkawe me phas jata to wo
chudail use le kar talab ke andar dubo deti. Gaon ke bahut se log talab me doob
kar mar chuke the. Us jagah par talab wali chudail ka darr sada bana hua tha.
Koi bhi akele me
talab ke paas nahi jata. Raat ke samay to chudail talab ke sidhiyon me baithi
hui mil jati. Wo chudail bahut hi khatarnak thi. Gaon me hone wale maut ka
jimmedar bhi thi. Gaon me khauff ka mahoul chhaya hua tha. Har koi chudail ke
darr se dara hua tha. Gaon me ek hi talab tha. Talab ka hona bhi bahut jaruri
tha. Agar gaon me talab nahi hota to bahut se kaam nahi ho pate.
Gaon ke log us
talab me nahate the. Apne dainik kaam ke liye talab ka pani upyog me late the.
Par chudail ka darr logo ko talab tak jane se rokta tha. Har koi akele ya phir
raat ke samay talab ke paas nahi jata tha. Ghatnaye aisi thi jo kam hone ka
naam hi nahi le raha tha. Kisi na kisi ka maut talab me dubne ke karan ho hi
jata tha.
Chudail to itna
chalak thi ki jiska koi jawab hi nahi tha. Koi agar use achanak se dekh le to
pata laga pana muskil tha. Ki ye chudail hain ya phir koi khubsurat aurat.
Bahut hi jyada saji sawri hui. Pure badan me gahna mano ki koi nai nabeli
dulhan ho. Pata laga pana namunkin tha ki ye sach me koi chudail hain. Par jab
koi uske chhalawe me aa kar talab tak jata.
Aur us se baat
karne ki koshish karta to wo use apne baaton me phasa leti. Baaton me phasa kar
talab tak le aati. Jis jagah talab bahut hi gahra tha. Wo apne shikar ko phasa
kar waha tak laati aur phir apne roop me aa jati. Uska darawana chehra dekh kar
hi kisi ka hosh udd jata. Par phasa hua aadmi kar bhi kya sakta hain. Chudail
to chudail hoti hain. Wo apne shikar ko le kar pani me utar jati.
Jis se gaon ke
aadmi ka maut talab me dubne se ho jata. Gaon me is baat ka charcha bahut tha.
Waha ke log jante the ki talab ke paas akele jane ka matlab maut hain. Par koi
rahgir bahut hi aasani se uska shikar ban jata. Gaon ke log talab wali chudail
se bahut dare hue the. Bahut ojha muni ko bula kar us chudail se mukti dilane
ka upaye kiya gaya.
Par sabhi upay
bekar sabit ho rahe the. Koi bhi ojha us talab wali chudail ko apne bas me nahi
kar paya. Aise hi khauff bhare mahaul me gaon walon ka din kat raha tha. Ek din
ki baat hain. Gaon me kisi ko pata chala ki bahut hi bada tantrik paas ke gaon
me aaya hua hain. Gaon walon ka thoda hausla badha. Waha ke kuchh log us
tantrik ke paas gaye aur talab wali chudail ke bare me bataya. Ojha ji to pahle
se jante the ki gaon ke talab me ek bahut hi khatarnak chudail hain.
Gaon walon ke
bolne se pahle hi ojha ji bole ki aap sabhi yaha kyu aaye hain. Mujhe achchhi
tarah se pata hain. Us chudail se mukti pana koi aasan baat nahi hain. Gaon
wale tantrik se bahut minnat karne lage ki hame kisi bhi tarah se us chudail se
bacha ligiye. Log tantrik ke samne haath jod kar zidd karne lage.
Bahut der ke baad
ojha ji bole ki thik hain dekhta hoon. Koi upay kar ke jis se talab ki chudail
talab chhod kar kahi chale jaye. Ya phir logo ka jaan lena band kar de. Tantrik
gaon me aane ke liye raji ho gaya. Ek tay samay par tantrik gaon me aaya. Gaon
ke logo ne unka rahne ka achchha intejam bhi kiya. Tantrik subah subah hi gaon
me aa chuka tha. Sab se pahle tantrik ne kaha ki chal kar pahle talab ka muaina
kiya jaye.
Uske baad hi koi
upay lagaya ja sakta hain ki iske baad kya kiya ja sakta hain. Tantrik aur gaon
wale talab ke paas pahuche jaha par gaon walon ne wo jagah bhi bataya. Jaha par
aksar raat ke samay chudail dekhi jati thi. Tantrik talab dekh kar gaon me aa
gaya. Aur bola ki raat ke samay mujhe akele hi talab ke paas jana hain. Mere
sath koi bhi nahi jayega. Mujhe ja kar us chudail ko apne bas me karna hi
padega. Jab aadhi raat hui to tantrik gaon se nikla aur akele hi talab ke paas
chala gaya.
Chandni raat thi.
Dur ka bhi chij saaf najar aa raha tha. Tej chandani raat me tantrik akele hi
talab ke paas pahuch gaya. Jaisa ki gaon wale bole the ki chudail kaha par
rahti hain. Thik usi jagah par tantrik ne dekha ki ek aurat baithi hui hain. Wo
aurat bilkul hi dulhan ke poshak me thi. Bilkul nai nabeli dulhan ki tarah.
Laal shadi ka joda pure badan par gahne hi gahne. Mano kisi dulhan ko sajaya
gaya ho. Tantrik jaan gaya ki ho na ho ye wahi chudail hain.
