Teen Chudail , Chudail Ki Kahani

 Teen Chudail , Chudail Ki Kahani.

Ye kahani teen chudail ki hain. Jise maine raste me dekha tha. Log bhoot pret par bishwash kare ya na kare. Par main karta hoon. Maine teen chudail ko raste me dekha tha. Jiske bare me aaj yaha likh raha hoon. Mujhe ab bhi bishwash nahi ho raha hain. Ki jis teen aurat ko dekha tha.

Wo hakikat me koi aurat nahi balki chudail thi. Kabhi kabhi insaan jise dekh kar andekha kar deta hain. Kabhi us par dhyan nahi deta hain. Dekhne se koi aam insaan ki tarah lagta hain. Par wo koi aam insaan nahi balki kuchh aur hi hota hain. Dekhne me bilkul kisi aadmi ki tarah lagne wala insaan bhi bhoot pret ho sakta hain. Aise hi main ek baar teen aurat ko dekha tha. Jo bilkul aam aurat ki tarah lag rahi thi. Bilkul aam aurat ki tarah. Koi fark nahi kar sakta hain ki ye chudail hain.

Ya koi aurat. Par hakikat me wo chudail hi thi. Kuchh upari shakti hoti hain. Jab tak use chhero nahi tab tak wo kisi ko kuchh bhi nahi karti hain. Yadi kisi ne use tang kiya ya phir use kisi ki baat buri lag gai. To samjho ki uske upar aafat aa gaya. Mujhe jab tak bishwash nahi hua. Tab tak wo aam aurat ki tarah hi lag rahi thi. Par jab mujhe pata chala ki ye chudail hain.

To mano mera halat hi kharab ho gaya. Bahut pahle ki baat hain. Main apne dukan se ghar wapas ja raha tha. Mera dukan aur mera ghar lagbhag teen kilometer ki duri par hain. Dukan se ghar jane ke raste me ek chhota sa jungle padta hain. Main gaon dehat ka rahne wala hoon. Mera ghar gaon me hain. Gaon ke andar mera ghar hain. Waha se duri par mera ek chhota sa dukan hain.

Jis jagah dukan hain. Waha par chhota sa bazar bhi lagta hain. Lagbhag char gaon ka bazar us jagah padta hain. Char gaon ke log sabji ya kuchh saman kharidne ke liye waha aate hain. Kuchh dukan bhi hain. Mera bhi ek chhota sa dukan hain. Gaon ke taraf jab bhi koi bus aata hain to waha par rukata hain. Us jagah par ek chauraha bhi padta hain. Mujhe raat ke samay wapas aane me der ho jata hain. Market band hoga.

Tab ja kar main apna dukan band kar ke wapas aata hoon. Wapas aane ke raste me jo jungle padta hain. Wo thoda darawana bhi hain. Kyu ki gaon ke log sham dhale hi apne apne gharon ke andar chale jate hain. Raat hua nahi ki gaon me sannata pasar jata hain. Mujhe apna dukan band kar ke wapas aana rahta hain. Jis karan der ho jata hain.

Ek baar main apna dukan band kar ke wapas aa raha tha. Thand ka mausam tha. Raste me street light jal rahi thi. Main jungle ke raste se hote hue wapas aa raha tha. Jise hi main jungle ke bicho bich pahucha ki maine dekha. Teen aurat sadak ke kinare baith kar baat kar rahi hain. Pahli najar me jab maine unhe dekha to thoda soch me pad gaya. Phir socha ki ye koun aurat hain jo itne veeran me baith kar aapas me baaten kar rahi hain.

Sadak kinare ke khambe me lage bulb ki roshni me mujhe wo teeno saaf dikh rahi thi. Wo sadak ke kinare thi. Main apna cycle chala raha tha aur un teeno ko dekh bhi raha tha. Wo teeno bhi apna baat band kar ke mere taraf dekhne lagi. Main un teeno ko bahut hi dhyan se dekha. Par wo mere jaan pahchan ki nahi lag rahi thi. Maine is se pahle kabhi bhi un teen auraton ko nahi dekha tha. Apna cycle chalata hua waha se gujar gaya.

