Tin Ka Dabb, Horror Story

Tin Ka Dabb,  Horror Story.

Bahut se jagah aisa bhi hain. Jaha par kuchh na kuchh hua rahta hain. Koi aisi ghatna jo dil dahla dene wala ho. Jiske bare me soch kar rongte khade ho jaye. Bhoot pret har jagah nahi paye jate hain. Par kuchh jagah aise bhi hain. Jaha par unki maujudgi ka ehsaas ho hi jata hain.

Aisa lagta hain yaha par kuchh to jarur hain. Bhoot pret ki kahani. Horror story sunane me achchha bhi lagta hain. Par jab kisi ka pala bhoot pret se par jaye to aur bhi khatarnak manjar ban jata hain. Halat kharab ho jata hain.

Bhoot pret hote hain ya nahi mujhe nahi pata. Par bhoot pret ki kahani bahut baar suna hoon. Logo ko aapas me bhoot pret ke bare me baaten karte hue suna bhi hoon. Bhoot pret kisi ke upar hawi bhi ho jate hain. Log kahte hain jiski ichchha adhuri rah jati hain. Marne ke baad uski aatma bhatakti hain.

Jise bhoot pret kahte hain. Wo apni adhuri ichchha ko pura karna chahti hain. Ek aisa hi horror story hain. Tin ka dabba. Waise main pese se ek majdur hoon. Majduri karta hoon. Kisi plant me ya phir kisi factory me. Isi pesha se mera ghar chalta hain. Main Bihar ka rahne wala hoon aur labour ka kaam karta hoon. Kisi plant me cement ka bori dhona.

Ya plant me jharu marna. Ya phir kisi saman ko idhar se udhar rakhna. Majduri karna hi mera kaam hain. Abhi main ek plant me kaam karta hoon. Yaha par loha ka structure banta hain. Jisme main rust chhodane ka kaam karta hoon.

Bachpan se khwahish tha ki padh likh kar koi achchha kaam karu. Par kismat naam ka bhi koi chij hota hain. Bahut baar achchhi naukari ke liye apply kiya par nahi ho paya. Isliye ab sochta hoon jo kismat me likha hain. Use swikar karne me hi bhalai hain. Har kisi ko apne sapne ke hisab se kaam nahi milta. Jo mila wahi mera hain. Isi me khush rahna padega. Main ek plant me kaam karta hoon.

Bahut dino se yaha kaam kar raha hoon. Par kahi na kahi kuchh na kuchh jarur hua rahta hain. Jiska chhap chhut hi jata hain. Main jis plant me kaam karta hoon. Waha par aisa hi ek chhap hain. Wo tin ka dabba. Jo aaj bhi latka hua hain. Bahut se majdur bhai kahte hain ki ye jagah bhootaha hain.

Wo tin ka dabba hakikat me ek helper ka hain. Jo ki plant ke sab se uchai par aaj bhi latka hua hain. Plant ke andar bana hua shed. Jis shed ke upar ek tin ka dabba latka hua hain. Jab jab main us jagah se gujarta tha tab tab main wo paint ka dabba dekha hoon. Log kahte hain ki jab plant ke andar sannata chha jata hain.

To koi helper plant ke us uchai par paint marte hue najar aata hain. Achanak se kisi ke girne ka aawaj bhi aata hain. Koi hain jo plant ke height se achanak niche girta hain. Ek bahut hi dardnak gunj plant ke andar gujne lagta hain. Lagta hain jaise koi bahut hi bada accident hua ho. Par jab koi samne ja kar dekhta hain.

To koi bhi najar nahi aata hain. Ek ladka jo us plant me kaam karta tha. Wo paint marne ka kaam karta tha. Bahut din pahle wo plant ke upari husse me paint marne chahra tha. Usne safety belt laga rakha tha. Par nahi pata kaise uska safety belt ka hook toot gaya. Shayad uski maut waha par likha hua tha.