Jiska charcha gaon
wale karte hain. Jisne gaon me darr ka mahoul bana rakha hain. Tantrik talab ke
ek kone ke paas khada tha. Tabhi chudail ki najar tantrik par pad gai. Chudail
jaan gai ki aaj use phir se koi naya shikar mila hain. Wo tantrik ke taraf
isara ki aur apne paas aane ke liye boli. Tantrik samajh gaya ki chudail ne
khooni ishara kiya hain. Uska maksad kya hain. Tantrik chudail ki taraf badha.
Chudail bhi tantrik ke paas aa gai.
Aa kar boli ki
main kab se yaha par baith kar kisi ka intejar kar rahi thi. Bahut der ke baad
aap aaye hain. Main aap ki har ichchha puri karna chah rahi hoon. Par aap ko
mere sath talab ke us kone par chalna padega. Tantrik pahle hi tantr vidya se
apna sharir bandh chuka tha. Wo uske sath sath talab ke us kone par chal diya.
Tantrik janta tha ki talab ke jis kone ke bare me chudail bol rahi hain.
Waha par talab ki
gahri bahut hi jyada hain. Tantrik waha tak pahuch gaya. Chudail bahut hi
majbuti se tantrik ka hath pakad li aur boli ke chalo mere sath talab me utro.
Par tantrik bola ki abhi nahi mujhe tum se bahut kuchh puchhna hain. To chudail
boli ki mujh se kya puchhna hain. Tantrik bola ki main janana chahta hoon ki
tum koun ho aur is talab ke paas kya karti ho. Chudail boli ki main ek aurat
hoon aur aksar talab ke paas aati hoon. Main samne hi gaon me rahti hoon.
Tantrik bola ki nahi tum koi mamuli aurat nahi ho balki ek chudail ho.
Jo logo ka jaan leti
hai. Chudail samajh gai ki ye aadmi janta hain ki main ek chudail hoon. Uske
baad chudail apne roop me aa gai. Pura jala hua chehra darawani aur safed
aankhe. Dil ko dahla dene wala karkas aawaj. Wo chudail boli ki haan main ek
chudail hoon aur aaj tumhari jaan le kar rahungi. Tantrik to pahle se hi tayyar
tha. Usne kuchh mantron ko padh kar chudail ke upar phook diya. Chudail pura
tilmila gai. Wo to aur bhi gusse me aa gai. Usne kaha ki main jaan gai hoon ki
tum ek tantrik ho.
Par aaj main tumhe
bhi zinda nahi chhodungi. Aaj tumhara bhi jaan le kar rahungi. Wo tantrik ka
hath jor se pakad kar talab ke taraf badhi. Par tantrik bhi koi kachcha nahi
tha. Usne phir se mantron ka uchcharan kar ke chudail ke sharir par phookna
shuru kar diya. Chudail puri tarah se chhatpatane lagi. Tantrik ne use apne bas
me kar kiya. Uske baad tantrik phir se bola ki batao tum koun to aur yaha kya
kar rahi ho.
Pahle to chudail
batane ke liye raji nahi hui. Par tantrik use itna biwas kar diya ki wo sab
kuchh batane ke liye raji ho gai. Chudail boli ki main isi gaon me shadi kar ke
aai thi. Apne aukad ke hisab se mere pita ne dahej diya. Par mere sasural walon
ko aur bhi dahej chahiye tha. Shadi ke pahli raat me hi mere sasural walon ne
aur bhi dahej ke liye mere upar dabao banaya. We bolne lage ki is ghar me tab
tak nahi rah sakti ho. Jab tak aur bhi dahej le kar nahi aaoge.
Par mere mata pita
garib ghar ke the. Wo kaha se itna paisa la pate jitna paison ki unhe jarurat
tha. Main apne pati ko saaf mana kar di ki ab main aur dahej le kar nahi
aaungi. We sabhi itna gussa ho gaye ki mera gardan daba kar mujhe maar diye.
Mujhe maar kar aur mere sharir me bada sa paththar bandh kar isi talab ke
gahrai me dubo diye.
Main marr gai par
meri aatma ko shanti nahi mila. Main ab bhi isi talab ke paas rahti hoon aur
logo se badla lete rahti hoon. Jo koi bhi akele me is talab ke paas aata hain
main use maar deti hoon. Uski baat sun kar tantrik bola ki ab ye khooni khel
khatm kar do. Nahi to main hamesha hamesha ke liye tumhe khatm kar dunga.
Chudail boli ki
aisa nahi ho sakta hain. Mujhe khatm kar pana tumhare bas ki baat nahi hain.
Tantrik bola ki aaj main tumhe khatm kar dunga. Par chudail to chudail hoti
hain. WO tantrik ko jhuka dena chah rahi thi. Baar baar bol rahi thi ki jab tak
main apna adhuri ichchha ko pura nahi kar lungi. Tab tak kisi ko nahi
chhodungi. Main logo ka jaan lete rahungi.
Tantrik bhi uski
takat ke aage biwas ho gaya. Ant me tantrik bola ki agar main tum se shadi kar
lu. To tum logo ko marna band kar dogi. Tantrik ki ye baat sun kar chudail bhi
soch me pad gai. Wo to haan ya na ka jawab hi nahi de pai. Tantrik ne talab
wali chudail se shadi kar li aur use le kar hamesha hamesha ke liye le kar
chala gaya. Uske baad talab ki chudail kabhi najar hi nahi aai.