Apne ghar pahucha aur raat ka khana khaya. Main raat ka khana khate hue ye baat apni patni ko bataya. Meri patni boli ki in sabhi chijon par dhayan nahi dena chahiye. Hoga koi hame us se kya lena dena. Main bhi socha ki ho sakta hain koi hoga. Ho sakta hain bazar se apne ghar ja rahi hogi aur thak gai hogi.

Jis karan raste ke kinare baith kar aapas me baaten bhi kar rahi hogi. Aur thoda thakan bhi kam kar rahi hogi. Main agle din phir apne dukan gaya. Raat ke samay jab wapas aa raha tha to phir se maine un teen aurat ko dekha. Jo raste ke kinare baith kar aapas me baaten kar rahi thi. Mujhe thoda ajib laga.

Main unhe kuchh nahi bola aur sidha apne raste cycle chalata hua. Waha se gujar gaya. Ghar aaya to maine ye baat phir se apni patni ko bataya. Par meri patni sirf itna boli ki in sabhi chijo ko andekha kar do. Koi bhi ho hame un se kya lena dena. Par main soch me tha. Agli subah phir se main apne dukan gaya.

Jab raat ke samay wapas aaya to maine phir se un teen auraton ko dekha. Ab ye roj raat ki baat ho gai. Thand ka mausam aur us par bhi raat ke samay thik usi jagah. Ye teen aurat kaha se aati hain. Main bahut jyada soch me pad gaya. Par ek raat aisa ghatna ghata jise main kabhi bhool nahi paya. Main raat ke samay wapas aa raha tha.

Jab us jagah pahucha to dekha ki wo teeno aurat sadak ke bicho bich khadi hain. Use dekhte hi main kuchh dur se hi ghanti bajane laga. Par wo teeno aurat sadak ke bicho bich hi khadi rahi. Main unke samne pahuch gaya. Apne jane ka rasta banane ke liye main cycle ka ghanti bajane laga. Mera cycle ka ghanti ka aawaj sun kar teeno hasne lagi.

Main kuchh soch nahi pa raha tha. Tabhi ek aurat chalte hue sadak ke kinare aa gai. Usne payal pahan rakhi thi. Jaise hi chali uski payal ki aawaj aai aur main uske pair ki taraf dekha. To mera hosh uda ka uda hi rah gaya. Kyu ki us aurat ka pair pichhe ki taraf ghuma hua tha. Sharir aage ki taraf aur pair ka panja pichhe ki taraf.

Mujhe ab pura yakin ho gaya ki ye koi aam aurat nahi balki teen chudail hain. Wo teen chudail hi thi. Un teen chudail me se ek chudail sadak ke kinare ja chuki thi aur ab bhi do chudail sadak ke bicho bich thi. Par wo teeno chudail mujhe dekh kar hass rahi thi. Main to bahut darr chuka tha.

Darr se mera halat bhi kharab tha. Par ab bhi main apne cycle ke upar hi tha. Tabhi ek chudail thoda apne jagah se kinare ki taraf badhi aur apne haath se ishara karte hue boli. Jaiye hamne rasta de diya "Jaiye". Mera to halat hi khrab tha. Main apna cycle chalana shuru kiya.

Mujhe dekh kar wo teeno chudail phir se jor jor se hasne lagi. Jitna speed ho sakta tha. Utna speed cycle chalata hua apne ghar pahucha. Ye baat maine apni patni ko bhi bataya. Wo bhi soch me pad gai. Main sab se jyada chintit tha. Kyu ki agar wo teen chudail chah leti to mujhe aasani se maar sakti thi.

Par us teen chudail ne aisa nahi kiya. Uske baad to main bahut dino tak sham hote hi apne ghar wapas aa jata. Par us raat ke baad ab tak maine un teen chudail ko nahi dekha.