Paint marne ke liye ek tin ka dabba le kar upar chahra tha. Tin ka dabba ko wo majbuti se phasa kar rakha tha. Par nahi pata kaise achanak se pakad dhila pad gaya. Jis karan wo helper plant ke uchai se niche gir gaya. Height bahut hi jyada tha.

Jis karan girne ke turant baad hi marr gaya. Par tin ka dabba usi jagah par phasa rah gaya. Kisi ka himmat nahi hua ki koi ja kar tin ka dabba utar de. Jo bhi tin ka dabba utarne ke liye upar chahra. Use aisa laga ki koi hain jo plant ke uchai se use niche girane ki koshish kar raha hain.

Darr se kisi ka himmat nahi hua ki ja kar tin ka dabba upar se niche utar de. Ab bhi wo dabba plant ke us uchai par latka hua hain. Ek baar ka baat hain. Main plant ke andar kaam kar raha tha. Wo bhi night shift me. Night shift me plant ke andar bahut hi kam log kaam karte hain. Main apne ustad ke sath tha. Tabhi mujhe aisa laga ki koi chilla raha hain.

Mera ustad bhi mere sath. Ek tej aawaj hamare kaano se takraya. Aisa laga ki koi plant ke kisi hisse me phasa hua hain. Wo upar se niche gira ho. Main waha naya naya tha. Mera ustad bhi naya tha. Use bhi plant ke bare me kuchh khash pata nahi tha. Mera ustad mujh se bola ki chal chal kar dekhte hain waha kya hua hain.

Lagta hain plant ke andar koi accident ho gaya hain. Ham dono daudte hue us jagah par pahuch gaye. Par jaise hi waha pahuche ki tabhi plant ka light bhi chala gaya. Charo taraf andhera hi andhera chha gaya. Utne bade area me jaha koi bhi nahi ho aur achanak se light chala jaye.

To darr lagna aam baat hain. Kisi ka accident hua aur pata bhi nahi chala ki wo kaha hain. Main idhar udhar andhere me hi use khojne laga. Darr to mujhe bhi lag raha tha. Main darr chuka tha. Mera ustad bhi dara hua tha. Ham dono andhere me use khoj rahe the.

Tabhi achanak mere ustad halla kiya bhoot bhoot. Turant wo plant ke bahar ki taraf daudne laga. Main bhi uske pichhe pichhe daudte hue. Plant ke bahar dauda. Daudte hue nahi pata kintni baar hame chot bhi laga. Ham plant ke bahar aaye.

To maine apne ustad se puchha kya hua ustad aap itna chilla kar bahar ki taraf kyu bhage. Tab usne mujh se kaha ki lagta hain. Plant ke andar bhoot hain. Mujhe bhi lag chuka tha ki plant ke andar jarur bhoot hain. Mera ustad mujh se bola ki yaar mujhe aisa laga ki kisi ne mere kandhe par haath diya hain.

Jab palat kar dekha to. Bilkul chamakta hua do aankh dikhai diya. Jis se main darr gaya aur bahar ki taraf bhaga. Main bhi us raat darr chuka tha. Bhag kar security post ke paas chale gaye. Thoda der ke baad light bhi aa gaya. Par waha par koi bhi nahi tha. Saaf si baat hain. Wo aawaj kisi aur ka nahi balki bhoot ka hain.

Hamne apne duty din me karwa liya. Bahut se logo se us jagah ke bare me puchha. Jitne purane log the sabhi ne kaha ki ye jagah bhootaha hain. Bahut saal pahle yaha par ek accident hua tha. Paint marne wala ka aatma ab bhi plant me bhatakta hain.

Jab bhi main plant ke us hisse se gujrta ths. To dekha tha ki tin ka dabba plant ke uchai par latka hua hain. Ye wahi tin ka dabba hain. Jise le kar ek helper plant maar raha tha. Tin ka dabba wahi latka rah gaya. Aur helper uchai se gir kar marr gaya.

Uski aatma ab bhi plant me bhatkata hain. Us jagah par koi na koi aisa ghatna ghat hi jata hain. Jis se andaja lagta hain ki yaha par kuchh na kuchh to jarur hain.